Српскиот претседател Александар Вучиќ објави дека ќе се обидат да направат фабрика за вакцини во Србија.

Како што се наведува во неговата објава на Инстаграм, тоа би овозможило сами да произведуваат доволно вакцини за српското население.

 

View this post on Instagram

 

A post shared by Александар Вучић (@avucic)

„Грчевито се бориме, многу е тешко да се набават вакцини. Се надевам на добра вест следната недела. Светскиот поредок и односите меѓу земјите никогаш не се менувале како сега во време на корона. Затоа за нас е важно годинава да добиеме што повеќе вакцини, да бидеме вредни. Ќе се обидеме да направиме фабрика за вакцини за да можеме сами да произведеме доволно вакцини за нашето население“, напиша Вучиќ.

Српскиот министер за иновации и технолошки развој, Ненад Поповиќ, вчера ги посети производствените капацитети на најголемиот руски производител на вакцини „Спутник V“. Tој рече дека почнале официјални разговори за производство на таа вакцина на територијата на Србија.

„Благодарение на претседателот Вучиќ, руската страна веднаш одговори на нашето барање руската вакцина  ‘Спутник V’ да се произведува во Србија, а од највисокото ниво во рускиот државен врв беше наредено да се најде начин да се воспостави производство на оваа вакцина во Србија што е можно поскоро“, рече Поповиќ.

Компанијата „Астра зенека“ соопшти дека почетните испораки на вакцината против коронавирус за земјите на ЕУ ќе бидат помали од предвиденото.

До намалување на испораката на вакцината, која се развива со Универзитетот Оксфорд, доаѓа поради застој во производството.

„Почетните количини ќе бидат помали од првично предвидените, заради намалените приноси на точката на производство во рамките на нашиот европски синџир на снабдување“, соопшти портпаролот на компанијата во писмена изјава, одбивајќи да даде детали.

Тој додаде дека компанијата ќе ги снабдува земјите од ЕУ со десетици милиони дози во февруари и март, бидејќи продолжува да ги зголемува количините на производство.

Претходно, германски „Билд“ објави, повикувајќи се на извори од компанијата, дека „Астра зенека“ ја известила Европската комисија дека на почетокот нема да може да ги испорача договорените количини на вакцини за коронавирус, откако доби одобрение за употреба во блокот, што се очекува кон крајот на јануари.

Турскиот претседател Реџеп Таип Ердоган најави дека неговата земја би можела сама да интервенира за да ги протера терористите „ПКК“од северот на Ирак.

„Имам фраза во која секогаш кажувам: Можеби ќе изненадиме една ноќ“, рекол Ердоган во изјава за новинарите во Истанбул, мислејќи на можноста за изведување изненадна турска операција за протерување на терористите од Синџар, пренесе агенцијата „Анадолија“.

Пред неколку дена турскиот министер за одбрана Хулуси Акар одржа разговори со претставници на регионот на Ирачки Курдистан. Според официјални извори, разговорите биле насочени на начините за унапредување на заедничката безбедност и воена соработка на двете страни.