Контакт

Свет

Обама ја намали казната за Менинг, за одавање тајни на WikiLeaks

Објавено пред

Американскиот претседател на заминување Барак Обама ја намали во вторникот затворската казна на информаторот на WikiLeaks, американскиот војник Бредли Менинг, кому судот во 2015 година му го призна променувањето на полот и името во Челзи Менинг, со што таа ќе биде ослободена во мај, објави Белата куќа.

dobivaj vesti na viber

Во вторникот, три дена пред напуштањето на должноста, Барак Обама ги намали казните за 209 осуденици и помилувал други 64 лица.

Бредли Менинг по изрекувањето на пресудата за шпионажа објави дека се идентификува како жена. Таа во август 2013 година беше осудена на 35 години затвор, бидејќи на разобличувачкиот интернет портал WikiLeaks му предала 700.000 тајни документи за американските војни во Авганистан и во Ирак.

Во ноември 2016 година, Менинг поднесе молба до американскиот претседател Барак Обама да ја намали нејзината казна пред тој да ја напушти Белата куќа, и тогаш рече дека не бара помилување.

„Единственото олеснување кое го барам е да излезам од воен затвор, откако минав шест години во изолација“, напиша Челзи Менинг, според пишувањето на The New York Times.

Менинг, која ја издржува казната во воениот затвор Форт Ливенворт во сојузната држава Канзас, во ќелијата штрајкуваше со глад и двапати се обиде да изврши самоубиство. Нејзината казна истекува на 17-ти мај 2017 година, објави Белата куќа.

Тога Бредли Менинг работел како разузнавачки аналитичар во Багдад во 2010 година кога на WiiLeaks му предал тајни документи и извештаи од боиштето, а материјалот содржеше и видоснимки од нападот на американски воен хеликоптер на наводни бунтовници во Ирак, во кој повеќе десетици беа убиен, вклучително и двајца соработници на агенцијата Reuters.

Документите кои ги предаде Менинг содржат извештаи за инциденти на боиштата во Авганистан и Ирак, досие за затвореници во Гвантанамо и околу 250.000 дипломатски извештаи на американскиот Стејт департмент кои открија меѓу другото и непријатни зајадливи коментари на сметка на многу светски државници,

Три години откако беше уапсен во Багдад, Менинг кон крајот на август 2013 година беше осуден на 35 години затвор.

Во февруари 2015 година беше објавено дека на Менинг, првпат во историјата на американските вооружени сили му е дозволено да се подложи на третман со хормонална терапија за менување на полот, додека беше во затворот во воената база Форт Левенворт. Претходно во април 2014 година, судот на државата Канзас му дозволи да го промени името во Челзи Елизабет. Изјавата на Менинг дека се чувствува жена, сериозно го комплицираше прашањето за неговото затворање, бидејќи во затворот во Форт Левенворт, казните ги издржуваат само мажи. Во март 2015 година, воениот апелационен суд во Вашингтон го призна женскиот пол на Менинг. Покрај тоа, нејзиниот адвокат тврдеше дека досеудената казна далеку ги надминува меѓународните законски норми.

Белата куќа и претходно навести дека може да ја преиначи казната на Менинг, што не е случај и со Едвард Сноуден, поранешниот аналитичар на Агенцијата за национална безбедност (NSA), кој преку британскиот весник The Guardian во 2013 година го откри постоењето на програмите за масовно следење на електронските комуникации милиони луѓе во светот, вклучително и челниците на американските сојузници во Европа. Сноуден на патот од Хонгконг каде и предаде тајните документи на медиумите, кон Латинска Америка, поради блокадите на европските воздухопловни и цивилни власти остана блокиран на аеродромот во Русија, каде што подоцна добива азил за привремен престој.

Основачот на WikiLeaks, Австралиецот Џулијан Асанж кој пет години се крие во еквадорската амбасада во Лондон, за да не биде предаден во Шведска каде е баран по истрага за наводни силувања, и стравува да не биде предаден на САД каде може да му се суди за шпионажа, претходно изјави дека ќе им се предаде на американските власти, доколку Обама ја помилува Менинг.

