Две лица се уапсени во Албанија под обвинение дека во главниот град Тирана, вчера киднапирале 23-годишен македонски државјанин.

Според информациите од албанските медиуми, киднаперите барале 250 илјади евра.

Во рамки на полициската акција, уапсени биле двајца жители на Тирана на возраст од 41 и 42 години, а како што се пренесува, од слобода ќе се брани 50-годишник од Струга.

На уапсените им е одредена мерка притвор.

„Тројцата осомничени во соработка со уште едно лице, во близина на седиштето на Архиепископијата во Тирана, го киднапирале македонскиот државјанин Давор В. (23). За да го ослободат, под закана со оружје, барале сума од 250.000 евра“, стои во полициското соопштение за настанот, кое го пренесуваат албанските медиуми.

Повеќе демонстранти кои учествуваа на вечерашниот опозициски протест „1 од 5 милиони“ во Белград, се пробија до влезната врата на српското Собрание на плоштадот „Никола Пашиќ“, пренесе агенцијата „Танјуг“.

Притоа дошло до туркање меѓу демонстрантите и обезбедувањето, кога еден демонстрант се обиел да го скрши стаклото на влезните врати со јарбол од знаме, но бил спречен во намерата.

Меѓу демонстрантите пред вратите на Собранието бил и претседателот на движењето Двери, Бошко Обрадовиќ.

Во Белград вечерва се одружува уште еден протест „1 од 5 милиони“, прв во втората година откако започнаа протестите.

Протестите во Србија под овој слоган започнаа есента 2018 година, по инцидентот во кој беше претепан лидерот на Левицата во Србија, Борко Стефановиќ.

Според нивната стратешка цел и организација, тие се индиректно продолжување на „протестите против диктатурата“ од 2017 година и се насочени против начинот на кој српскиот претседател, Александар Вучиќ, ја спроведува власта.

Вкупно 19 цивили, меѓу кои осум деца, загинаа денеска во воздушни напади на сириските сили во провинцијата Идлиб, која е под контрола на џихадистите, соопшти опозицискиот Сириски центар за мониторинг на човековите права.

Во својот прв извештај Сирискиот центар наведе дека загинале 12 цивили, од кои шест деца.

Кон крајот на август во Идлиб е прогласено примирје, но Сирискиот центар, со седиште во Лондон, продолжува да пренесува информации за судири и воздушни напади, во кои оттогаш се убиени повеќе десетици луѓе.