Трговијата со деца во земјите од Западен Балкан и покрај бројните правни и практични мерки преземени низ годините и понатаму е во пораст, заклучија учесниците на дводневната регионална конференција „Здружено дејствување во Западен Балкан за заштита на децата од трговија со луѓе и експлоатација“, организирана во рамки на заедничката програма на Европската Унија и Советот на Европа „Horizontal Facility за Западен Балкан и Турција 2019-2022“, на која учествуваа повеќе од 130 учесници од регионот и пошироко.

Според учесниците, пандемијата на Ковид-19, направи децата да бидат уште поизложени на трговија поради растечката економска несигурност, невработеноста и ограничувањата на движењето. Децата од земјите на Западен Балкан се предмет на трговија поради различни причини на експлоатација: сексуална експлоатација, вклучително и продуцирање и дистрибуција на материјал кој содржи сексуална злоупотреба на деца, присилни бракови, трудова експлоатација, присилно питачење и присилни криминални активности.

Петја Несторова, Извршна секретарка на Советот на Европа за борба против трговијата со луѓе, потсети дека Конвенцијата бара државите членки да преземат конкретни мерки во однос на децата. „Треба да ги зајакнеме нашите заеднички напори за адресирање на структуралните фактори кои лежат во основата на трговијата со луѓе и да промовираме трајни решенија за децата кои се подложни на трговија и експлоатација. Мерките против трговија со деца треба да бидат интегрирани во општиот систем за заштита на децата, со кој се опфаќаат социјалните, здравствените и образовните услуги“, истакна Несторова.

Во своето поздравно обраќање, Самир Ризво, Помошник Министер и Државен координатор за борба против трговијата со луѓе и нелегалната миграција, потсети дека Западен Балкан се соочува со големи безбедносни и хуманитарни предизвици предизвикани од масовните и комбинирани напливи на миграција, каде трговијата со деца е навистина присутна.

Верена Тејлор, Директорка на Генералниот директорат за програмски активности на Советот на Европа ја потенцираше важноста на соработката помеѓу повеќе агенции, како и заедничките напори на државите во борбата против и спречувањето на трговијата со деца. „Само со заедничка работа можеме да ја спречиме трговијата со деца и да го поддржиме развојот на политики кои ќе се фокусираат на жртвите. Мораме да ги зајакнеме капацитетите за превенција и борба против трговијата со луѓе и да ги заштитиме правата на сите жртви“, истакна Тејлор.

Александра Антониадис, Заменик шефицата на Одделението за политики за организиран криминал и дрога на Eвропската Комисија, истакна дека спречувањето и борбата против трговијата со деца е еден од приоритетите на Европската Комисија. „Илјадници индивидуи се жртви на трговија годишно, а Ковид пандемијата дополнително го засили ризикот од виктимизација и експлоатација. И покрај сите наши напори, сеуште постојат значителни недостатоци. Поради тоа Комисијата усвои нова стратегија против трговијата со луѓе со која се дефинира широк спектар на активности кои ќе овозможат сторителите да бидат доведени пред лицето на правдата, а жртвите да ја добијат потребната заштита и поддршка“, забележа Антониадис.

Во тек е нова прераспределба на светот, а Белорусија стана бојно поле каде се одвива битка за руското богатство, изјави министерот за одбрана на Белорусија, Виктор Хренин, зборувајќи на Конференцијата за безбедност во Москва.

„Маските паднаа, јасно можеме да видиме дека во тек е нова прераспределба на светот. „Јасно ни е дека Белорусија, како и секоја друга земја, е само пион во големата игра за ново рестартирање – место каде се одвива битката за руското богатство“, рече тој.

Хренин истакна дека нема да ја остави Белорусија сама додека трае таа борба за контрола на планетата.

„Нашето мислење е дека во светот се одвива прокси-војна за идниот модел на светскиот поредок меѓу транснационалните и националните елити. Сите што ги влечат конците се обидуваат на секој начин да останат во сенка, сепак полесно е да се забележат“, рече тој.

„Можеме да предвидиме со голема веројатност дека постпандемискиот период ќе биде обележан со уште посилна борба“, додаде министерот за одбрана.

Тој исто така истакна дека пандемијата на коронавирусот ја погоди целата планета на таков начин што се создаде хаос – беа воведени блокади и со тоа беа направени огромни штети на националните економии.

„Граѓаните престанаа да им веруваат на властите, живеејќи во страв од сопствената иднина. Погледнете што се случува – луѓето излегуваат на улиците низ целиот свет. Антивладини протести се забележани на сите континенти, а бран обоени револуции го зафати целиот постсоветски простор“, нагласи тој.

Хренин предупреди и дека е уништена архитектурата на меѓународните договори за глобална безбедност и контрола на оружјето, наведувајќи ги како пример Договорот за отворено небо и Договорот за елиминација на ракетите со среден и краток дострел.

Oткако неколку германски политичари жестоко ја критикуваа одлуката на УЕФА за забрана за осветлување на стадионот во Минхен во боите на виножито за време на денешниот меч меѓу Германија и Унгарија, унгарскиот премиер Виктор Орбан ја откажа планираната посета на настанот.

„Дали стадион во Минхен или некој друг стадион во Европа ќе светне во боите на виножитото, не е одлука што е во рацете на државата“, рече Орбан.

Тој додаде дека и во Будимпешта знамињата во боја на виножито се дел од уличниот колирит и дека тоа е разбирливо.

Во изјава за германската новинска агенција (ДПА), Орбан истакна дека хомосексуалците во Унгарија денеска, за разлика од времето на комунизмот, уживаат заштита од државата.

Според германските медиуми, Орбан вечерва ќе отпатува за Брисел наместо планираната посета на мечот од Европското фудбалско првенство меѓу Германија и Унгарија во Минхен.

Претходно, неколку германски политичари, вклучително и баварскиот премиер, Маркус Содер (Христијанско-социјалната унија – ЦСУ) и градоначалникот на Минхен, Дитер Рајтер (Социјалдемократска партија на Германија – СПД), ја критикуваа одлуката на УЕФА да го одбие предлогот на Минхен за осветлување на „Алијанц Арената“, на која ќе се игра натпреварот, во боите на виножитото.

УЕФА ја посочи својата политичка и религиозна неутралност и заклучи дека акцијата во Минхен е планирана како политичка акција во знак на протест против конкретната одлука на унгарскиот парламент каде неодамна беше усвоен закон, кој многу критичари го оценуваат како хомофобичен.

Според нив, законот има за цел да го скрати правото на младите да бидат информирани за хомосексуалноста и транссексуалноста.

Содер ја опиша одлуката на УЕФА како разочарувачка и несоодветна.

„Овде се работи за слобода против дискриминацијата. Знамето на виножитото во овој контекст се залага за слобода и модерна демократија“, рече Содер за јавниот сервис БР.

Градоначалникот на Минхен, Рајтер, објави дека вечерва од Минхен, и покрај забраната на УЕФА, ќе се испратат сигнали во насока на Унгарија и остатокот од светот.

Тој најави поставување знамиња во боја на виножито на Градското собрание во Минхен, а се планира да се осветли и една ветерница за електрична енергија, која се наоѓа во непосредна близина на стадионот.

Акции на стадионот и околу него најавија и ЛГБТ здруженија од Минхен, кои очекуваат многу гледачи на стадионот да понесат со себе знамиња во боја на виножитото.