Контакт

Свет

Норвешката полиција го најде кајакот на исчезнатиот соработник на „Викиликс“ 

Објавено пред

Норвешката полиција во четвртокот соопшти дека нашла кајак за кој веруваат дека му припаѓал на соработникот на „Викиликс“, кој исчезна во мистериозни околности пред три недели, пренесува „Локал“. Полицијата објави фотографија на бел преклопен кајак за кој веруваат дека холандскиотк експерт за сајбер-безбедност, Арјен Кампуис, го купил пред да замине на одмор во Норвешка.

Кампхуис не е виден откако го напуштил својот хотел во северниот норвешки град Бодо на 20  август. Неговото исчезнување предизвика серија теории на заговор на социјалните мрежи, почнувајќи од вмешаност на ЦИА и на Русија до мисија за таен проект на основачот на „Викиликс“, Џулијан Асанж. Сепак, полицијата соопшти дека испитува три теории: доброволно исчезнување, вклучувајќи го и можното самоубиство, несреќа или криминал.

„Викиликс“, кој објави тајни американски воени документи и дипломатски телеграми во 2010 година, го нарече исчезнувањето на Кампхуис чудно.

Во изјавата од четвртокот полицијата соопшти дека сè уште ги држат отворени сите можности во однос на тоа што можело да се случи со исчезнатиот човек. Во средата тие рекоа дека рибар пронашол дел од личните работи на Камхуис во водите на 50-ина километри источно од Бодо.

Полицијата поради тековната истрага не објасни какви предмети се најдени, но норвешката телевизија „ТВ 2“ објави дека меѓу нив биле личните документи на Камхуис. Кајакот беше пронајден во истата област како и предметите и полицијата продолжува со пребарувањето.

Кампхуис имал билет за авион, но не се качил на летот на 22 август од Тронхем до Холандија. Телефонот поврзан со Камхуис беше накусо вклучен во близина на југозападниот град Ставангер, кој се наоѓа на 1.600 километри од Бодо на 30 август, но полицијата не можеше да потврди кој го користел.

Свет

Во еден од најсмртоносните напади во Мали убиени над 115 луѓе

Објавено пред

При напад во Мали денеска се убиени најмалку 115 сточари, членови на етничката група Фулани, соопшти локалниот градоначалник и рече дека станува збор за најсмртоносниот напад во последните години во регионот погоден од етничко и џихадистичко насилство.

Нападите врз селата Огасагуа и Велингара се случиле во текот на посетата на мисија од ОН, чија цел е да се најде решение за насилството кое минатата година однесе стотици човечки животи и се прошири на западноафриканскиот регион Сахел.

Моулај Гвиндо, градоначалник на локалниот град Банкас, изјави дека вооружени мажи, облечени во традиционална ловечка носија, го опкружиле и нападнале селото Огасагуа во 4 часот наутро по локално време.

„Членовите на жандармеријата сé уште бројат мртви, а засега пронајдоа 115 тела“, рече Гвиндо.

Тој додаде дека бил нападнато уште едно село на Фуланите со назив Вилангара, каде исто така е забележан голем број на жртви, но и натаму не се знае точно колку. Меѓу убиените се и бремени жени, деца и старци, објавија безбедносни извори.

Жител на селото Огасагуа изразил сомнеж дека станува збор за одмазда за напад на огранокот на Ал Каеда, во кој неодамна загинаа 23 војници, а кој пак според извештаите на групата, бил одмазда за насилството кое војската на Мали го спроведувала врз Фуланите.

Француската армија интервенираше во Мали, поранешна француска колонија, во 2013 година за да спречи навлегување на џихадисти од пустината на север, но милитантите од тогаш повторно го засилија своето присуство во централниот дел на Мали и во соседните земји.

Околу 4 до 5 илјади француски војници и натаму се стационирани во Сахел, повеќето од нив во Мали. Стотици војници во овој регион имаат и САД.

Претставници на Советот за безбедност на ОН во петокот се состанаа со претседателот на Мали, Ибрахим Бубакар и други владини претставници за да разговараат за насилството и постепената имплементација на мировниот договор од 2015 година со вооружените групи кои не се исламистички.

