Контакт

Свет

ОН: Едно мртвороденче на секои 16 секунди

Објавено пред

Речиси 2 милиони бебиња се мртвородени секоја година – или по едно на секои 16 секунди – според првите заеднички проценки за мртвородени деца објавени од УНИЦЕФ, Светската здравствена организација (СЗО), Групацијата на Светска банка и Одделот за население при Одделот за економија и социјални работи на Обединетите нации.

Според новиот извештај „Запоставена трагедија: Глобалниот товар на мртвороденчињата најголемиот број мртвороденчиња“, 84 проценти, се јавува во земји со ниски и пониски средни приходи, Во 2019 година 3 четвртини од мртвородените деца беа во Супсахарска Африка или во Јужна Азија. Во извештајот, мртвороденчето се дефинира како бебе родено без знаци на живот во 28-та или повисока недела од бременоста.

„Губењето на дете при раѓање или за време на бременоста е разорна трагедија за секое семејство, која честопати се преживува тивко, но се случува премногу често низ светот“, рече Хенриета Фор, извршен директор на УНИЦЕФ.

„На секои 16 секунди, некоја мајка некаде ќе претрпи неискажлива трагедија на мртвородено дете. Покрај загубата на живот, сериозни и долготрајни се психолошките и финансиските последици за жените, семејствата и општествата. За многу од овие мајки, едноставно не морало да биде така. Повеќето случаи на мртвородени деца можеле да се спречат со висококвалитетно следење, соодветна антенатална грижа и квалификуван придружник при породувањето“.

Во извештајот се предупредува дека пандемијата со Ковид-19 може да го влоши глобалниот број на мртвороденчиња. Намалување од 50% на здравствените услуги поради пандемијата може да предизвика уште речиси 200.000 мртвородени деца во период од 12 месеци во 117 земји со низок и со среден приход. Ова одговара на зголемување на бројот на мртвородени деца за 11,1 процент. Според моделирањето направено за извештајот од истражувачите при Факултетот за јавно здравство „Џонс Хопкинс Блумберг“, 13 земји може да забележат пораст од 20% или повеќе на бројот на мртвороденчиња во период од 12 месеци.

Повеќето случаи на мртвородени деца се должат на слаб квалитет на грижа за време на бременоста и породувањето. Недостигот на инвестиции во антенатални и интрапартални услуги и во оспособување на медицински сестри и акушерки се клучните предизвици, се вели во извештајот.

Над 40 проценти од мртвороденчињата се јавуваат при породувањето – загуба што може да се избегне доколку има обучен здравствен работник при породување и навремена итна акушерска нега. Околу половина од случаите на мртвородени деца во Супсахарска Африка и Централна и Јужна Азија настапуваат при породувањето, во споредба со 6 проценти во Европа, Северна Америка, Австралија и Нов Зеланд.

И пред пандемијата да предизвика големи нарушувања во здравствените услуги, малку жени во земјите со ниски и средни приходи добиваа навремена и квалитетна грижа со која би се спречиле мртвородени деца. Половина од 117 земји анализирани во извештајот имаат покриеност што се движи од најмалку 2% до најмногу 50% за 8 важни здравствени интервенции кај мајките, како што се царски рез, превенција на маларија, контрола на хипертензија во бременоста и откривање и лекување на сифилис. Се проценува дека помалку од половина од бремените жени, на кои тоа им е потребно, се опфатени со асистирано вагинално породување – критична интервенција за спречување на мртвородени деца при породувањето.

Како резултат, и покрај напредокот на здравствените услуги за спречување или лекување на причините за смрт на дете, намалувањето на стапката на мртвороденчиња оди бавно. Од 2000 до 2019 година годишната стапка на намалување изнесуваше само 2,3 проценти, во споредба со 2,9 проценти намалување на неонаталната смртност и 4,3 проценти на смртноста кај децата на возраст од 1 до 59 месеци. Сепак, можен е напредок со цврсти политики, програми и инвестиции.

„Донесувањето бебе на свет треба да претставува оргомна радост, но секојдневно, илјадници родители доживуваат неподнослива тага зашто бебињата им се родиле мртви“, рече д-р Тедрос Адханом Гебрејесус, генерален директор на СЗО.

„Трагедијата на мртвородено дете покажува колку е суштински важно да се зајакнат и да се одржат неопходните здравствени услуги и колку е критично да се инвестира повеќе во медицински сестри и акушерки“.

