Контакт

Свет

Нов вид на коронавирус се шири во Европа, летото доведено во прашање, велат експертите

Објавено пред

Одморите во странство може да бидат загрозени ова лето поради страв од нов вид на коронавирусот, кој наводно потекнува од Непал и се шири во Европа, пренесуваат странските медиуми.

Официјални лица од Велика Британија стравуваат дека непалскиот вид е отпорен на вакцини против коронавирусот, а владините научници веќе ги предупредуваат министрите за опасноста од новиот вид.

Англиските медиуми објавија дека постојат стравувања дека уште некои земји ќе бидат отстранети од зелената листа на патувања, вклучително и Португалија, каде што наводно е откриен новиот вид од коронавирусот од Непал.

Научниците од „Заедничкиот центар за биосигурност“ се загрижени за растечката стапка на зарази со коронавирусот, како и од појавата на мутации во познатите летувалишта.

Извештајот дојде откако имунологот и професор Џон Бел предупреди дека Велика Британија може да биде погодена од нови видови на коронавирус ако не се стори повеќе за да им се помогне на сиромашните нации да го вакцинираат своето население.

Тој рече дека заштитата од појавата на идните видови коронавирус не е „гарантирана засекогаш“, иако вакцините се моментално ефикасни против видот кој за првпат беше идентификуван во Индија.

Болниците во Непал се пред колапс по трагичниот скок на нови случаи на коронавирус. Бројот на нови инфекции во март беше под 100, сепак, во средината на март, беа регистрирани повеќе од 9.000 нови случаи дневно.

Вториот бран во Непал беше поттикнат од зголемувањето на инфекциите во соседна Индија, но експертите сега се загрижени за новиот вид што таму е идентификуван.

Според странските медиуми, одморите во Европа може да бидат загрозени ова лето, поради загриженоста за новиот вид од Непал и бавната вакцинација на континентот.

Свет

(Видео) Путин пристигна во Женева, портпаролот откри во какво расположение е рускиот лидер пред состанокот

Објавено пред

Денеска во Женева се одржува историска средба меѓу рускиот претседател, Владимир Путин и американскиот претседател, Џо Бајден.

Портпаролот на Кремљ, Дмитриј Песков, пред почетокот на состанокот изјави дека рускиот претседател, Путин, пристигнува во конструктивно расположение.

„Имаме куп заостанати прашања што треба да се решат, затоа претседателот Путин доаѓа во конструктивен дух на отвореност, со намера да покрене прашања и да се обиде да најде решенија“, рече Песков.

Според руските медиуми, авионот на рускиот лидер во Женева слетал во очекуваното време.

Путин и неговата придружба пристигнаа на местото на самитот во вила Ла Гранж, по што следеше Бајден и неговиот тим. Швајцарскиот претседател, Гај Пармелин, ги поздрави двајцата лидери.

Тројцата ќе поминат неколку минути заедно пред камерите, но се очекува само Пармелин да даде изјава за медиумите, посочи висок функционер на администрацијата.

АП наведува дека Бајден и Путин најпрво ќе одржат релативно интимна средба, на која ќе и се придружат американскиот државен секретар, Ентони Блинкен и рускиот министер за надворешни работи, Сергеј Лавров. Секоја страна ќе има преведувач.

Средбата, придружена со големи очекувања, се одржува во попладневните часови и според најавите на двете страни, ќе трае најмалку пет часа.

Можно е да има и разговор еден на еден, но ќе има одделни конференции.

Безбедносните мерки во Женева се на исклучително високо ниво.

Оклопни возила и камиони се паркирани во близина на хотелот „Интернационал“, каде што престојува Џо Бајден, блокирајќи го пристапот за сите возила.

Прикажи повеќе...

Европа

Во Москва драматична ситуација поради вирусот, работниците мора да се вакцинирaат што побргу

Објавено пред

Градоначалникот на Москва, Сергеј Собјанин, денеска предупреди дека ситуацијата со коронавирусот во руската престолнина е драматична.