Прикажи повеќе...

Свет

Трамп: Членовите на Исламска држава се губитници и засекогаш ќе бидат

Објавено пред

Американскиот претседател, Доналд Трамп, денеска порача дека САД и натаму ќе бидат внимателни кога станува збор за мрежата на екстремистичката Исламска држава и ги предупреди потенцијалните регрути на истата дека ќе бидат мртви ако им се приклучат на џихадистите.

Трамп во соопштението наведува дека фактот што Исламската држава ја загубила целата територија во Ирак и Сирија е доказ за нејзиниот лажен наратив и ги нарече нејзините припадници губитници кои никогаш нема да бидат нешто повеќе од тоа, односно секогаш ќе бидат губитници.

Претседателот на САД исто така ја обвини Исламска држава за бруталните егзекуции, убивањето на жени и деца, искористувањето на деца-војници и сексуалната злоупотреба, објави агенцијата АП.

Сириските демократски сили поддржани од САД денеска објавија дека ослободено е и последното упориште кое џихадистите го имаа во Сирија.

 

Прикажи повеќе...

Регион

Протестот во Белград вечерва започна со минута молк за жртвите од бомбардирањето

Објавено пред

Нов протест „1 од 5 милиони“ започна вечерва во Белград под слоганот „Исто место – исти барања“.

Како што пренесува агенцијата „Танјуг“, протестот започнал со интонација на српската химна и минута молчење за жртвите од НАТО-бомбардирањето во 1999 година. Во Србија деновиве се во знакот на 20-годишнината од овие воени дејствија кои започнаа на 24 март 1999 година.

На платото пред Филозофскиот факултет во Белград, најпрво пред толпата демонстранти се обрати актерот Бранислав Лечиќ, кој ја повика толпата на мирен протест и побара да не се наседнува на евентуални провокации.

Најтензично досега на протестите „1 од 5 милиони“ беше минатиот викенд кога поголем дел од демонстрантите упаднаа во просториите на Радио-телевизија Србија каде бараа да им се дозволи да се обратат во централниот Дневник. Сепак, организаторите не успеаја во намерата, а интервенираше полицијата која демонстрантите ги изнесе надвор од зградата на РТС.

Ден потоа, во неделата, во врска со овие настани се обрати српскиот претседател, Александар Вучиќ, кој го осуди насилството. Додека тој се обраќаше од просториите на Претседателството, демонстранти го опколија објектот во намера да го спречат да замине од таму. На крајот, Вучиќ сепак успеа да го напушти Претседателството без да дојде до посериозен инцидент.

Протестите под слоганот „1 од 5 милиони“ започнаа есента 2018 година, по инцидентот во кој беше претепан лидерот на Левицата во Србија, Борко Стефановиќ. Според нивната стратешка цел и организација, тие се индиректно продолжување на „протестите против диктатурата“ од 2017 година и се насочени против начинот на кој српскиот претседател ја спроведува власта.

Тие претставуваат најдолготрајни масовни антивладини демонстрации во Србија од времето на петто-октомвриските промени во 2000 година.

Прикажи повеќе...

Најново

Македонија4 часа

Домашни и грчки експерти договорија учебниците да се усогласат во духот на Преспанскиот договор

На вториот состанок на Заедничкиот интердициплинарен комитет оформен согласно Преспанскиот договор, македонската и грчката делегација на експерти за историски, археолошки...

Европа7 часа

Над 30 уапсени на протестите во Париз, против „жолтите елеци“ ангажирана и војската

Повремени судири меѓу демонстрантите и полицијата избиваа денеска на улиците низ Париз и другите француски градови за време на протестите...

Топ9 часа

Затвореник во „Идризово“ избоден во тепачка со неговиот брат близнак

Во затворот „Идризово“ во Скопје, во претпладневните часови на 22 март дошло до крвав инцидент меѓу двајца браќа – затвореници....

Топ9 часа

(Видео) Османи за СЈО: Да продолжат преговорите, но и потрагата по двотретинско мнозинство

Да продолжат преговорите со опозициската ВМРО-ДПМНЕ за заеднички договор за судбината на СЈО, но истовремено да продолжат и разговори со...

