Контакт

Свет

Откажана посетата на Помпео во Европа, лидерите на ЕУ одбиле да се сретнат со него

Објавено пред

Американскиот државен секретар, Мајк Помпео, во последен момент ја откажа европската турнеја откако министерот за надворешни работи на Луксембург и високи претставници на ЕУ одбиле да се состанат со него, пренесува „Ројтерс“ повикувајќи се на европски и американски дипломати.

Помпео требаше да се сретне со министерот Жан Аселборн во Луксембург пред да се сретне со лидерите на ЕУ и врвен европски дипломат во Брисел, но планот да замине во Луксембург бил откажан откако официјалните лица го одложиле наоѓањето сместување за американскиот дипломат и неговата придружба, тврдат дипломатските извори.

Еден од дипломатските извори тврди дека на сојузниците од НАТО им било непријатно да се сретнат со Помпео по насилството минатата среда во Вашингтон кога приврзаниците на претседателот Доналд Трамп насилно ја прекинаа седницата на Конгресот.

Згрозен од насилството, Аселборн го нарече Трамп „криминалец“ и „политички пироман“. Помпео го осуди насилството, но не ја спомна улогата на претседателот Трамп и неговите обвинувања за изборна кражба што го предизвика маршот на Капитол Хил.

Министерството за надворешни работи на Луксембург го потврди откажувањето на состанокот, не давајќи никакви детали. Официјален Брисел исто така одби да коментира за откажувањето на турнејата на Помпео.

Американскиот Стејт департмент откажувањето на патувањето го припишува на обврски околу примопредавање на власта, пред да влезе новоизбраниот претседател, Џо Бајден, во Белата куќа на 20 јануари.

Во Брисел, Помпео требаше да се сретне со генералниот секретар на НАТО, Јенс Столтенберг на приватна вечера во неговата резиденција, а потоа и со белгиската министерка за надворешни работи, Софи Вилмс.

Претставниците на ЕУ, истоштени од непредвидливото однесување на Трамп, сакаат да градат нови односи со новоизбраниот претседател Бајден, оценуваат дипломатите.



©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион

Во Врање сменет начинот на вакцинација откако маж прими две различни вакцини

Објавено пред

Од денес е сменет начинот на вакцинирање во српскиот град Врање заради неодамнешниот пропуст кога едно лице беше вакцинирано со две различни вакцини.

Сменета е и локацијата за вакцинација. Сега се вакцинира само во јавната установа Спортска хала, а примателот на вакцина се следи од влезот до излезот од објектот.

„Целиот систем е дизајниран за да не се повтори грешката со давање две различни вакцини. Поставен е мониторинг, пациентот се следи целосно од влез до излез, така што грешката е сведена на скоро нула“, рече координаторот на Здравствениот дом во Врање, Небојша Димитријевиќ.

Слаѓан Антиќ од Врање прими две различни вакцини, прво таа на „Фајзер“, а потоа за време на ревакцинацијата, ја примил кинеската вакцина на „Синофарм“.

Антиќ ја примил првата доза на вакцината во Здравствениот дом во Врање, а за втората доза добил СМС-порака да се јави во Спортска хала.

По ревакцинацијата, како што вели, во разговор со докторот дознал дека е вакциниран со кинеската вакцина.

„Во разговорот, лекарот што ми е пријател ми рече – кинеската вакцина што ја прими е одлична. Изненаден го прашав – како кинеска, требаше да ја примам вакцината на ‘Фајзер’ и тогаш настана гужва “, рече Антиќ за РТС.

Во Врање четири недели е на сила вонредна состојба поради зголемувањето на бројот на болни и хоспитализирани.

Прикажи повеќе...

Свет

Градоначалник во Италија даде оставка откако јавноста дозна дека се вакцинирал преку ред

Објавено пред

Градоначалникот на сицилијанскиот град Корлеоне денес објави дека дава оставка откако преку ред се вакцинира против Ковид-19, а полицијата отвори истрага.

