Познатата актерка Мира Фурлан починала од вирусот на западно-нилска треска, пишуваат хрватските медиуми. Актерката неколку месеци се борела со болеста во САД, каде што живее од 90-те години.

Информацијата ја пренесоа хрватските медиуми кои се повикуваат на блиска личност од нејзиното семејство. Засега нема официјана потврда.

Утрово беше објавени дека Мира Фурлан починала во средата. Режисерот на „Бабилон 5“, Мајкл Страчински објави дека екипата од серијата веќе подолго време знаела дека на Фурлан и е нарушено здравјето.

Во Кина, во последните 24 часа се потврдени 103 нови случаи на коронавирус, од кои 94 се локални преноси.

Поради повторното појавување на нови случаи во Кина, масовното тестирање на коронавирус е започнато во Пекинг, додека тестирањето на сите здравствени работници е започнато во Шангај, пренесува „Ројтерс“.

Во провинцијата Хајлонгџијанг, сите нови случаи и асимптоматски случаи се поврзани со фабриката за преработка на месо и се смета дека тоа е првиот кластер на случаи во Кина.

Десетици милиони жители на северните провинции на Кина се наоѓаат во еден вид блокада.

Од почетокот на епидемијата на коронавирусот во Кина, крајот на 2019 година, во Кина се потврдени 88.804 случаи на заболување и 4.635 смртни случаи.

Шпанија објави рекордни 44.357 нови инфекции со коронавирус за еден ден.Во претходните 24 часа, 404 лица починаа од коронавирус во Шпанија, со што бројот на смртни случаи од инфекцијата достигна 55.000.

Просечниот број на заразени во последните 14 дена денес се зголеми на 796 од вчерашните 736 на 100.000 жители.Во Шпанија, 36 проценти од креветите се моментално зафатени во единиците за интензивна нега, а во регионите Ла Риоха и Валенсија, повеќе од 50 проценти.Коронавирусната инфекција е потврдена кај 2,5 милиони Шпанци, со што е на седмата позиција во светот.