Во извештајот се забележува и дека мртвороденчињата не се предизвик само за сиромашните земји. Во 2019 година 39 земји со висок приход имале поголем број мртвородени деца од смртни случаи кај новороденчиња, а 15 земји имале поголем број мртвородени деца отколку смртни случаи кај мали деца. Степенот на образование на мајката е еден од најголемите двигатели на нееднаквост во земјите со висок приход.

Како во услови на низок, така и во услови на висок приход, стапките на мртвороденчиња се повисоки во руралните отколку во урбаните области. Социоекономскиот статус е поврзан и со поголема инциденца на мртвородени деца. На пример, во Непал, жените од малцинските касти имале стапки на мртвороденчиња од 40 до 60 проценти повисоки отколку жените од повисоките касти.

Етничките малцинства, особено во земјите со висок приход, може да немаат доволно квалитетна здравствена заштита. Во извештајот се цитира дека на пример, кај популацијата на Инуитите во Канада, забележани се стапки на мртвороденост скоро трипати поголеми во однос на остатокот од Канада, а Афроамериканките во Соединетите Американски Држави имаат скоро двојно поголем ризик од мртвородено во споредба со белите жени.

„Ковид-19 активира разорна второстепена здравствена криза за жените, децата и адолесцентите поради нарушувањата во здравствените служби кои спасуваат живот“, рече Мухамед Али Пате, глобален директор за здравство, исхрана и население при Светска банка и директор на Глобалниот финансиски инструмент за жени, деца и адолесценти.

„Бремените жени имаат потреба од постојан пристап до квалитетна грижа во текот на целата бременост и при породувањето. Ние ги поддржуваме земјите во зајакнување на нивните здравствени системи за да се спречат мртвородени деца, а секоја бремена жена да има пристап до квалитетни здравствени услуги“.

Северна Македонија е меѓу првите три земји во светот со најголем процентен пад на стапката на мртвородени деца (62) во периодот меѓу 2000 и 2019 година и покажува најдобри резултати во Европа, Северна Америка, Австралија и Нов Зеланд. Анализата на податоците вклучена во извештајот покажува дека стапката на мртвородени деца во Северна Македонија опаднала од 10,8 мртвородени на вкупно 1.000 раѓања во 2000 година, понатаму на 6,2 во 2009 година и на 4,1 во 2019 година.

Во Северна Македонија, УНИЦЕФ заедно со Светската здравствена организација (СЗО) и Фондот за население на ОН (УНФПА) го поддржуваат Министерството за здравство да ги зајакне капацитетите на здравствените работници за ефективна перинатална грижа, да го осовремени националниот систем за собирање податоци, и да обезбеди соодветна пренатална грижа, прегледи и посети за сите бремени жени низ земјата – особено за жените што живеат во руралните средини.

Во изминатите три години, земјата инвестираше во подобрување на системите за транспорт со цел да обезбеди пристап и брз трансфер до одделенијата за неонатална интензивна нега во случај на компликации и ја поддржа Националната работна група за перинатална смртност да спроведе систематски ревизии на случаите на перинатална смрт. Изработен е Генерален (мастер) план за перинатална грижа до 2030 г. кој вклучува планови за натамошно зајакнување на здравствениот систем и обезбедување најдобри услуги за бремените жени и новороденчињата.



©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Европа

Нови мерки во Австрија: Маските се задолжителни речиси насекаде, а визирите се забранети

Објавено пред

Од полноќ, во Австрија стапија на сила нови поостри мерки за борба против ширењето на коронавирусот, што воведе многу ограничувања на бројот на луѓе на собири, како и продолжување на обврската за носење заштитни маски.

Во уредбата на Министерството за здравство се наведува дека при влегување на јавен простор на затворено и во подземни премини, мора да се носи маска. Истото важи и за собири и манифестации, без разлика дали се на затворено или надвор.

Уредбата исто така нагласува дека при влегување на јавни места на отворено, мора да се одржува растојание од најмалку еден метар кон лица кои не живеат во исто домаќинство.

Во авионите, како и јавниот превоз, во исклучителни случаи, растојанието од еден метар може да се наруши, но маската е задолжителна.

Указот ја воведе обврската да се носат маски во метро станиците, железничките станици, трамвајските станици и аеродромите.

Оној кој се повикува на здравствени причини за време на контролата, поради што не може да носи маска, ќе мора да има потврда од лекар кој има дозвола за работа во Австрија.

