Контакт

Вести

Отворен саркофагот во кој се веруваше дека се останките на Александар Македонски

Објавено пред

Александар Македонски, мумија, Египет, Александрија

Истражувачите го отворија саркофагот стар 2 000 години што беше пронајден во Египет и ги покрена шпекулациите во локалните и светските медиуми дека во него би можело да се наоѓаат посмртните останки на Александар Македонски. Сепак, во него биле пронајдени три мумии за кои се верува дека биле членови на едно семејство.

Градежни работници минатиот месец случајно го пронајдоа саркофагот од црн гранит, на градилиште за станбена зграда во историскиот град Александрија. Саркофагот, кој тежи 30 тони, е најтешкиот саркофаг што некогаш е пронајден во овој град. Во медиумите почна да се шири приказна дека станува збор за гробот на владетелот кој во 331 година пред новата ера го основал овој град кој денес го носи неговото име.

Египетското Министерство за антиквитети веднаш објави дека шансите за тоа се мали, а вчера дефинитивно ја отфрли таквата теорија. „Откривме костури на тројца луѓе и се чини дека станува збор за семејна гробница. За жал, мумиите не се во најдобра состојба и останале само коски“, рече Мостафа Вазири, секретар на Министерството.

Гробот на Александар Македонски, кој умрел во 323 година п.н.е. во Вавилон, сè уште останува тајна.



©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Вести

Бројот на жртви во терористичките напади во Шри Ланка се искачи на 290

Објавено пред

Бројот на жртви во терористичките напади во цркви и хотели во Шри Ланка порасна на 290, а бројот на повредени на 500. Властите утринава соопштија дека го укинуваат полицискиот час што беше воведен вчера на целиот остров.

Портпаролот на полицијата, Руван Гунасекера, не сакал да прецизира колку жртви во која црква или хотел има. Претседателот Маитрипал Сирисен, кој бил во странство за време на вчерашниот напад, свикал седница на советот за национална безбедност.

Засега никој не ја презеде одговорноста за нападите, но полицијата извести дека се уапсени 13 лица кои припаѓаат на иста радикална група.

Шефот на националната полиција, Пујутх Јајасундара, пред десетина дена објави предупредување кога добиле информации од странски разузнавачки агенции дека движењето НТЈ (National Thowheeth Jama’ath) планира да изведе бомбашки напади во големи цркви и на Амбасадата на Индија.

Меѓу загинатите најмалку 35 се странци, државјани на Кина, Холандија, Португалија, САД и на Велика Британија. Индија ја потврди смртта на тројца свои државјани.

Лани властите во Шри Ланка прогласија 12-дневна вонредна состојба за да се пресметаат со муслиманската побуна во земјата.

„Во последните години имаше насилство и постојано заплашување на христијанската заедница на Шри Ланка“, изјавил Руки Фернандо, активист за човекови права, за „Франс прес“. Но, додал тој, досега не е видено ништо во толку големи размери и сила.

Прикажи повеќе...

Вести

Се огласи и таткото на Асанж: Имам 74 години, а изгледам подобро од него, вратете го дома

Објавено пред

Таткото на Џулијан Асанж во интервју за австралиски весник побарал од австралиските власти да му помогнат на неговиот син и ги повикал да се заложат да го вратат во Австралија.

Говорејќи првпат во јавноста по апсењето на неговиот син во четвртокот, Џон Шиптон за „Хералд сан“ рекол дека бил шокиран кога видел дека британската полиција го апси неговиот син од амбасадата на Еквадор во Лондон.

„Имам 74 години и изгледам подобро од него кој има 47 години. Тоа е шокантно“, рекол Шиптон за неговиот син кој помина седум години во еквадорската амбасада. Тој беше уапсен откако Еквадор му го укина азилот.

„Со месеци живеел под надзор, не можел да оди ни во тоалет. Камерите го следеле секој негов чекор“, рекол Шиптон.

Тој побарал од австралиската влада и од премиерот Скот Морисон да му помогнат на неговиот син.

Во меѓувреме повеќе од 70 пратеници во Велика Британија побараа од министерот за внатрешни работи Сајид Џавид да го предаде Асанж на шведските власти доколку оваа земја одлучи повторно да отвори истрага за наводите за силување и сексуалниот напад за кои е обвинет Асанж. Асанж ги негира обвинувањата.

На Асанж, кој се наоѓа во затвор во Лондон, му се заканува и екстрадиција во САД поради издавање државна тајна. Затворот „Белмарш“ во кој се наоѓа Асанж е познат по тоа што во него се сместени некои од најголемите злосторници во Велика Британија.

Прикажи повеќе...

Вести

Ципрас: Имаме водечка улога на Балканот, Грција повеќе не е „црна овца“

Објавено пред

Грчкиот премиер, Алексис Ципрас, вели дека со зачленувањето на Грција во иницијативата 16+1 неговата држава ја потврдила својата водечка улога на Балканот и ја обновила својата репутација.

Ципрас оценил дека неговата земја е средиште на поврзаноста во регионот и столб на стабилноста, безбедноста и соработката со североисточниот Медитеран, особено по потпишувањето на Преспанскиот договор.