„Поминав непроспиена ноќ размислувајќи за својата одлука и заклучив дека ќе биде правилно да се повлечам, и покрај тоа што бев вакциниран како еден од општинските советници“, изјави за италијанската агенција АНСА, Николо Николоси (78).

Корлеоне е мал град во близина на Палермо, историско упориште на мафијата чие име се поврзува со митската сага раскажана во филмот „Кум“ на режисерот Френсис Форд Копола.

Италијанските медиуми вчера објавија дека полицијата го испитува градоначалникот и другите членови на градскиот совет и дека случајот е пријавен во локалното обвинителство.

На официјалната страница на „Фејсбук“ на Градот Корлеоне бше потврдено дека Николоси примил две дози вакцина уште во јануари, иако тој не бил во приоритетната група.

Италија ја започна својата кампања за вакцинација кон крајот на декември, резервирајќи ги првите дози за здравствените работници и луѓето постари од 80 години.

Но, Николоси тврди дека на локалните политичари како него им е потребна итна заштита од вирусот, исто како и на здравствените работници.

„Градоначалникот беше вакциниран свесно, за да спречи потенцијален контакт со вирусот што може да го спречи да ги извршува своите должности среде борбата против вирусот“, пишува на страницата на Градот Корлеоне.

Досега во Италија од вкупно 60 милиони луѓе, 1,6 милиони ги примиле двете дози, соопшти локалното Министерство за здравство.

Од коронавирусот во Италија починаа скоро 100.000 луѓе.

Прикажи повеќе...

Свет

Австрија ја запре вакцинацијата со вакцината на „АстраЗенека“, се истражува смртта на едно лице

Објавено пред

Австриските власти привремено ја прекинаа вакцинацијата со серија вакцини против Ковид-19 од „АстраЗенека“, додека во тек е истрага за смртта на едно лице и развој на белодробна емболија кај друго по вакцинирањето, објави австрискиот државен завод за здравствена безбедност (БАСГ).

БАСГ доби два извештаи поврзани со вакцини од „АстраЗенека“ од истата серија, а пациентите ја примиле на клиника во градот Цветл во провинцијата Долна Австрија, се вели во соопштението.

Според извештајот, 49-годишникот починал како резултат на тешко нарушување на коагулацијата на крвта, а 35-годишникот развил белодробна емболија, но се опоравува.

„Во моментов, нема докази за причинско-последична врска помеѓу овие состојби и вакцината“, се вели во соопштението на БАСГ.

Претставник од „АстраЗенека“ рекол дека компанијата е во контакт со австриските власти и дека ја поддржува истрагата.

Новинската агенција АПА потсетува дека вакцината била одобрена и од Европската агенција за лекови и од Светската здравствена организација врз основа на глобално клиничко испитување во кое учествувале 23.000 испитаници.

„Сите претходни проценки покажаа дека вакцината на ‘АстраЗенека’ е безбедна и ефикасна“, објави АПА.

Прикажи повеќе...

Најново

Свет2 часа

Градоначалник во Италија даде оставка откако јавноста дозна дека се вакцинирал преку ред

Градоначалникот на сицилијанскиот град Корлеоне денес објави дека дава оставка откако преку ред се вакцинира против Ковид-19, а полицијата отвори...

Македонија3 часа

Во Македонија 333 нови случаи на коронавирус, починаа 10 лица

Во последните 24 часа во Македонија се потврдени 333 нови случаи на коронавирус, 268 оздравени и 10 починати лица, соопшти...

Македонија4 часа

Пристигна првата пратка од руските вакцини во Македонија

На скопскиот аеродром попладнево пристигна првата пратка од руската вакцина „спутник В“. Министерот за здравство Венко Филипче заедно со рускиот...

Регион4 часа

Во Србија над 3.000 новозаболени и 20 починати

Според последните информации, во Србија биле регистрирани 3.042 новозаболени лица, а 20 лица починале. Во последните 24 часа биле тестирани...