Собјанин изјави дека во болниците има повеќе од 12.000 пациенти и дека бројот на новозаболени е на ниво на пиковите од претходните бранови на епидемијата, пренесува „РИА новости“.

Во изминатите 24 часа во Русија биле потврдени 13.397 нови случаи на Ковид-19, со најмногу новозаразени во Москва – 5.782.

Претходно, поради зголемувањето на бројот на случаи на коронавирус, Собјанин прогласи неработни денови во главниот град на Русија од 15 до 19 јуни.

Како што пренесува РТ, Москва во моментот е првиот град во светот со задолжителна вакцинација не само за здравствените работници туку и за вработените во други индустрии.

Шефицата на московскиот оддел на Руската служба за заштита на јавното здравје и правата на потрошувачите (Роспотребнадзор), Елена Андреева, им постави на раководните организации задача да вакцинираат 60 проценти од вработените што е можно побргу.

Таа прецизира дека вработените треба да ја примат првата доза вакцина до 15 јули, а втората до 15 август, пренесува „РИА новости“.

Ова првенствено се однесува на вработените во услужниот сектор, трговијата, угостителството, транспортот, здравството, домувањето и комуналните услуги, образованието и културата.

Прикажи повеќе...

Европа

Фон дер Лаен: Почнува активирање средства од фондот за обновување од пандемијата

Објавено пред

Претседателката на Европската комисија, Урсула фон дер Лаен, денес е во посета на Лисабон и Мадрид, каде што ќе почне со одобрување на плановите за закрепнување, поднесени од земјите што бараат средства од фондот за обновување од пандемијата.

Ова е историско достигнување, рече Фон дер Лаен пред Европскиот парламент минатата недела најавувајќи брзо активирање на планот за закрепнување од 750 милијарди евра изработен пред речиси една година.

Португалија, која во моментот е претседател на ЕУ, го направи приоритет брзото усвојување на овие планови за закрепнување по препорака на Комисијата.

Шпанија ќе биде втор по големина корисник на фондот за спасување по Италија, а Мадрид ќе добие 140 милијарди евра, од кои половина ќе бидат во форма на директни грантови и заеми.

„Две јужноевропски земји, кои порано не се чувствуваа поддржани во Европа, сега имаат корист од извонредната поддршка и дарежливост на нивните северни партнери“, рече Тони Ролдан, раководител на истражувањето во Центарот за економска политика „Есаде“ во Мадрид.

Шпанија беше особено погодена кога пандемијата првпат избувна на почетокот на 2020 година, а Португалија претрпе голем скок на бројот на новозаразени случаи претходно оваа година.

Со оглед на тоа што обете земји се силно зависни од туризмот, нивните економии се значително погодени.

Од должничката криза во еврозоната, која почна во 2011 година, Лисабон и Мадрид честопати беа на удар затоа што поштедливите европски членки беа фрустрирани што требаше да издвојат пари за да го субвенционираат трошењето.

Ролдан изјави дека иако некои од условите за стимулативните пакети остануваат нејасни, Шпанија и Португалија може да покажат поголема реформска амбиција во користењето пари, особено во областа на образованието.

Прикажи повеќе...

Најново

Македонија21 минута

Отфрлена пријавата за Џафери и за пратениците што се појавија во Собрание заболени од коронавирус

Основното јавно обвинителство Скопје ги отфрли кривичните пријави поднесени од ВМРО-ДПМНЕ и Левица против претседателот на Собранието, Талат Џафери, и...

Свет41 минута

(Видео) Путин пристигна во Женева, портпаролот откри во какво расположение е рускиот лидер пред состанокот

Денеска во Женева се одржува историска средба меѓу рускиот претседател, Владимир Путин и американскиот претседател, Џо Бајден. Портпаролот на Кремљ,...

Македонија3 часа

ЕУ ја стави Македонија на листата безбедни земји за патување

Европската Унија одлучи да ја стави Република Северна Македонија на списокот на земји што се безбедни за патување, пренесуват европските...

