Патнички авион на „Емирати“ летал од Дубаи речиси 14 часа со огромна дупка на трупот пред да слета во Бризбејн, Австралија.

Авионот полетал од аеродромот во Дубаи во петокот, а патниците пријавиле силен тресок кај се слушнал додека авионот летал над океанот на пат кон Австралија.

„Ербас А380 на Emirates слета во Бризбејн со дупка на трупот. Се верува дека е предизвикана од експлозија на гума при полетување од Дубаи. И покрај штетата, пилотите одлучија да го продолжат летот за Бризбејн“, напиша Твитер корисник.

Дејли Мејл пишува дека компанијата Емирати одлучила да го продолжи летот кој траел речиси 14 часа. Непосредно пред слетувањето, тие ја контактирале контролата на летање во пристаништето Бризбејн и пријавиле дека постои можност да им пукнала гума при полетувањето.

Летачкиот екипаж побарал да го пречекаат службите за итни случаи при слетувањето, пишува Aviation Herald. Очевидци велат дека работниците на итната помош биле шокирани од големината на дупката во трупот. На носот на авионот бил пронајден откачен штраф.

Засега не се знае дали завртката и дупката на авионот се поврзани.

Поројните дождови продолжија да паѓаат на источниот брег на Австралија, интензивирајќи ја кризата со поплави во Сиднеј. На уште илјадници жители им беше наредено да се евакуираат откако реките брзо се искачија над опасното ниво.

На околу 50.000 жители на Нов Јужен Велс, повеќето во западните предградија на Сиднеј, им било кажано или да се евакуираат или биле предупредени дека би можеле да добијат наредба за евакуација, соопштија властите.

Во понеделникот 30.000 беа опфатени со такви упатства.

„Овој настан е далеку од завршен“, им рече на новинарите премиерот на Нов Јужен Велс, Доминик Перотет.

„Каде и да сте, внимавајте кога возите по нашите патишта. Сè уште постојат значителни ризици од поројни поплави“.

Премиерот Ентони Албанес, кој се врати во Австралија во вторникот по еднонеделното патување во Европа, рече дека ќе ги обиколи погодените области.

Федералната влада ги прогласи поплавите за природна катастрофа, помагајќи им на жителите погодени од поплавите да добијат итна финансиска помош.

Американскиот претседател Џо Бајден реагираше на нападот во близина на Чикаго.

„Џил (сопругата на Бајден) и јас сме шокирани од бесмисленото вооружено насилство што уште еднаш донесе тага во американската заедница на овој Ден на независноста“, рече Бајден во изјавата откако најмалку шест лица беа убиени во пукотниците во Хајленд Парк во Илиноис, за време на парадата на 4 јули.

Бајден истакна дека веднаш ја упатил полицијата итно да помогне во потрагата по убиецот.

Тој потсети дека неодамна го потпишал законот за безбедност на оружјето. „Но, има уште многу работа да се направи и нема да се откажам од борбата против епидемијата на оружено насилство“, додаде Бајден.