По неуспехот на Косово да стане членка на Интерпол, косовскиот претседател, Хашим Тачи, изјави дека сега е појасно од  кога било оти е неопходен конечен и сеопфатен договор помеѓу Косово и Србија, за да се осигура членството во меѓународните организации.

Тачи им заблагодари на сите земји кои гласаа во корист на Косово, пренесе агенцијата „Анадолија“.

„Со оглед на негативниот исход на гласање, сега е појасно од кога било дека е потребен конечен и сеопфатен договор помеѓу Косово и Србија за да се осигура мнозинско признавање и членство на Косово во ОН, НАТО и ЕУ“, порача Тачи на социјалната мрежа „Твитер“.

На денешното Собрание на Интерпол во Дубаи се гласаше за примање на Косово како нова членка во меѓународната полициска организација. Поради неуспехот на Косово да обезбеди двотретинско мнозинство, барањето беше одбиено. „Против“ гласаше 51 држава, 68 земји гласаа „за“, а 16 беа воздржани. Ова e трет обид на Косово да стане членка на Интерпол.

Амбасадите на САД во Белград и на Велика Британија во Приштина, оценија дека одлуката Косово да не се прими во Интерпол е разочарувачка, додека амбасадорот на Русија, Александар Чепурин, му честиташе на српскиот министер за внатрешни работи, Небојша Стефановиќ, за, како што напиша на „Твитер“, одличната работа во Дубаи. Српскиот претседател, Александар Вучиќ, изјави дека одбивањето на барањето за членство на Косово во Интерпол е успех на Србија, но поради тоа не е потребна еуфорија и понижување на Косово.

Силно невреме попладнево ја погоди Подгорица, а дождовите проследени со ветер ги поплавија улиците и го забавија сообраќајот, пренесуваат медиумите во земјата.

Патот Тиват-Будва е затворен поради невремето за сите видови возила.

Службата за заштита соопшти дека досега не добила повици за помош.

Силното невреме го погоди и приморјето, поради што поплавени се неколку улици, згради и училишта во Херцег Нови, Котор и Тиват.

Францускиот претседател, Емануел Макрон, повика на дијалог по повод протестите што избија ширум земјата како резултат на растот на цените на горивата.

Ова е прв коментар на Макрон по протестите во кои во саботата повеќе од 250.000 лица ги блокираа патиштата во Франција.

Тој рече дека е нормално луѓето да изразуваат незадоволство и дека се обидува да влијае врз навиките на Французите, за да ги одврати од употребата на фосилни горива.  Макрон вети субвенции за домаќинствата со ниски приходи кои ќе се одлучат за автомобил што помалку загадува.

Тој не го коментираше насилството на протестите во кои едно лице загина, а ститици завршија со повреди.