Контакт

Европа

Германија ќе организира голем состанок за Украина, Русија: Заземен е огромен магацин за оружје кај Харков

Објавено пред

Денеска е 58-ми ден од војната во Украина

dobivaj vesti na viber

Клучни настани:

Денеска нема хуманитарни коридори

594 деца погодени од руската инвазија

Украинскиот претседател Володимир Зеленски ја обвини Русија дека планира да го фалсификува референдумот за независност во делумно окупираните јужни региони Херсон и Запорожје

Зеленски: Русија го отфрли предлогот за прекин на огнот за Велигден

Од час во час

22:10 Германија следната недела организира огромен состанок за Украина

Американската војска очекува повеќе од 20 земји да учествуваат во разговорите за Украина следната недела, кои ќе бидат фокусирани на одбраната односно долгорочните одбранбени потреби на Киев, соопшти Пентагон.

Германија е домаќин на разговорите.

Портпаролот на Пентагон, Џон Кирби, се чини дека ги намали очекувањата во најавата на разговорите на 26. април, велејќи: „Не влегуваме во ова со однапред подготвени заклучоци“.

Тој додаде дека околу 40 земји се поканети на разговорите кои не се организирани под покровителство на НАТО и дека вклучуваат и држави кои не се членки на алијансата.

21:35 Русите тврдат дека заземале големо воено складиште со илјадници тони оружје во близина на Харков

Русија тврди дека окупирала воен магацин во близина на Харков и дека сега има под контрола илјадници тони украинска муниција.

Ова го објави новинската агенција ТАСС, повикувајќи се на руското Министерство за одбрана.

Веста не е независно потврдена, но претходно денеска украинските власти соопштија дека Русите извршиле офанзива во областа.

18:45 Шефот на ОН оди кај Путин во Москва

Генералниот секретар на ОН во вторник ќе отпатува за Москва за да го посети Путин, соопшти Кремљ.

Антонио Гутереш ќе одржи и работен ручек со Сергеј Лавров.

Портпаролот на првиот човек на ОН рече дека Гутереш се надева оти ќе разговара за тоа што може да направи за да донесе мир во Украина. Канцеларијата на шефот на ОН е во контакт и со Украинците за можна посета.

18:10 Oдржани разговори меѓу Москва и Киев

Главниот руски преговарач соопшти дека биле одржани неколку долги разговори меѓу шефовите на делегациите на Украина и Русија. Разговорите се одржале денеска, пишува „Скај њуз“.

Владимир Медински не даде никакви детали за разговорите.

Сепак, генералната оценка од официјална Москва е дека преговорите за решавање на конфликтот „тапкаат во место“.

Ова го изјави рускиот министер за надворешни работи, Сергеј Лавров, нагласувајќи дека не е постигнат напредок.

Претходно оваа недела, Кремљ соопшти дека испратил писмен мировен предлог до Киев, но Зеленски рече дека украинската страна не добила ништо.

17:10 Путин жестоко ја нападнал ЕУ во разговор со Шарл Мишел

Рускиот претседател ги нарекол неодговорни изјавите на претставниците на ЕУ за потребата да се реши ситуацијата во Украина со воени средства, а го споменал и тоа дека многу украински воени злосторства се премолчуваат.

Шефот на Кремљ, исто така, ги обвинил лидерите на повеќето земји од ЕУ дека отворено поддржуваат русофобични мерки, мислејќи на исклучувањето на Русија од културните и спортските настани.

15:30 Џонсон: Има реални шанси Русија да ја добие војната

Британскиот премиер, Борис Џонсон, во денешниот разговор со новинарите призна дека има реални шанси руските сили да ја добијат војната во Украина.

„Сега се блиску до обезбедување копнен коридор до Крим преку Мариупол. Ситуацијата е непредвидлива во оваа фаза. Мора да бидеме реални за тоа“, додаде британскиот премиер.

15:25 Нов ултиматум oд Русија: Борците во челичарницата може да се предадат во следните 24 часа

Руската армија денеска соопшти дека е подготвена да го почитува примирјето во секое време во целиот или дел од индустрискиот комплекс „Азовстал“, последното упориште на украинските бранители на Мариупол, со цел да се овозможи евакуација на цивили и предавање на војниците.

