Контакт

Свет

Најмалку 25 заразени на американски носач на авиони

Објавено пред

Пентагон објави дека бројот на заразени морнари од коронавирус на носачот на авиони „УСС Теодор Рузвелт“ за само два дена се зголемил од три на 25.

Американската морнарица очекува натамошно зголемување на овој број, а некои аналитичари сметаат дека Стејт департментот не сака да го каже вистинскиот број на заразени бидејќи Кина и Северна Кореја би можеле да ја искористат ранливоста на бродот за воени маневри.

Бродот, во кој има 5.000 членови на екипажот, итно ќе се вкотви во пристаништето на американската територија Гуам, но на никој од морнарите нема да му биде дозволено да го напушти пристаништето.

Не е познато како точно вирусот пристигнал на бродот, но веројатно го донел некој од морнарите за време на престојот во Виетнам каде пред две недели бил укотвен „Теодор Рузвелт“. Морнарицата забрзано работи на изолирање на заразените лица на бродот, а Пентагон вели дека целиот екипаж ќе биде тестиран што е можно поскоро.

Во моментов има 280 случаи на инфекција со коронавирус во американската војска, од кои 133 се во морнарицата. Пентагон во средата нареди 60-дневна забрана за заминување на американските трупи на мисии низ целиот свет.

 



©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет

Мигрантите во Ла Манш се заканија дека ќе си ги фрлат децата во вода за да ги избркаат Французите

Објавено пред

Нелегалните мигранти што минуваат низ Ла Манш во мали чамци се закануваат дека ќе се удават себеси или своите деца за да ги вратат француските бродови, пренесува „Тајмс“.

Мигрантите од логорите заразени од коронавирус на францускиот брег го преминуваат англискиот канал во рекордни броеви, при што многумина навидум се придружувани во британските територијални води од француски бродови наместо да бидат пресретнати вратени назад.

Британската влада, која ѝ плати на француската влада милиони фунти за да ги запре мигрантите да ја користат Франција како отскочна штица за Велика Британија, ја бранеше оваа состојба – нападната од Најџел Фараж – со образложение дека француските власти според меѓународното право не можат да ги спречат мигрантите да побараат помош,  и дека британските власти, на сличен начин, не смеат да ги вартат чамците туку мора да ги придружуваат до Англија каде што тие ќе ги достават своите лажни барања за азил.

Јавноста е скептична во врска со овие објаснувања, со оглед на тоа што Австралијците со години спроведуваат успешна политика за враќање на мигрантските чамци, но новите извештаи откриваат дека Французите имаат нов изговор за да не пресретнуваат мигрантите бидејќи дел од нив се закануваат дека ќе се фрлат во вода или тие или нивните деца ако бродовите им се приближат.

„Кога француските патролни бродови се приближуваат до чамците, мигрантите се закануваат дека ќе скокнат или ќе ги фрлат своите деца во вода за да ги спречат властите да им помогнат. Французите немаат друг избор освен да се повлечат и да ги следат чамците додека не се доближат до брод на пограничнтеи сили на Велика Британија “, изјави во четвртокот Ричард Форд, дописник на „Тајмс“.

Јасно е дека мигрантите кои се однесуваат на овој начин вршат најразлични кривични дела според меѓународното право и домашните закони и на Велика Британија и на Франција, а сепак ниту една земја не дала никакви индикации дека ги апси нелегалните мигранти за вакви дела.

Исто така, останува нејасно зошто мигрантите не можеле сепак да бидат испратени назад во Франција по пристигнувањето на британска територија бидејќи меѓународните конвенции против таквите дејства не се правно обврзувачки.

Според „Телеграф“, британскиот секретар за внатрешни работи, Прити Пател,планира да донесе нови закони откако Велика Британија ќе ја напушти ЕУ за да може полесно да ги вратат мигрантите преку каналот во Франција.

Прикажи повеќе...

Свет

Британската полиција истражува трговија со луѓе и ропство меѓу романските берачи на овошје

Објавено пред

Полицијата во Кент уапси пет лица во врска со наводна трговија и експлоатација на романски берачи на овошје, пренесува „Кент онлајн“.

Детективи од Дирекцијата за сериозни злосторства во Кент и Есекс потврдија дека минатиот петок на имот во Чатам, во областа Медвеј, била спроведена рација, при што уапсени биле четворица мажи на возраст од 19 до 39 години и една жена на возраст од 41 година. Подоцна тие биле ослободени од притвор во очекување на дополнителни полициски истраги.

Неколку лица за кои се смета дека се жртви на ропство се однесени на безбедно.

