Американскиот претседател Џо Бајден реагираше на нападот во близина на Чикаго.

„Џил (сопругата на Бајден) и јас сме шокирани од бесмисленото вооружено насилство што уште еднаш донесе тага во американската заедница на овој Ден на независноста“, рече Бајден во изјавата откако најмалку шест лица беа убиени во пукотниците во Хајленд Парк во Илиноис, за време на парадата на 4 јули.

Бајден истакна дека веднаш ја упатил полицијата итно да помогне во потрагата по убиецот.

Тој потсети дека неодамна го потпишал законот за безбедност на оружјето. „Но, има уште многу работа да се направи и нема да се откажам од борбата против епидемијата на оружено насилство“, додаде Бајден.

Патнички автобус рано утринава се превртел и слетал во бездна на излезот од Киркларели.

Најмалку шест лица загинаа, а 25 се повредени јавуваат, локалните медиуми.

На местото на несреќата пристигнале бројни екипи на брзата помош и полицијата.

Гувернерот на таа турската провинција, Бирол Екичи, изјавил дека се работи за автобус кој сообраќал од Едрене за Бодрум кој паднал во бездна во областа Лулебургаз.

Гувернерот изјавил дека во несреќата животот го загубиле најмалку шест лица, меѓу кои и едно дете, а 25 повредени се пренесени во болници.

Членките на НАТО денеска ќе ги потпишат пристапните протоколи неопходни за покана на Шведска и Финска во воената алијанса на церемонија во седиштето на НАТО во Брисел. Шведската министерка за надворешни работи Ен Линде и нејзиниот фински колега Пека Хаависто ќе учествуваат на церемонијата заедно со претставници на 30 членки на западната воена алијанса.

Протоколите му дозволуваат на генералниот секретар на НАТО Јенс Столтенберг да издаде официјална покана до Шведска и Финска да се приклучат кон алијансата, но процесот на ратификација може да потрае. Потенцијалните членки мора да ги поминат протоколите, процес кој обично ги вклучува националните парламенти. Се проценува дека ќе бидат потребни уште шест до осум месеци пред Шведска и Финска да влезат во НАТО.

Протоколите за пристап можеа да бидат потпишани порано, но Турција се согласи во последен момент пред почетокот на самитот на НАТО во Мадрид минатата недела да се откаже од своето противење за прием на нордиските земји.

Анкара ги обвини Стокхолм и Хелсинки за поддршка на Курдистанската работничка партија (ПКК) и милицијата ЈПГ со седиште во Сирија, кои Турција ги смета за терористички групи. Двете земји ги отфрлија обвинувањата.

Потресени од руската инвазија на Украина, Шведска и Финска поднесоа барање за членство во НАТО на 18 мај. Но, Турција ја блокираше нивната кандидатура со недели поради стравувањата поврзани со тероризмот. Имено, за секое ново влегување во НАТО потребно е едногласност на сите членки.

Блокадата заврши откако тројцата водачи се согласија да соработуваат на низа напори за борба против тероризмот, вклучително и договори за екстрадиција и откако ветија дека ќе го укинат ембаргото за оружје.