„Хуманитарното примирје ќе започне кога украинските вооружени сили ќе покажат бели знамиња на целиот или на дел од ‘Азовстал’“, се вели во соопштението на руското Министерство за одбрана.

14:55 Украинската тајна служба за Русија: Погледнете ги нивните „модерни“ ракети

Украинската разузнавачка служба објави фотографии на својата страница, на кои тврди дека покажуваат руски крстосувачки ракети.

Тие наведуваат дека иако Русија може да се пофали со модерно оружје, ракетите биле опремени со електроника која била развиена во 1960-тите.

14:50 Шолц: Мора да избегнеме конфликт со Русија, тоа би довело до Трета светска војна

НАТО мора да избегне директен воен конфликт со Русија што може да доведе до Трета светска војна, изјавил германскиот канцелар Олаф Шолц во интервју за германски медиуми на прашањето за неуспехот на Германија да испорача тешко оружје на Украина.

14:18 ОН: Имаме докази за воени злосторства во Буча, oна на што сме сведоци е ужас

Канцеларијата за човекови права на Обединетите Нации соопшти дека открила повеќе докази за воени злосторства во Украина, опишувајќи ја војната како хорор приказна за кршење на правата на цивилите.

14:07 Руски командант: Целта на војната е поголема отколку што се мислеше

Макс Седон, дописникот на московскиот „Фајненшл Тајмс“, го цитира рускиот воен командант Рустам Минекаев кој сугерирал дека целите на руската инвазија на Украина се пошироки отколку што се мислеше.

13:45 Литванците во страв од нов конфликт: НАТО да ги зајакне своите трупи

НАТО треба да го зголеми распоредувањето на војниците во Литванија и другите области на источна Европа по руско-украинскиот конфликт, изјави литванскиот претседател Гитанас Науседа пред германската министерка за надворешни работи Аналена Бербок за време на денешниот состанок во Вилнус.

13:35 Папата ја откажа средбата со рускиот патријарх

Плановите за средба меѓу папата Франциско и рускиот патријарх Кирил во јуни во Ерусалим се прекинати, изјави Папата за аргентински весник.

Ројтерс претходно објави дека Ватикан размислува да ја продолжи посетата на Папата на Либан на 12 и 13 јуни за еден ден, за да може да се сретне со патријархот Кирил во Ерусалим на 14 јуни.

11:20 Чеченците објавија видео од Мариупол, Кадиров: Градот е под наша контрола

Чеченскиот лидер Рамзан Кадиров објави видео од чеченските војници од Мариупол, велејќи дека чеченските трупи ја презеле контролата врз секоја педа од пристанишниот град во јужна Украина.

11:07 Бајден до Путин: Греши ако мисли дека Западот ќе го изгуби интересот и ќе престане да ја поддржува Украина

Американскиот претседател Џозеф Бајден рече дека рускиот претседател Владимир Путин греши ако мисли дека Западот ќе го изгуби интересот и ќе престане да ја поддржува Украина.

10:20 Градоначалникот на Мариупол бара целосна евакуација на градот

Градоначалникот на Мариупол упати нов апел за целосна евакуација на градот, за кој претседателот Владимир Путин вели дека сега главно е под контрола на руските сили.

„Ни треба само целосна евакуација на населението. Околу 100.000 луѓе остануваат во Мариупол“, изјави градоначалникот Вадим Бојченко на националната телевизија, пренесува Ројтерс.

10:00 Штетата од руската инвазија на Украина достигнува 60 милијарди долари, велат од Светска банка

Реновирањето на сите згради и инфраструктура оштетени во Украина за време на војната со Русија ќе чини околу 60 милијарди долари, соопшти Светската банка.

09:55 ЕУ: Возете помалку и работете од дома за да ја намалите зависноста од руската нафта и гас

ЕУ ги повикува луѓето да возат помалку, да користат помалку клима и да работат од дома најмалку три дена во неделата за да ја намалат нивната зависност од руската нафта и гас.