Европа5 часа

Скандал во Бундестагот: Пратеници профитирале со трговија со маски за време на ковид-кризата

Скандал ја тресе Германија. Пратеници од Бундестагот оствариле профит од трговија со заштитини маски на самиот почеток на пандемијата на...

Свет5 часа

Семејства на починати од коронавирус го тужат британскиот премиер

Британскиот премиер Борис Џонсон, го тужат околу 2.000 семејства кои изгубиле еден или повеќе членови на семејството поради коронавирусот. Досега...

Македонија6 часа

Досега попишани 32.752 лица од дијаспората

Државниот завод за статистика соопшти дека досега се попишани 32752 лица од дијаспората. Оттаму велат дека бројот на попишани расте...

Македонија6 часа

Лекарска комора: Ковид може да предизвика сериозни стомачни крварења, да не се занемарат симптомите

Пациенти кои имаат инфекција со SARS-CoV-2 вирусот може да развијат сериозни компликации на гастроинтестиналниот систем кои во некои случаи се...

Македонија6 часа

(Видео) Пресечени меѓународни канали за транспорт на дрога

Министерството за внатрешни работи во текот на вчерашниот ден (06.03.2021) во две одделни акции пресече два канала за меѓународен транспорт...

Европа7 часа

Нови ограничувања во цела Италија

Во Италија, во последните 24 часа, имало 307 смртни случаи од коронавирус и повеќе од 23.000 нови инфекции, пренесува агенцијата...

Македонија9 часа

Земјотрес почувствуван во Дебар, Гостивар и Маврово

Земјотрес со јачина од три степени според Европската макросеизмичка скала синоќа во 22 часот и 43 минути бил почувствуван од...

Свет10 часа

Папата пристигна во Мосул

Папата Франциско денеска пристигна во ирачкиот град Мосул, каде ќе се моли во разурнатите цркви, кои беа уништени од терористичката...

Македонија10 часа

Денеска пристигнува првата пратка од руските вакцини

Денеска на Скопскиот аеродром треба да пристигне правата пратка од вакцини против Ковид-19 „Спутник В“, што Владата ги купи од...

Свет10 часа

Откриен нов „застрашувачки“ сој: високозаразен и ја намалува ефикасноста на вакцините

Научниците во американската држава Орегон открија нов многу заразен вид на ковид, кој првпат се појави во Велика Британија. Сепак,...

Свет22 часа

Русија во разговори со СЗО за итна употреба на вакцината „спутник В“

Рускиот министер за здравство Михаил Мурашко денеска разговараше со генералниот директор на СЗО за барањето на Русија за итно одобрување...

Македонија1 ден

Мицкоски од инфективна: Ќе се спасите од мене само ако не се разбудам утре

Лидерот на ВМРО-ДПМНЕ, Христијан Мицкоски се огласи од инфективната клиника, каде се лекува од коронавирус. Тој порача дека овој ден...

Топ1 ден

Загина градежен работник во Гевгелија паѓајќи од скеле

Градежен работник од Богданци паднал од скеле и починал на лице место, додека работел на објект во изградба во Гевгелија....

Македонија1 ден

Тодоров: Мицкоски не само што е пречка за обединување на ВМРО, туку е пречка и за обединување на македонскиот народ

Поранешниот министер за здравство Никола Тодоров се обрати до членството на ВМРО-ДПМНЕ и повика на обединување. „ Почитувани граѓани, почитувани...

Македонија1 ден

Вакцинацијата со руската вакцина во Македонија ќе почне в среда

Вакцинацијата со руската вакцина „спутник в“ во Македонија ќе почне в среда, најави министерот за здравство, Венко Филипче. Вакцините ќе...

Македонија1 ден

(Видео) Ѓорчев: Кенија, Руанда, Судан, Гамбија и Сенегал набавија вакцини, фијаско на Заев и Филипче

Владимир Ѓорчев од ВМРО-ДПМНЕ ги обвини премиерот Зоран Заев и министерот за здравство, Венко Филипче, за фијаско со набавката на...

Досие