„Грција пред четири години беше неуспешна земја, ‘црна овца’ во Европа, без пристап до големи предизвици и настани во регионот и во судир со своите соседи“, рекол Ципрас и додал дека денес Грција е земја која сите ја признаваат, која излегла од економските тешкотии и проблеми и земја која си го вратила угледот.

Прикажи повеќе...

Најново

Македонија27 минути

Финансиската полиција денес добила пријава за контрола на работењето во ИВЗ

Управата за финансиска полиција денес добила пријава со барање за финансиска контрола во Исламската верска заедница(ИВЗ). Од Управата демантираат дека...

Македонија33 минути

Бузаку: Објектот на ИВЗ е под окупација

Самопрогласенот поглавар на Исламската верска заедница, Скендер Бузаку, кој е назначен на оваа функција со решение од Судот, во изјава...

Македонија1 час

ИВЗ: Невозможно е Реџепи да се сретне со Бузаку

Портпаролот на Исламската верска заедница, Агрон Војника, запрашан дали ќе се бара компромисно решение меѓу Сулејман Реџепи и Скендер Бузаку по...

Македонија3 часа

Комисијата за односи со верските заедници демантира вмешаност во превирањата во ИВЗ

Комисијата за односи со верските заедници и религиозни групи демантира каква било вмешаност во настаните во Исламската верска заедница. Од...

Свет3 часа

(Видео) Ким Џонг-ун со блиндиран воз пристигна во Русија

Севернокорејскиот лидер Ким Џонг-ун со блиндиран воз пристигна во Русија, каде што утре во Владивосток ќе се сретне со рускиот...

Македонија16 часа

(Видео) ИВЗ: Судот не одлучува кој ќе биде реис, ако е така нека кажат и кој да биде поглавар на МПЦ

Судот не е тој што одлучува кој ќе биде реис, ако е така нека кажат и кој да биде поглавар...

Свет22 часа

(Видео) Камерите снимија терорист кој влегува во црквата непосредно пред масакрот

Медиумите на Шри Ланка објавија снимка од надзорните камери снимена непосредно пред еден од нападите. Како што известува „Гардијан“, се...

Македонија23 часа

Северна Македонија или Македонија? Караџовски и Адеми расправаa како да ја пишува државата на извештајот

Членовите на Судскиот совет го изгласаа годишниот извештај за работата за 2018 година, но претходно претседателот Зоран Караџовски и членот...

Топ23 часа

Мицкоски: Не е до чистката, туку проблемот е до тој што треба да исчисти

По најавите на премиерот Зоран Заев дека власта ја примила пораката од граѓаните и дека ќе следуваат кадровски промени, лидерот...

Топ24 часа

Поднесено обвинение против родителите чии деца загинаа во пожар во Велес

Против мајката и таткото, чии деца во јуни минатата година загинаа во пожар во куќа во Велес, е поднесено обвинение...

Македонија1 ден

(Видео) Таткото на Саздовски: Родителите да кажат каде е третиот осомничен, кој е во бегство

Ни една мајка не треба да го закопа својот син, казната е толкава колку што е предвидено во законот. Не...

Македонија1 ден

(Видео) По 19 години затвор за убијците на Никола Саздовски

Кривичниот суд во Скопје им одреди по 19 години затвор на Бесим Беља и Скендер Демири, кои на 29 јуни...

Свет1 ден

Евакуирана Сиднејската опера поради истекување гас

Стотици луѓе се евакуирани денес од Сиднејската опера и околината поради истекување гас, а раководството на куќата објави дека настапите...

Регион1 ден

Убиецот на бугарската телевизиска новинарка осуден на 30 години затвор

Бугарскиот суд го осуди Северин Красимиров на 30 години затвор за силување и убиство на телевизиската новинарка Викторија Маринова. Телото...

Свет1 ден

(Видео) Базен на врвот на висококатница се излеа за време на земјотресот во Манила

Филипините вчера ги погоди силен земјотрес со интензитет од 6,3 степени според Рихтер поради што се тресеа многу згради, а...

Свет1 ден

Најмалку 11 жртви и 24 исчезнати во земјотресот во Филипини

Најмалку 11 лица загинаа, 24 исчезнати, а повеќе од 80 се повредени во земјотрес со јачина од 6,1 степен, кој...

Топ2 дена

(Видео) Дац му подари метла на Заев, премиерот возврати – чистка ќе има

Актерот Драган Спасов Дац на вечерашната трибина на СДСМ во Карпош му подари метла на премиерот Зоран Заев, порачувајќи му...

Европа2 дена

Курц ја осуди песната во која мигранти се споредуваат со стаорци

Aвстрискиот канцелар, Себастијан Курц, побара од помалиот партнер во владејачката коалиција, десничарската Партија на слободата на Австрија, да се дистанцира...

Избори 20192 дена

(Видео) Поништено гласањето на избирачко место во Ѓорче Петров, имало вишок гласачки ливчиња во кутијата

Три гласачки ливчиња повеќе во кутијата од бројот на гласачи нотира Државната изборна комисија во едно избирачко место во општина...

Свет2 дена

Кои се жртвите во Шри Ланка: Деца, познати готвачи, келнери, политичари…

Во терористичките напади во Шри Ланка загинаа најмалку 290 луѓе, а повеќе од 500 се повредени. Меѓу нив, повеќето луѓе...

Досие