Од Европската комисија велат дека со мерките што ги разви Меѓународната агенција за енергетика, домаќинствата во просек ќе заштедат близу 500 евра годишно.

09:20 „594 деца погодени од руската инвазија“

Украинскиот парламент ги ажурираше податоците за децата жртви на војната на Твитер. Оттаму велат дека вкупниот број на погодени деца од руската инвазија е 594. Загинаа 208 деца, а 386 беа повредени.

09:10 Поранешен советник на руската влада: Путин е депресивен и болен

Видеото на кое Владимир Путин цврсто се држи за масата за време на средбата предизвика шпекулации за здравјето на рускиот лидер, пишува „The Telegraph“.

Шефот на Кремљ е прикажан на видеото како разговара со Сергеј Шојгу, рускиот министер за одбрана, за ситуацијата во Мариупол. Шојгу го информира Путин дека Мариупол паднал, а Путин му честита за тоа, пишуваат медиумите во регионот.

08:55 Зеленски ги предупреди Русите: Дали сакате нова анексија? Ќе бидете сиромашни како во 1917 година

Украинскиот претседател Володимир Зеленски ја обвини Русија дека планира да го фалсификува референдумот за независност во делумно окупираните јужни региони Херсон и Запорожје.

Во видео пораката, Зеленски ги повика Украинците кои живеат под руска окупација во тие региони да не им даваат на руските сили какви било лични податоци, како што се броевите на пасошите.

08:40 Украина: „Русите киднапираа функционер во Херсон, не уценуваат“

Руски трупи киднапираа локален функционер кој раководеше со хуманитарен конвој во јужниот регион Херсон, изјави заменик-премиерот на Украина. Ирина Верешчук рече дека војниците на Кремљ понудиле ослободување на официјалните лица во замена за руските воени заробеници, но додаде дека тоа е неприфатливо.

08:15 САД: Кина ги повторува руските безбедносни идеи поврзани со војната во Украина

Американскиот Стејт департмент оценил дека Кина продолжува да повторува некои руски идеи за безбедноста поврзани со војната во Украина, вклучувајќи го и концептот на Кремљ за „неделлива безбедност“, пренесуваат медиумите во светот.

08:00 Зеленски: Русија го отфрли предлогот за прекин на огнот за Велигден

Украинскиот претседател Зеленски тврди дека Русија го одбила предлогот за прекин на огнот за време на велигденските празници, но додаде дека се уште има надеж за мир.

Тоа го изјави Зеленски синоќа во своето видео обраќање, пренесува Ројтерс.

Претходно тој ја отфрли можноста да оди во Москва на директни разговори со руските лидери за завршување на војната.

Европа

Русија: Целосно го зазедовме „Азовстал“, се предадоа и последните украински милитанти

Објавено пред

Русија објави дека целосно ја зазела територијата на фабриката за челик „Азовстал“, во која беа позиционирани последните украински бранители на Мариупол.

dobivaj vesti na viber

„Територијата на ‘Азовстал’ е целосно ослободена“, соопшти руското Министерство за одбрана.

„Територијата на металуршката фабрика ‘Азовстал’ во Мариупол, каде што група украински милитанти од нацистичката формација ‘Азов’ беше блокирана од 21 април годинава, е целосно ослободена“, изјави портпаролот на руското Министерство за одбрана, генерал-мајор Игор Конашенков.

Подземните објекти на фабриката се под контрола на руски војници, изјави рускиот министер за одбрана, Сергеј Шојгу.

„Руското Министерство за одбрана објави дека од 16 мај 2.439 неонацисти од ‘Азов’ и украински војници заглавени во фабриката го положиле оружјето и се предале. Последната група од 531 милитант се предаде денеска“, објави руската државна новинска агенција „РИА новости“.

За потсетувањее, денеска командантот на украинскиот полк „Азов“, Денис Прокопенко, ѝ се обрати на јавноста и ѝ рече дека во „Азов“ добиле наредба да престанат да го бранат Мариупол и да им ги спасат животите на борците.