И Асанж и Сноуден во вторникот вечерта му се заблагодарија на Обама за помилувањето на Менинг, а WikiLeaks објави дека тоа е „победа“.

„Ви благодарам на сите кои ја водевте кампањата за намалување на казната на Челзи Менинг. Вашата храброст и одлучност го направи невозможното можно“, објави Асанж на Twitter.

„Заслужува да се каже со најголема сериозност, со добро срце: Благодарам Обама, објави Сноуден на Twitter. Исто така им се заблагодари на луѓето кои ја водеа кампањата за намалување на казната на Менинг и истакан дека тие придонеле за ваквата одлука./крај/мф/сн

Регион

Татко на едно од децата му попречил на возачот на автобусот, па се превртеле во каналот?

Објавено пред

Еден од патниците во автобусот, кој доцна попладнево се преврте во канал на автопатот „Тракија“ во Бугарија, за „bTV“ изјавил дека во автобусот патувале 36 деца и 13 возрасни.
Тие се од Белград и учествувале на фолклорниот фестивал во Сончев Брег.

dobivaj vesti na viber

Според сведокот Наташа Радовановиќ, несреќата се случила откако таткото на едно од децата побарал да седне напред, на седиштето покрај возачот на автобусот, бидејќи не се чувствувал добро.

Во тој момент вниманието на возачот било одвлечено, тој го свртел воланот надесно и автобусот излетал од патот.

Автопатските ленти биле влажни бидејќи непосредно пред несреќата во тој дел врнел силен дожд, пренесуваат бугарските медиуми.

„Еден од родителите во автобусот сакаше да седне на предното седиште до возачот. Се сврте да го отвори седиштето и така се заврте воланот“ – ги пренесува „Нова.бг“ зборовите на Радовановиќ.

Бугарските медиуми јавуваат дека најмалото хоспитализирано дете има 6 години, а највозрасното 17 години.

„Од примените деца, четири се испратени на скенирање. Едно од постарите повредени има сериозна повреда на ногата и најверојатно ќе треба ампутација“ – потврдил директорот на Универзитетската болница во Стара Загора, проф. Јовчо Јовчев.

Прикажи повеќе...

Регион

Исповед на Светлана Бориловиќ, мајката на монструмот од Цетиње: Подобро што и тој е мртов

Објавено пред

Два дена по масакрот во Црна Гора, Светлана Бориловиќ, мајката на Вук Бориловиќ, жителот на Цетиње кој уби десетмина сограѓани не може да поверува дека нејзиниот син во крвавиот пир убил 10 луѓе, меѓу кои и две деца на своите станари, а на крајот и самиот паднал од куршум.

dobivaj vesti na viber

Во изјава за српски „Телеграф“ скршена од болка, таа посочува дека е подобро е тој повеќе да го нема кога веќе направил злодела.

Таа изјави дека Вук имал прекин во филмот и дека направил се несвесен за страшните последици.

Несреќната жена во солзи вели дека ништо не навестувало трагедија и дека нејзиниот син е подготвен да убие дури и еден маж, а камоли десетици возрасни сограѓани и две момчиња, негови станари, кои брутално ги застрелал.

„Без душа сум и не знам дали ќе ја преживеам оваа голгота. Како може ова од моето дете да ми се случи, цел град и држава да го зацрнам?! Зошто, синко, постојано се прашувам, а одговорот никогаш нема да го добијам“ – вели Светлана.

Додава дека Вук не бил проблематичен, дека бил мирен човек кој изгледа „пукнал“ поради малтретирањето на работа.

„Трпеше притисок четири-пет години, а работеше како шеф на обезбедувањето во Националниот парк Ловќен. Ќе признаам, забележав дека е понервозен во последно време, но не правеше проблем. Беше примерен и како татко на семејство и како сосед“ вели таа.