Во рестораните, максималниот број на луѓе на една маса е ограничен на шест лица во затворени простории и 12 лица на отворено.

Доколку угостителскиот објект има на располагање повеќе од 50 места, од 1 ноември ќе мора да има концепт на превенција, а исто така ќе мора да има и „ковид одговорно лице“.

Што се однесува до настаните и спортските натпревари, уредбата значително го намали бројот на луѓе.

Така, максимум шест лица со шест малолетни деца можат да присуствуваат на собир во затворени простории без места за седење, а на отворено 12 лица и шест малолетни деца.

На собири каде има места за седење во затворен простор, дозволен е максимален број од 1.000 лица, а на отворено до 1.500 лица.

Уредбата регулира и проби, настапи од хорови и музички оркестри – за аматери, само шест лица ќе можат да настапуваат заедно во затворено, а 12 на отворено. Концептот на превенција е обврзувачки за професионалните музичари, а ако бројот на учесници надмине 50 во затворено и 100 на отворено, потребно е „ковид одговорно лице“.

Со указот се утврдуваат и заштитните маски во домовите за стари лица, во кои обврската се однесува на сите посетители и вработени. Исто така, овие домови мора да развијат концепт на превенција со цел да се минимизира ризикот од зараза, а правилата за посета ќе бидат наведени во тој концепт.

Новата регулатива вклучува и забрана за носење визири, која ќе стапи на сила на 7 ноември.

Прикажи повеќе...

Европа

(Видео) Во Лондон протест против владините мерки за заштита од коронавирусот

Објавено пред

Граѓани на Лондон излегоа на протест против рестриктивните мерки преземени од британската влада во борбата против коронавирусот, а полицијата приведе неколку лица.

Учесниците го започнаа маршот во Хајд парк, претежно носејќи транспаренти и знаци и повикувајќи на откажување од обврската за носење заштитна маска. Демонстрантите ги осудуваат владините мерки како пат кон тиранија и надзор на државата.

Полицијата не даде никакви информации за бројот на луѓе, но британската новинска агенција ПА и Гардијан тврдат дека илјадници луѓе излегле на протестот. Полицијата подоцна ја растера толпата, а најмалку две лица биле приведени.

Протестот беше организиран од движењето „Да ги зачуваме нашите права“.

Правило од шест лица

На северот на земјата, каде што вирусот брзо се шири, пабовите и баровите се затворени во некои области, а на луѓето не им е дозволено да се дружат со оние од други домаќинства.

Низ целата земја, важи „правилото од шест лица“, што значи дека не смее да се состанат повеќе од шест лица.

Бројот на заразени расте, а во повеќе наврати неодамна се пријавени повеќе од 20.000 случаи за 24 часа.

Прикажи повеќе...

Свет

Авганистанските сили убиja еден од лидерите на Ал Каеда

Објавено пред

Безбедносните сили на Авганистан го убија Абу Мухсен ал-Мисри, еден од високите водачи на Ал Каеда, кој беше на списокот на ФБИ на најбарани терористи, објави доцна во саботата авганистанската разузнавачка служба (НДС).

За Ал-Мисри, за кој се верува дека е втор во синџирот на команданти на Ал Каеда, и е убиен во специјална операција во провинцијата Газни во источен Авганистан, објави НДС на Твитер, додавајќи дека тој бил врховен водач на индискиот потконтинент.

Овој високо рангиран лидер на Ал Каеда е обвинет во САД за давање материјална поддршка на странска терористичка организација и заговор за убиство на американски граѓани.

Државниот секретар на САД, Мајк Помпео, минатиот месец изјави дека помалку од 200 оперативци на исламистичката група Ал Каеда останале во Авганистан.

Овој месец се навршуваат 19 години откако Соединетите Држави го соборија режимот на Талибанците кој стоеше зад терористичкиот напад на Соединетите држави на 11 септември 2001 година.

Прикажи повеќе...

Најново

Топ44 минути

Автомобил прегази 15-годишно дете во Скопје

Петнаесетгодишно дете вчера напладне било прегазено од автомобил на булеварот Александар Македонски во Скопје. Со возилото управувал Т.В. од Крива...

Македонија2 часа

Шилегов: Би ги укинал централните инспекции, да не постои државен инспекторат

На дебатата „Како до ефикасни и независни инспекциски служби во Скопје“ што ја организираше НВО Инфоцентарот, градоначалникот Петре Шилегов се...

