Во Европа на секои шест минути има по една жртва на патиштата, 230 секој ден или 83 000 секоја година, соопшти Светската здравствена организација по повод Светскиот ден на жртвите на сообраќајни несреќи кој се одбележува секоја трета недела во ноември.

Сообраќајните несреќи се водечка причина за смртност кај децата и младите на возраст од 5 до 14 години и втора причина за смртност кај младите на возраст од 15 до 29 години.

СЗО наведува дека сообраќајните несреќи не се несреќи кои се дефинираат како неочекуван и непредвидлив настан кој не може да се спречи, туку како настан кој има свои фактори на ризик и со самото тоа може да се превенираат.

Главни фактори за ризик се брзото возење, алкохолот, некористењето на кацига, појас и детски седишта и се поврзани со половина од смртните случаи во сообраќајките во Европа.

Убијците на саудискиот новинар Џамал Кашоги можно е да го изнеле неговото распарчено тело од Турција како багаж, изјави министерот за одбрана на Турција, Халуси Акар.

„Една од можностите, која е многу веројатна, е дека тие ја напуштиле државата три до четири часа откако го убиле. Можеби го изнеле распарченото тело на Кашоги во багажот без проблем благодарение на нивниот дипломатски имунитет“, рече Акар на намеѓународна коференција во Канада за Си-ен-ен на турски јазик

Кашоги, кој беше колумнист за „Вашингтон пост“, беше убиен во конзулатот на Саудиска Арабија во Истанбул на 2 октомври, што предизвика глобална осуда на Саудиска Арабија и принцот Мохамед бин Салман.

Ријад од тогаш објави многу контрадикторни соопштенија за неговото исчезнување, сè додека, две недели подоцна, не призна дека Кашоги е убиен во саудискиот конзулат.

Турција претходно соопшти дека 15 лица учествувале во убиството, а дека меѓу нив имало и двајца експерти од „тимот за чистење“ како и дека телото на Кашоги било распарчено, а потоа стопено во киселина и фрлено во канализација.

Саудискиот јавен обвинител објави дека телото на Кашоги било распарчено, а потоа отстрането од објектот и предадено на неидентификуван локален соработник.

ЦИА вчера објави дека принцот Мохамед го нарачал убиството. Американскиот претседател, Доналд Трамп, изјави дека заклучокот е преран и додал дека ќе почека до вторник да го добие комплетниот извештај за случајот „Кашоги“.

Папата Франциско го криткуваше растот на нееднаквоста во богатството во светот, но и третманот кон мигрантите. Поглаварот на Римокатоличката црква порача дека светот не би требало да ги игнорира оние кои брановите на животот ги фрлаат на сите страни.

„Неправдата е изопачен корен на сиромаштијата“ рекол папата Франциско на миса посветена на Светскиот ден на сиромашните, што го одбележува Римокатоличката црква, пренесе Ројтерс.

Според него, крикот на сиромашните секој ден станува се посилен, но се послабо се слуша, зошто е заглушен од гласноста на малобројните богаташи, кои се се помалку, но се побогати.

Папата ја повтори својата поддршка за мигрантите, заклучувајќи дека луѓето мораат да посветат внимание на сите оние кои се принудени да бегаат од своите огништа и од родните земји во неизвесност за иднината.