Јас не бев главниот пишувач на говори. Само главниот пишувач на говори има право лично да разговара со претседателот. Така, иако бев прилично високо рангиран, не разговарав со него. Да, го имам видено многу пати. Бев присутен на состаноци, јавни и приватни; понекогаш имаше само неколку луѓе на состаноци зад затворени врати, вели пораешниот пишувач на говори на рускиот претседател Владимир Путин, Абас Галјамов кој сега е во Грузија а против него Русија распиша потерница.

– Според мене, мојот општ впечаток за Путин е дека тој беше добар менаџер. Тој беше многу рационален, многу логичен; навистина не можевте да го замислите во тоа време ова што го прави тоа што го прави сега. Знаеше да поставува прашања, внимаваше да не ги притиска луѓето слушајќи ги нивните одговори, бидејќи кога сте големиот шеф и ако го кажувате своето мислење, тогаш сите други луѓе можеби ќе го поддржат вашето мислење наместо да го кажат своето. Затоа внимаваше да го избегне тоа, вели Галјамов.

Кога започна војната, секогаш мислев како може човекот што го познавав пред години да се претвори во тоа што е сега?, раскажува тој за РСЕ Грузија.

– Сфатив дека она што го видов тогаш беше негова работа на работи, работи кои беа многу важни, но сепак не беа од критична важност. Тоа не беше нешто од кое зависеше неговиот политички живот. Тие не беа егзистенцијални закани. Не беше нешто како односот со НАТО или односот со руската опозиција што се обидуваше да го собори. Значи, тој тогаш не се впушташе во одбрана од лични напади врз него. Но, секогаш кога ќе обвинеше некого дека направил нешто погрешно, тој брзо се претвораше во некој апсолутно ирационален и апсолутно емоционален. Тој е многу преокупиран со прикажувањето на силата. Тоа е негов фетиш, не може да замисли да изгледа слаб, вели Галјамов.

Русија ја зеде Белорусија за „нуклеарен заложник“, соопшти Украина откако претседателот Владимир Путин најави распоредување на „тактичко“ нуклеарно оружје на територијата на нејзиниот сојузник.

„Кремљ ја зеде Белорусија како нуклеарен заложник“, напиша на Твитер секретарот на Советот за безбедност на Украина, Олексеј Данилов, додавајќи дека оваа одлука е „чекор кон внатрешна дестабилизација на земјата“.

Најавата на рускиот претседател „го максимизира нивото на негативна перцепција и јавно отфрлање на Русија и Путин во белоруското општество“, додаде Данилов. Путин во саботата рече дека Москва ќе распореди „тактичко“ нуклеарно оружје на територијата на својот сојузник Белорусија.

Иако Белорусија не е директно вклучена во конфликтот во Украина, Москва ја искористи нејзината територија за да започне офанзива против Киев минатата година и да изврши напади, велат украинските власти.

Исчезнaто 13-годишно девојче од Далас било пронајдено заклучено во барака оддалечена повеќе од 1.500 километри во Северна Каролина, откако била киднапирана и силувана од маж што го запознала на социјалните мрежи.

Девојчето е пронајдено во Лексингтон, на околу еден час возење североисточно од Шарлот, се вели во соопштението на шерифот на округот Дејвидсон, пренесе Си-Ен-Ен.

Канцеларијата на шерифот соопшти дека во петокот вечерта биле контактирани од специјален агент на ФБИ во Тексас за случајот. ФБИ во соработка со полицијата во Далас утврдиле дека возрасен маж разговарал со детето преку Интернет. Содржината на тие разговори била конзистентна со намамување за средба, соопшти канцеларијата на шерифот.

Камерите во близина на домот на тинејџерката снимиле возило регистрирано на човек од округот Дејвидсон.

Девојчето бил затворено во надворешен објект, во сопственост на осомничениот – се вели во соопштението на шерифот.

Инспекторите ја отвориле бараката и го пронашле детето. Таа била однесена во болница за да биде прегледана, а подоцна се вратила дома во Тексас. Осомничениот, 34-годишниот Хорхе Иван Сантос Камачо, е уапсен и се соочува со осум точки од обвинението, меѓу кои и киднапирање и силување на дете. Тој е задржан во притвор во округот Дејвидсон.