Според него, сите цивили од „Азовстал“ биле евакуирани, а на тешко ранетите војници им била укажана лекарска помош. Тие мора да бидат однесени во област под украинска контрола, смета тој.

„Во тек е отстранувањето на телата на загинатите бранители на Мариупол“, додаде Прокопенко.

Прикажи повеќе...

Европа

Борел: Во светот има недостиг од храна, ќе станува сè поскапа

Објавено пред

Шефот на европската дипломатија, Жозеп Борел, уште еднаш предупреди на глобалниот недостиг од храна поради војната во Украина, која е еден од најголемите светски производители на жито, бидејќи житото поради борбите не може да се извезува, да се жнее или да се сади.

dobivaj vesti na viber

„Има недостиг од храна и тоа ќе продолжи. Кога ја има, таа е скапа, многу поскапа отколку што многу луѓе може да си дозволат“, рече Борел на прес-конференција по состанокот на министрите за развој на ЕУ.

„Ако (засегнатите луѓе) трошат повеќе средства за храна, имаат помалку за образование и здравје, а тоа ќе ги продлабочи сиромаштијата и нееднаквоста“, нагласи Борел.

Министрите на ЕУ одлучиле да поддржат повеќе од 70 партнери за да ги подобрат отпорноста и одржливоста на нивните системи за храна со цел да ги зголемат нивните прехранбени капацитети на среден рок, рече високиот претставник на Унијата за надворешна политика и безбедност.

„Ги повикуваме нашите партнери да не ја ограничуваат глобалната трговија со земјоделски производи“, додаде Борел.

Тој исто така нагласи дека причината за претстојната криза со храна е руската инвазија на Украина, а не санкциите на ЕУ кон Русија, како што тврди Кремљ. Русија во моментот го блокира извозот на 20 милиони тони жито од Украина, пред сè, во Северна Африка и Азија, наведе германската влада, според која тоа предизвика раст на цените.

Прикажи повеќе...

Европа

Макрон го назначи составот на новата француска влада

Објавено пред

Претседателот на Франција, Емануел Макрон, денеска ја назначи актуелната амбасадорка на Франција во Велика Британија, дипломатот од кариера Катрин Колона, за нов министер за надворешни работи на земјата, соопшти Елисејската палата.

dobivaj vesti na viber

Актуелните министри за финансии и економија и за внатрешни работи, Бруно Ле Мер и Жерар Дарманен, ќе останат на функцијата, додаде генералниот секретар на Елисејската палата додека го читаше новиот состав на владата потврдувајќи ги претходните извештаи, пренесе „Ројтерс“.

Министерката за индустрија во заминување Ања Пание-Рунаше ќе го преземе новиот министерски ресор за енергетска транзиција, соопшти Елисејската палата.

Амели де Моншелен е назначена за нова министерка за животна средина и климатско планирање.

Тие ќе бидат одговорни за својата работа пред Елизабет Борн, која Макрон ја избра за нова премиерка во понеделникот.

Таа е втора жена на таа позиција во Франција.

Прикажи повеќе...

Најново

Европа4 часа

Русија: Целосно го зазедовме „Азовстал“, се предадоа и последните украински милитанти

Русија објави дека целосно ја зазела територијата на фабриката за челик „Азовстал“, во која беа позиционирани последните украински бранители на...

Македонија6 часа

Архиепископот Стефан и српскиот патријарх ќе служат литургија и во Скопје на Денот на сесловенските просветители

Со радост му соопштуваме на верниот народ дека од 23 до 24 мај 2022 година во посета на Македонската православна...

Економија6 часа

Владата го утврди ребалансот на буџетот: „Кратење на непродуктивните трошоци за заштита на стандардот на граѓаните“

Владата на денешната 47. седница го усвои предлогот за изменување и дополнување на буџетот за 2022 година. „Предлогот за ребаланс...

Македонија7 часа

(Видео) Петков бара да се свика Советот за национална безбедност поради преговорите со Македонија

Бугарскиот премиер Кирил Петков во видеообраќање го повика претседателот на државата Румен Радев да го свика Консултативниот совет за национална...

