Европа
Невакцинираните работници во Канада одат на неплатен одмор

Вработени во Канада кои не се целосно вакцинирани против Ковид-19 и не се ослободени од примање вакцини ќе бидат испратени на неплатен одмор, додека патниците и работниците од домашниот воздухопловен, железнички и бродски сообраќај наскоро ќе треба да покажат доказ за вакцинација.
Вработените ќе треба да презентираат доказ за вакцинација преку интернет до 29 октомври, велат официјалните лица.
Работниците и патниците во возовите, авионите и крстосувачите кои патуваат дома мора да докажат дека се вакцинирани до 30 октомври.
Воведувањето на задолжителна вакцинација беше камен темелник што го вети либералниот премиер Џастин Трудо за време на неговата реизборна кампања.
Либералите се вратија на власт на изборите минатиот месец, но не успеаја да освојат мнозинство.
Политиката за вакцинација на Канада ќе биде една од најстрогите во светот.
Мерките за вакцинација за работниците, чие воведување беше објавено на 13 август, ќе се преконтролираат на секои шест месеци и ќе останат на сила сè додека тоа е потребно, рече еден официјален претставник.
За патниците, негативниот тест за Ковид-19 нема да биде прифатен како замена за доказ за вакцинација по 30 ноември, рекоа официјалните лица.
Децата под 12 -годишна возраст, кои сè уште немаат право на вакцинација во Канада, ќе бидат ослободени од ограничувањето.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Европа
Зеленски во Лондон: Имаме слобода, дајте ни крилја да ја заштитиме

Украинскиот претседател Володимир Зеленски за време на неговата посета на Лондон одржа говор пред британските парламентарци.
Зборувајќи на англиски, тој и’ се заблагодари на Британија во име на украинските војници, регрутите и оние кои ќе бидат распоредени на фронтот на војната.
Тој рече и дека зборува „во име на секој татко и секоја мајка кои чекаат нивните храбри синови и храбри ќерки да се вратат дома од војна“, пишува Гардијан.
„Лондон е со Киев од првиот ден, од првите секунди и минути на руската војна против Украина“ рече тој.
Зеленски и’ се заблагодари на Велика Британија што ја снабдува неговата земја со главни борбени тенкови.
„Ракетите со долг дострел ќе ни овозможат целосно да го отстраниме злото од нашата земја. Обединетото Кралство маршира со Украина кон најважната победа во нашиот живот – победата над самата идеја за војна“, вели Зеленски.
Додаде дека Украина и нејзините сојузници формирале „вистинска коалиција на пријатели“ и веќе постигнале забележителни резултати.
„Победата ќе го промени светот и тоа ќе биде промена која на светот одамна му беше потребна“, рече Зеленски во обраќањето пред британскиот парламент, пренесе „Ројтерс“.
Украинскиот лидер ја повикува Велика Британија да продолжи со воведување санкции за да ја лиши Русија од можноста да ја финансира војната против Украина.
„На светот му треба вашето лидерство, Британија. Исто како што е потребна украинска храброст“ рече Зеленски.
„Имаме слобода, дајте ни крилја да ја заштитиме“
Претседателот Зеленски на спикерот на Долниот дом на Собранието, Линдзи Хојл и’ подари шлем на украински пилот.
На шлемот пишувало: „Ние имаме слобода, дадете ни крилја за заштита“.
По неговиот говор во британскиот парламент, домаќин на Зеленски беше кралот Чарлс.
Претседателот на Украина, кој е во посета на Велика Британија, вечерва ќе пристигне во Париз, јави француската ТВ БФМ повикувајќи се на информирани извори.
Зеленски, кој е во Лондон во својата втора посета во странство од почетокот на рускиот напад врз Украина на 24 февруари минатата година, би можел да пристигне во Брисел во четврток, по Париз, на самитот на Европската унија, но таа посета се уште не е потврдена.
Претседателот на Европскиот совет, Шарл Мишел, во понеделникот рече дека го поканил Зеленски „лично да учествува на еден од идните самити“.
Европа
Шолц: Трката за субвенции со САД би била погрешен пат за ЕУ

Трката за субвенции со САД би била погрешен начин ЕУ да одговори на американскиот Закон за намалување на инфлацијата, изјави денеска германскиот канцелар, Олаф Шолц.
Во своето обраќање во Бундестагот пред самитот на ЕУ, кој почнува в четврток, Шолц рече дека Унијата сака да ги продлабочи економските односи со САД.
Шолц посочи дека тековните разговори САД – ЕУ за Законот за намалување на инфлацијата имаат добра почетна точка доколку Америка се откаже од правилата што ги ставаат европските компании во неповолна положба во споредба со, на пример, компаниите од Канада и Мексико, објави „Ројтерс“.
Европа
Осумгодишниот Јигит цели 52 часа бил под урнатата зграда и чекал помош

Спасувањето на преживеаните, кои останаа заробени под урнатините по страшниот земјотрес што пред два дена опустоши делови од Турција и Сирија, сè уште е во тек.
Повеќе од 9.500 луѓе загинаа, а околу 40.000 се повредени, но се стравува дека овие бројки ќе бидат многу поголеми.
Спасувачите со помош на граѓаните сè уште копаат под урнатините и ги извлекуваат преживеаните, а штотуку пристигна веста дека по 52 часа од урнатините е извлечено осумгодишно момче.
Јигит Чакмак бил закопан под урната зграда во Хатај, Турција, а по извлекувањето, мајка му цврсто го прегрна и плачеше од среќа.