Македонија10 часа

(Видео) За Спасовски писмото на ИВЗ е уцена, Османи повикува на дијалог

Македонија е секуларна држава и апсолутно е непримерно во услови кога станува збор за судската власт и постапки пред судовите...

Топ11 час

Од Вардар извлечено тело на 20-годишно момче

Околу 10 часот утринава од водите на Вардар во близина на Гостивар, е извлечено безживотното тело на 20-годишно момче. Телото...

Свет13 часа

Уништена Исламска држава во Сирија, го изгуби и последното упориште

Иако поразот на Исламска држава во Багуз означува крај на власта над џихадистичката квази држава, која се простираше на делови...

Свет13 часа

Стотици илјади Британци на протест во Лондон, бараат втор референдум за брегзит

Неколку стотици илјади Британци од цела Велика Британија, денеска на улиците на Лондон бараат нов референдум за брегзит. Се очекува...

Свет14 часа

Противниците на новиот закон за авторски права најавија протести низ Европа

Илјадници демонстранти се очекуваат денеска да излезат на улиците низ Европа во пресрет на одлучувачкото гласање за реформа на законот...

Свет15 часа

Масовна тепачка на плоштад во Берлин – се степаа фанови на две Јутјуб ѕвезди

Спор меѓу две ривалски ѕвезди на Јутјуб каналот, предизвика масовна тепачка на плоштад во Берлин. Повеќе од 100 полицајци учествуваа...

Свет15 часа

Повторно отворени џамиите во Крајстчерч, први влегоа преживеаните од масакрот

Двете џамии во градот Крајстчерч во Нов Зеланд, во кои беа убиени 50 луѓе, денеска се повторно отворени откако претходно...

Свет1 ден

Туск: Сè е можно до новиот рок за брегзит

Претседателот на Европскиот совет, Доналд Туск, изјави дека сè е можно до новиот рок за брегзит одреден за 12 април...

Македонија1 ден

Власта и опозицијата без договор за СЈО

Без договор помина и денешниот состанок на работните групи на власта и опозицијата за Законот за јавното обвинителство, со кој...

Македонија1 ден

(Видео) „Не бараме милост, туку правда“ – демонстрантите со порака до Заев на протестот за Фета Алими

Група граѓани се собраа денеска на протестен марш, на кој побараа осолободување на Абдулфета Алими, кој е осуден за крвавиот...

Македонија2 дена

Кавга меѓу ИВЗ и Владата: Реџепи си го бара имотот, Заев се жали дека е уценет

Нерешените спорови за денационализација ги скараа Владата и Исласмата верска заедница (ИВЗ). Од ИВЗ обвинуваат дека Владата е селективна и...

Македонија2 дена

Ѓорче Петров донираше за социјално загрозеното семејство од Долно Лисиче, од општина Аеродром ниту трага, ниту глас

Трајче Конески и Моника Антевска од Долно Лисиче заедно со своите две деца, 9 годишниот Бојан и 2 годишната Бојана...

Избори 20192 дена

(Видео) Утврден редоследот на кандидатите за претседател на гласачкото ливче

Блерим Река, Гордана Силјановска, Стево Пендаровски – под овој редослед ќе бидат испишани претседателските кандидати на гласачкото ливче, одлучи жрепката...

Топ2 дена

Во Прилеп, 19-годишник со „голф“ удрил во дете на велосипед

На крстосница меѓу прилепските улиците „Мукос“ и „Шаќир Војвода“ во претпладневните часови на 21 март, 19-годишен прилепчанец управувајќи автомобил „голф“,...

Регион2 дена

Рачна бомба фрлена врз рускиот конзулат во Атина

Рачна бомба е фрлена утрово во дворот на руската амбасада во Атина. Грчката полиција соопшти дека гранатата експлодирала, нема повредени,...

Регион2 дена

Лавров: Западот прикрива злосторства на НАТО во Југославија

Рускиот министер за надворешни работи, Сергеј Лавров, изјави дека западните земји ги прикриваат злосторствата извршени за време на воената операција...

Досие