Детективот Стејси Чепмен од тимот за современо ропство и трговија со луѓе изјави за регионалниот весник:

„Жртвите на современото ропство и трговијата со луѓе честопати се принудени да работат многу часови за многу малку пари, донесени во оваа земја со ветување за подобар живот, но принудени да издржуваат ужасни услови за живеење и закани со насилство или депортација ако се осмелат да ги предизвикаат одговорните“.

Во 2017 година Националната агенција за криминал (НЦА) предупреди дека модерното ропство во Велика Британија е во пораст и е многу поприсутно отколку што се сметаше претходно.

НЦА за порастот го обвини режимот на ЕУ за слобода на движење  според кој граѓаните на државите членки може да живеат и работат во која било друга земја членка, без минимални плати или визи. Директорот на НЦА, Вил Кер, во тоа време рече: „Онаму каде што можете слободно да се движите, ќе има банди што ќе бараат да се вклучат во тој процес“.

Се верува дека во целата земја има десетици илјади робови, принудени на проституција и на принудна работа. Иако се вели дека оваа појава ја има во сите области на Велика Британија, шефот на единицата против ропство во Скотланд Јард во 2017 година рече дека Лондон е глобалното жариште.

Минатата година се забележани неколку апсења и пресуди за трговија со луѓе и робство. Во јуни 2019 година тројца членови на романската банда за организиран криминал во Илфорд, Лондон, беа затворени за современо ропство.

Во јули Кралското обвинителство (ЦСП) изрече пресуди за, како што рече, најголемиот случај на модерно ропство за кое се верува дека е најголемо од ваков вид и во Европа, со најмалку 300 потенцијални жртви.

Осум трговци со луѓе со полско потекло добиле казни за намамување бездомници и наркомани од нивната матична земја во Бирмингем за да работат, вклучувајќи и берење кромид, за помалку од 10 фунти неделно. Криминалците исто така ја користеле социјалната помош од своите жртви, кои ги принудувале да спијат во супстандардно сместување.

Во октомври Елеонора Василева, Илија Михајлов и Маријан Василев беа осудени на затворски казни меѓу три и 11 години за трговија со жени од Бугарија, кои работеле како проститутки во нивните бордели во источен Лондон.

 

Прикажи повеќе...

Свет

Немири во предградие на Париз по смртта на мотоциклист во судир со воз

Објавено пред

Насилство и немири избувнаа во париското предградие Монтињи-лес-Кормеј по смртта на 18-годишен мотоциклист за што беше обвинета полицијата, пренесува „Ле Паризиен“.

Седум лица на возраст од 16 до 32 години беа уапсени на немирите во кои беа уништени седум камери за надзор и 12 контејнери, а беа лансирани и проектили кон градското собрание и кон неколку полициски станици во областа.

Четириесет и пет полицајци беа распоредени за да го вратат редот, меѓу кои и полицајци од соседните општини.

Смртта на тинејџерот се случила на железничката пруга во средата попладнето. Тој бил удрен од воз додека се обидувал да премине на пешачки премин помеѓу Франконвил и Монтињи-лес-Кормеј со својот мини мотоцикл.

Железничкиот сообраќај беше запрен по линијата до полноќ. Жителите што ја слушнале несреќата првично мислеле дека возот се превртел.

„Кога ги видовме телефонот, чевлите и јакната, сфативме што се случило“, изјави еден жител за „Ле Паризиен“.

Набргу по несреќата, локалните млади почнале да ја обвинуваат полицијата за смртта на тинејџерот, рече заменик-директорот на Одделот за јавна безбедност, за „Вал-Д’Оиз“. На официјалниот профил на француската полиција на „Твитер“ го негираа обвинувањето обележувајќи ги наводите како лажни вести.

Локален жител негира дека полицијата има некаква врска велејќи: „Тие се убедени дека младиот човек го бркала полицијата, но не беше така. Ние бевме таму. Немаше никој.

Случајот потсетува на уште еден инцидент пред еден месец во кој мотоциклист бил повреден во несреќата во која учествувала и полицијата во Вилнев-ла-Гарен.

За инцидентот беше обвинета полицијата, а во градовите во Франција избувнаа немири и напади врз полицијата во разни области и покрај тоа што Франција беше во изолација поради коронавирусот. Автомобили и другите предмети биле запалени, а полицијата била нападната и со „молотови коктели“.

 

Прикажи повеќе...

Најново

Македонија30 минути

(Видео) Пауновски: Угостители ги понижуваа инспекторите, се однесуваат како да нема вирус

Одредени угостители со понижување се однесувале кон инспекторите од Пазарниот инспекторат велејќи им: „Едуцирајте нè и напуштете го локалот“, посочи...

