ОН: Русија, Турција и Иран мора итно да одржат состанок за запирање на насилствата во Сирија

– Русија, Турција и Иран мора да се договорат што поскоро за нови преговори за примирјето во Сирија, за ситуацијата на теренот да ја доведат под контрола, изјави во петокот специјалниот пратеник на Обединетите нации за Сирија, Стефан де Мистура.

Стефан де Мистура е посредник на меѓусириските политички преговори во Женева, додека одвоена серија разговори се води во казахстанската престолнина Астана, како договор меѓу Русија и Иран и Турција, кои во сирискиот конфликт поддржуваат спротиставени страни, и треба да го гарантира примирјето.

Де Мистура изјави дека им предложил на преговарачите „што поскоро да договорат состанок во Астана за состојбата која во овој момент е загрижувачка да се доведе под контрола“.

Сирискиот прекин на огнот е прекинуван во неколку наврати откако стапи на сила на 30-ти декември минатата година, а тоа според оцените на покровителите генерално се почитува, но трите круга преговори во Астана, сепак, не успеаја целосно да ги прекинат судирите.

Оваа седмица исламистичките бунтовници, над кои немаат влијание ниедна од споменатите три земји, преземаа големи офанзиви напаѓајќи ги владините сили кај главниот град Дамаск и во близина на градот Хама./крај/мф/сн