Европа8 часа

(Видео) Зеленски објави снимка од проектил кој погоди зграда, загинале 11 лица

11 лица загинале по гранатирањето на местото Лозова во украинскиот регион Харков, изјави украинскиот претседател Володимир Зеленски. На снимката се...

Македонија12 часа

Пресуда за уривањето на „Космос“: Груевски доби девет години затвор, Јанакиески три, а Трајковски четири

Судиите Огнен Ставрев и Осман Шабани донесоа осудителни пресуди за сите обвинети за случајот познат како „ТНТ“, за уривањето на...

Европа12 часа

(Видео) Командант на Азов: Добивме наредба да престанеме да го браниме Мариупол

Командантот на украинскиот полк од Азов, Денис Прокопенко, се обрати до јавноста и рече дека во Азов добиле наредба да...

Европа13 часа

Шојгу: Русија ќе формира 12 нови воени бази на западот од земјата како одговор на проширувањето на НАТО

Русија ќе формира 12 нови воени бази на западот од земјата како одговор на зајакнувањето на НАТО и очекуваното проширување...

Македонија13 часа

(Видео) Вработените во градинките ќе добијат цели плати за периодот на штрајкот

Министерството за труд и социјална политика и СОНК ги потпишаа измените и дополнувањата на Колективниот договор со којшто се регулира...

Македонија14 часа

Комисијата за односи со верските заедници: Ги подржуваме мудрите чекори во црковната дипломатија

Комисијата за односи со верските заедници и религиозни групи со особена внимателност ги следи актуелните случувања околу меѓународната активност на...

Македонија15 часа

Вархеји ја повика Софија во јуни да даде согласност за старт на преговорите со Скопје

Еврокомесарот за проширување и добрососедска политика Оливер Вархеји очекува Софија во рок од три недели да се согласи за почеток...

Македонија15 часа

Петровска од Софија: Новата безбедносна реалност во Европа повикува на сплотеност

Новата безбедносна реалност на европскиот континент повикува на сплотеност и соработка, а нашата безбедност лежи во колективната безбедност на нашите...

Европа16 часа

Дипломат на ЕУ: Русија не може да биде запрена, а нема договор за ембаргото на руската нафта и гас

Неуспехот на земјите членки на Европската Унија да се договорат за ембарго на руската нафта покажува дека блокот ги достигнува...

Европа17 часа

(Видео) „Њујорк тајмс“: Имаме докази дека Русите убивале затвореници во Буча

„Њујорк тајмс“ објави нови видеа за кои тврдат дека докажуваат дека руските сили убиле најмалку осум украински затвореници на 4...

Европа17 часа

Шолц: Интеграцијата на Северна Македонија, БиХ, Црна Гора, Србија, Албанија и Косово е во наш интерес

Германскиот канцелар Олаф Шолц изјави дека ќе отпатува на Западен Балкан пред состанокот на Европскиот совет следниот месец, носејќи ја...

Регион17 часа

Шарл Мишел денеска доаѓа во Босна и Херцеговина

Мишел доаѓа во Сараево во рамките на посетата на регионот, вчера беше во Србија каде што се сретна со претседателот...

Свет17 часа

Пукање во Чикаго: Едно лице загина, неколку се ранети

Едно лице загина, а четворица се повредени во престрелка во Чикаго, соопштија денеска локалните власти. Портпаролот на полицијата изјави дека...

Европа17 часа

(Видео) Зеленски: Последната фаза од војната ќе биде најкрвавата

Украинскиот претседател Володимир Зеленски вчера зборувајќи пред украинските студенти рече дека сè уште не може да ги повика Украинците да...

Европа18 часа

Медведев: Санкциите против Русија се безвредни кога се во прашање енергијата и храната

Заменик-претседателот на Советот за безбедност на Русија, Дмитриј Медведев, оцени дека Русија ги има сите можности да спречи кризи со...

Свет18 часа

Блинкен: Русија ја користи храната како оружје во Украина

Американскиот државен секретар Ентони Блинкен ја обвини Русија дека користи храна како оружје во Украина. „Не станува збор само за...