Македонија1 час

Филипче: Да знаевме дека нема да се почитуваат мерките, немаше да дадеме препорака за отворање на кафеаните

По објавата на фотографиите од скопски кафеани, каде што, наместо почитување на препораките, се правеле забави, без одржување дистанца, без...

Македонија2 часа

(Видео) Филипче: Мерките не се почитуваат, можен е карантин во некои општини

Новозаболените од коронавирусот се резултат на непочитувањето на мерките, вели министерот за здравство, Венко Филипче, кој рече дека има информации...

Македонија2 часа

Загинувањето на планинарите на Кајмакчалан било несреќа, отфрлена кривичната пријава

Основното јавно обвинителство Скопје донесе Решение за отфрлање на кривична пријава против водичот на планинарската тура, во која пред 2...

Македонија3 часа

Потврдени 52 нови случаја на заразени, починаа 4 лица

Денеска, потврдени се 52 нови случаја на Ковид-19, оздравени се 30 пациенти, а починати се 4 лица, информира Министерството за...

Македонија3 часа

Се бара казна од 10.000 евра за поранешната директорка на кожната клиника

Скопското Обвинителство денеска до надлежниот суд поднесе предлог за издавање казнен налог против поранешната директорка на ЈЗУ Клиника за дерматовенерологија,...

Економија3 часа

(Видео) ФИТР објави повик за финансиска помош, фирмите со добивка ќе треба да ги вратат парите

Речиси 150 домашни микро, мали и средни компании имаат можност да добијат поддршка за брзо приспособување на последиците од Ковид-19...

Македонија3 часа

(Видео) Американски и грчки воени авиони летаа над нашата земја

Два авиона на американското воено воздухопловство, придружувани од четири воени авиона на Грција, околу 11 часот извршија прелет над територијата...

Македонија4 часа

Бугарија го укинува задолжителниот карантин за патниците од Македонија од 1 јуни

Бугарија планира од 1 јуни да го укине задолжителниот 14-дневен карантин за патниците од Македонија и од повеќето земји на...

Свет4 часа

Нов Зеланд има само еден активен случај на коронавирус

Седум дена по ред Нов Зеланд не потврди ниту еден нов случај на коронавирус. Здравствените власти соопштија дека во моментот...

Свет6 часа

(Видео) Немири во Минеаполис поради смртта на црнецот, запалена полициската станица, прогласена вонредна состојба

Демонстрантите влегоа во полициската станица во Минеаполис, предизвикаа пожари и уништија сè што им се нјаде на патот во текот...

Регион7 часа

Хрватска го објави протоколот за свадби – најмногу 150 гости, на подиумот да се држи растојание од два метра

Хрватскиот завод за јавно здравје објави детаљни препораки за одржување свадби, кои од неодамна повторно се дозволени во Хрватска. Некои...

Свет7 часа

Кина се закани со напад на Тајван

Кина ќе го нападне Тајван ако нема друг начин да се спречи неговата независност, предупреди еден од главните кинески генерали,...

Европа7 часа

Идејата за имунитет на стадото во Британија не успеа

Речиси седум проценти од луѓето во британската покраина Англија биле инфицирани со коронавирус, покажале резултатите од тестот на антитела на...

Свет8 часа

Итна седница на ОН за спорниот закон за безбедност за Хонгконг што го донесе Кина

САД и Велика Британија побараа седница на Советот за бесбедност на ОН за спорниот закон за безбедност, кој Кина го...

Македонија8 часа

Македонија додадена на листата на земји чии граѓани може да патуваат во Црна Гора

Националното координативно тело на Црна Гора, синоќа, по предлог на Институтот за јавно здравје, одлучи дека од 1 јуни ќе...

Македонија21 час

Агенцијата за национална безбедност го демантира Чулев: Не располагаме со опрема за следење на комуникации

Агенцијата за национална безбедност не располага ниту со опрема за следење на комуникации, ниту со медијациски уреди за активирање на...

Регион21 час

Црна Гора на чекор до прогласување крај на епидемијата

Во Црна Гора ниту денеска нема нов случај на коронавирус, а црногорските медиуми пишуваат дека ако овој тренд продолжи уште...

Топ23 часа

АД „Водостопанство“ и еден раководител ќе одговараат за смртта на 15-годишното момче што се удави во Пчиња

Полицијата поднесе кривична пријава против АД „Водостопанство“ на Македонија и раководител на сектор за речен слив и речни корита поради...

Македонија24 часа

Филипче: ВМРО-ДПМНЕ прави сериозна манипулација со бројките за смртност од коронавирус

ВМРО-ДПМНЕ прави сериозна манипулација со бројките за смртност од коронавирусот и тоа е навистина загрижувачки. Не разбирам како може да...

Досие