Свет4 часа

Борел: Три принципи во новата стратегија на ЕУ кон Русија

Новата надворешнополитичка стратегија на ЕУ кон Русија ќе се заснова на три принципи: одбивање, воздржаност и соработка, изјави високиот претставник...

Регион4 часа

Нови мерки во Србија – дозволени се матурски прослави, угостителите може да работат и на затворено

Поради постабилната епидемиолошка состојба во Србија, од денес во сила се нови мерки, од кои повеќето се однесуваат на угостителските...

Македонија5 часа

Од денеска нема полициски час, дозволени се веселби и настани на отворено

Од ноќеска на полноќ престана да важи одлуката за полициски час, а се укина и ограничувањето на работното време на...

Свет6 часа

Средбата Путин – Бајден во Женева под строго засилени мерки

Денеска, во Женева, американскиот претседател, Џо Бајден, ќе се сретне со рускиот претседател, Владимир Путин, и тоа ќе биде нивна...

Економија6 часа

Денеска се затвора јавниот повик за ваучери за одмор на работници со ниски приходи

Министерството за економија ги известува граѓаните дека заклучно со денешниот ден, 16 јуни (среда), се затвора јавниот повик за издавање...

Свет6 часа

(Видео) Израел бомбардира позиции на Хамас, прекршено примирјето во Појасот Газа

Израел синоќа ги бомбардира позициите на Хамас, со тоа беше прекршено примирјето во Појасот Газа, јавуваат светските агенции. Израелската страна...

Топ21 час

Пронајдени 1.243 стебла марихуана во близина на болницата „Св. Еразмо“ во Охрид

Полицијата пронајде 1.243 стебла марихуана во близина на болницата „Св. Еразмо“ во Охрид. Според информациите на МВР, приведени се две...

Македонија23 часа

28 новозаразени од коронавирус, нема починати

Министерството за здравство информира дека во последните 24 часа се направени 2.887 тестирања, а регистрирани се 28 нови случаи на...

Македонија1 ден

Актерката Силвија Стојановска доби три и пол години затвор поради учество во шверц на кокаин

Затворска казна од 3,6 години доби актерката Силвија Стојановска за транспортот на 700 килограми кокаин од Колумбија во Шпанија. Нејзиниот...

Македонија1 ден

Филипче ја прими грчката донација од 20.000 дози вакцини од „Астра зенека“

Министерот за здравство, Венко Филипче, на социјалните мрежи објави дека денеска пристигнала донацијата од 20.000 дози вакцини на „Астра зенека“...

Свет1 ден

„Политико“: Има пет работи поради кои Бајден ја сака Европа, една од нив е Балканот

Малкумина американски претседатели стапиле на таа функција со толку многу поминати километри во меѓународни патувања како што е Бајден, пишува...

Македонија1 ден

Вчера се аплицирани 4.840 вакцини, прва доза примиле 3.222 граѓани

На вакциналните пунктови во државата заклучно со вчера вакцинирани се вкупно 259.935 граѓани. Прва доза вакцина вчера примиле 3.222 граѓани,...

Македонија1 ден

Кацарска: Ниту еден политичар не може да ми влијае за некој предмет

Претседателката на Уставниот суд, Добрила Кацарска, тврди дека врз неа не може да влијае ниту еден политичар ниту, пак, да...

Свет1 ден

Израел ги укина маските во затворено

Министерството за здравство на Израел објави дека од денеска веќе не важи обврската за носење заштитни маски во затворен простор....

Македонија1 ден

Владата ќе одлучува за укинување на полицискиот час

На седница што ќе почне денеска во 13 часот, според соопштение од владините служби, на дневен ред пред министрите за...

Свет1 ден

СЗО: Опаѓа бројот на новозаразени од коронавирус во последните седум недели

Генералниот директор на Светската здравствена организација (СЗО), Тедрос Аданом Гебрејсус, рече дека има пад на новозаразени од коронавирус во последните...

Свет1 ден

Бајден вети дека ќе му ја каже црвената линија на Путин

Американскиот претседател, Џозеф Бајден, вчера во Брисел вети дека ќе му каже на својот руски колега Владимир Путин каде е...

Досие