Македонија3 часа

Денеска ќе биде погребан Амди Бајрам

Лидерот на Сојузот на Роми, Амди Бајрам, кој почина вчера на 64-годишна возраст, во текот на денот ќе биде погребан....

Македонија3 часа

СДСМ на онлајн конгрес за изборните резултати и досега сработеното

Денеска со почеток во 13 часот, СДСМ ќе одржи 25. Конгрес, коj за прв пат во земјава ќе биде дигитален,...

Македонија3 часа

Во болниците се лекуваат 595 пациенти од коронавирус, капацитетите се прошируваат

Со вчерашните нови 404 случаи со Ковид-19 регистриани во земјава, во болниците низ Македонија се лекуваат 595 пациенти. Од нив...

Македонија3 часа

Маричиќ: Судството покажа дека може да функционира онлајн

Судството покажа дека може да функционира онлајн, вели министерот за правда Бојан Маричиќ по повод Европскиот ден на правдата. „Ова ново...

Македонија15 часа

Амди Бајрам бил позитивен на коронавирус, епидемиолозите ќе прават анкети со семејството

Министерството за здравство информира дека кај починатиот Амди Бајрам постмортем е утврдено дека бил позитивен на Ковид-19. Од страна на...

Македонија18 часа

Починаа 14 лица, регистрирани 404 новозаразени

Денеска се регистрирани 404 нови случаи на Ковид 19, оздравени се 182 пациенти, а починаа 14 лица. Министерството за здравство...

Регион18 часа

На Балакнот рекордни бројки на заразени со коронавирус

Дел од државите на Балканот денеска регистрираа рекордни бројки на заразени со коронавирус од почетокот на пандемијата. Во Србија рекордни...

Свет19 часа

(Видео) Трамп гласаше на претседателските избори во САД

Претседателот на САД, Доналд Трамп гласаше на претседателските избори во САД. „Само што гласав! Голема чест“, напиша Трамп на социјалните...

Свет21 час

Американските компании продолжуваат со тестирање на вакцината против Ковид-19

Фармацевтската компанија „Астра Зенека“ ќе продолжи со клиничките испитувања на својата експериментална вакцина против Ковид-19 во САД, откако доби одобрение...

Македонија22 часа

Филипче најави проширување на болничките капацитети и надополнување на кадарот

Прширување на болничките капацитети и надополнување на кадарот најави министерот за здравство Венко Филипче, кој денеска ги посети болниците во...

Македонија23 часа

Почина Амди Бајрам

Поради кардиоваскуларни проблеми, почина Амди Бајрам, експратеникот и претседател на Сојуз на Ромите. Тој починал на приватна клиника во Скопје....

Економија23 часа

(Видео) Компаниите кои се потешко погодени од кризата ќе добијат поголема финансиска поддршка

Со измените на Законот за поддршка на исплата на плати, компаниите кои се потешко погодени од кризата, ќе добијат поголема финансиска...

Регион1 ден

Грција воведе дополнителни мерки, вклучително и полициски час во Атина и Солун

Поради зголемувањето на ширењето на Ковид-19, Грција воведе дополнителни мерки, вклучително и полициски час во Атина и Солун. Мерките стапуваат...

Македонија1 ден

Георгиевски во Софија: Историската комисија има направено големо поместување

Претседателот на ВМРО-Народна партија, Љубчо Георгиевски при својата посета во соседна Бугарија оствари средби со министерката за надворешни работи, Екатерина...

Свет1 ден

СЗО работи на насоки за употреба на Ремдесивир

Светската здравствена организација објави дека работи на развој на упатства за употребата на лекот Ремдесивир за третман на пациенти со...

Македонија1 ден

Активни 6.861 случаи на заразени со коронавирус во земјата

Во моментов бројот на активни случаи со коронавирус во земјата изнесува 6.861 лице, откако вчера потврдени 518 новозаразени, 200 оздравени...

Македонија1 ден

Ноќва почнува зимското сметање на времето

Со поместување на часовникот за еден час наназад, од ноќва почнува зимското сметање на времето, со што времето во 3...

Македонија2 дена

Филипче: Лабораториите за тестирање работат во три смени

Министерот за здравство доц. д-р Венко Филипче информира дека силниот есенски бран ги оптерети лабораториите за тестирање, но се работи...

Досие