Едвај наоѓајќи зборови, Светлана нагласува дека нејзиниот син не бил во конфликт со ниту една од жртвите.

„Нашите станари Мартиновиќи се вселија пред само два месеци. Тој немал никаков конфликт со главата на тоа семејство, Милош. Мојот син не се тепаше со сопругата или со некој од семејството. Имаше хармоничен брак и прекрасни деца. Сите овие луѓе ги уби во момент на нервен слом, па трагедијата и маките се уште поголеми“ изјави Бориловиќ.

Монструмот од Цетиње, како што го нарекоа медиумите, масакрот го извршил додека, според некои информации, сопругата и децата биле на море (наводно во Херцег Нови), а никој од поширокото семејство не бил сведок како ја напушта куќата со оружје во своите раце.

„Бев на работа. Ме донесоа дома кога се беше готово и кога и тој беше мртов, дури подоцна дознав што се случило, проклета да бидам. Подобро е да го нема кога го изврши злосторството. Никој не може да знае како е мојата внатрешност со оваа болка, која ме направи несреќна“ – заклучила Светлана за српски „Телеграф“.

Таа одбила да каже каде биле на одмор сопругата на Вук, Линда и децата пред една недела, бидејќи полицијата во меѓувреме ја известила јавноста дека неговото семејство не е на територијата на Херцег Нови, како што се наведува во првичните информации.

„Нема да зборувам за тоа. Полицијата може да ме испраша и јас ќе им кажам се што знам, но не можам ништо повеќе јавно да кажам“ изјавила Светлана.

 

Прикажи повеќе...

Регион

(Видео) Автобус со деца од Србија се преврте во Бугарија

Објавено пред

Автобус со деца од Србија се преврте во канал на автопатот „Тракија“ кај градот Стара Загора, изјави за Нова ТВ, Станимир Станев, заменик главен секретар на бугарското МВР.

dobivaj vesti na viber

Автобусот со српски регистрации, во кој се превезувале 48 деца, излетал на автопатот, а информациите се дека има многу повредени. Според бугарските медиуми, несреќата се случила нешто по 20 часот на 216. км во правец на Софија.

Голем дел од автомобилите што минувале застанале, а на повредените им помогнале десетици луѓе. Според првичните информации 10 деца се тешко повредени.

Децата биле учесници на фестивал во Несебар, јавија српски медиуми.

Полицијата и пожарникарите се на терен, а сообраќајот на овој дел од автопатот е ограничен.

Децата од Србија се враќале од одмор на бугарското крајбрежје.

Засега нема информации за загинати, јавуваат локалните медиуми, повикувајќи се на полициски информации.

Прикажи повеќе...

Најново

Регион5 часа

Исповед на Светлана Бориловиќ, мајката на монструмот од Цетиње: Подобро што и тој е мртов

Два дена по масакрот во Црна Гора, Светлана Бориловиќ, мајката на Вук Бориловиќ, жителот на Цетиње кој уби десетмина сограѓани...

Регион6 часа

(Видео) Автобус со деца од Србија се преврте во Бугарија

Автобус со деца од Србија се преврте во канал на автопатот „Тракија“ кај градот Стара Загора, изјави за Нова ТВ,...

Европа8 часа

Секој ден расте опасноста за нуклеарната централа Запорожје, велат украинските власти

Опасноста од нуклеарната централа Запорожје на југот на Украина, за чие гранатирање меѓусебно се обвинуваат Киев и Москва повеќе од...

Свет8 часа

Удрил во барикада пред Капитол, а потоа се застрелал

Непознат човек загина откако утринава прво удри со својот автомобил во барикада во близина на американскиот Капитол, а потоа пукаше...

Македонија8 часа

Во општина Чаир санкции за 12 објекти кои работеле во недела

Денеска во периодот 10.00 до 17.00 часот припадници на Единицата за интервентна полиција во координација со инспектори од Државниот инспекторат...

Свет11 час

Авторката на Хари Потер со поддршка за Ружди, па доби закана: Ти си следна

Џеј Кеј Роулинг – авторката на Хари Потер се огласи на Твитер по нападот врз писателот Салман Ружди, па доби...

Македонија12 часа

СДСМ: Анти-ЕУ Мицкоски може веднаш да си даде оставка

Од владејачката СДСМ со реакција за изнесени ставови на претседателот на ВМРО-ДПМНЕ, Христијан Мицкоски. Пд партијата велат „анти-ЕУ Мицкоски може...

Македонија13 часа

(Видео) Мицкоски: Ќе ја напуштам политиката ако додека сум претседател на ВМРО-ДПМНЕ биде променет Уставот

Целокупниот процес е предавнички и калкулантски. Македонската дипломатија капитулираше. Предупредував дека ќе се случуваат нови и нови барања од страна...

Европа14 часа

(Видео) Експлозија во трговски центар во Ереван, има и жртви

Експлозија се случи во трговски центар во Ереван, град во Ерменија. Над трговскиот центар е снимен густ црн чад, јавуваат...

Европа14 часа

Пожар во црква во Египет за време на миса, најмалку 35 загинати

Најмалку 35 лица загинаа, а 45 се повредени во пожар во црква во египетскиот град Гиза, изјавиле два безбедносни извори...

Топ15 часа

МВР: Приведени десет лица, пронајдена дрога и оружје во угостителски објекти во Битола

Денеска во периодот од 01.00 до 04.00 часот од страна на полициски службеници од СВР Битола заедно со Одделот за...

Европа15 часа

Возило влетало во толпа луѓе во САД, еден загинат, 17 повредени лица

Едно лице загина, а 17 други се повредени откако возило влетало во толпа луѓе во бар во Пенсилванија, јавуваат американските...

Европа18 часа

Мекорд: Претресот на Трамп е загриженост за националната безбедност, му давал на Лавров доверливи информации

Доналд Трамп е под истрага на ФБИ за можни прекршувања на Законот за шпионажа, што, меѓу другото, го оневозможува споделувањето...

Европа18 часа

Пукање на аеродромот во Канбера, полицијата уапсила маж со огнено оружје

Аеродромот на австралиската престолнина Канбера денеска е евакуиран, откако маж почнал да пука со огнено оружје, јавија локалните медиуми, а...

Европа18 часа

Ружди тргнат од респиратор и можел да зборува, напаѓачот се изјаснил за невин

Британскиот автор Салман Ружди останува во болница во тешка состојба, еден ден откако беше повеќекратно прободен со нож на литературен...

Европа19 часа

Ердоган: Нема да дозволиме терористите да дишат внатре, но и надвор од нашите граници

Турскиот претседател Реџеп Таип Ердоган изјави дека оваа земја нема да дозволи терористите да дишат во нејзините граници, но не...

Европа1 ден

Подољак: Преговори со Русија ќе значат само едно – дека Русија победи

Мировните преговори со Русија ќе значат вистинска загуба на Украина, Европа и демократските вредности, изјавил Михаил Подољак, шеф на кабинетот...

Европа1 ден

Кисинџер: САД се на работ на војна со Русија и Кина по одредени прашања

Поранешниот американски државен секретар Хенри Кисинџер смета дека САД се „на работ на војна“ со Москва и Пекинг, „поради прашања“...

Македонија1 ден

ДУИ: Охридскиот мировен договор ја спаси земјата од идеологиите на уништување и омраза

Демократската унија за интеграција по повод 21-годишнината од потпишувањето на Охридскиот мировен договор, оценува дека тој правен акт кој утврди...

Топ1 ден

Скопјанец пукал со пиштол поради сообраќајна расправија па побегнал

Вчера во 11.40 часот во Полициска станица Бит Пазар е пријавено дека во близина на трговски центар на подрачјето на...