Контакт

Свет

Пашинјан вели дека тој ја сноси главната одговорност за ситуацијата во Нагорно-Карабах

Објавено пред

Ерменскиот премиер Никол Пашинјан на онлајн прес-конференција утринава изјави дека тој ја сноси главната одговорност за ситуацијата во Нагорно-Карабах, пренесува ТАСС.

„Се разбира, разбирам дека јас сум главниот одговорен за оваа ситуација“, рече Пашинјан.

Како резултат на воените операции во Нагорно-Карабах, контролата врз неколку области во непризнатата република ќе премине кај Азербејџан.

Ерменските вооружени сили претрпеа пораз во Нагорно-Карабах зашто тие се бореа не само против Азербејџан, туку и против турските сили и платените терористи од Блискиот Исток, наведува ТАСС.

„Следејќи ги резултатите од јулските битки [во североисточна Ерменија] стана јасно дека сме подготвени за војна со армијата на Азербејџан. Но, војната со Азербејџан, Турција и терористите беше главната причина за нашиот неуспех“, нагласи тој.

Ерменските власти во многу наврати изјавија дека Турција е вклучена во воениот конфликт во Нагорно-Карабах. Ереван објави дека турските војници се борат за азербејџанската армија, а Анкара ја презеде командата со воздушните битки и распределува терористи од Блискиот Исток, особено од Сирија и Либија, во Карабах.

Неколку стотици ерменски војници и офицери се водат како исчезнати како резултат на борбените операции во Нагорно Карабах, рече Пашинијан.

„Имаме неколку стотици исчезнати војници од почетокот на војната“, рече ерменскиот премиер.

Армијата на непризнатата Република Нагорно-Карабах ќе го задржи својот статус по потпишувањето на трилатералниот договор за прекин на огнот, рече Пашинијан.

„Одбранбената армија на Артсак [непризнатата Република Нагорно-Карабах] останува армијата на одбраната на Арсак. Таа ќе го задржи својот статус и мора да се развива. Армијата е гарант за суверенитетот на Артсак”, нагласи ерменскиот премиер.

На 9 ноември, рускиот претседател Владимир Путин, азербејџанскиот претседател Илхам Алиев и ерменскиот премиер Никол Пашинјан потпишаа заедничка изјава за целосен прекин на огнот во Нагорно-Карабах почнувајќи од 10 ноември.

Со договорот се запрени воените операции во регионот, Азербејџан и Ерменија ќе ги задржат позициите што сега ги контролираат, а во регионот ќе бидат распоредени руски мировници.

Обновените судири меѓу Азербејџан и Ерменија избувнаа на 27 септември со интензивни битки во спорниот регион Нагорно-Карабах. Областа доживеа разгорување на насилството летото 2014 година, во април 2016 година и минатиот јули.

Азербејџан и Ерменија воведоа воена состојба и почнаа со мобилизација. Двете страни во конфликтот пријавија жртви, меѓу нив и цивили. Како резултат на консултациите иницирани од Русија во Москва, Баку и Ереван се согласија да прекинат со огнот на 10 октомври за хуманитарни цели за размена на воените затвореници и мртвите. Сепак, примирјето подоцна беше прекршено.

Конфликтот меѓу Ерменија и Азербејџан за планинскиот регион Нагорно-Карабах, спорна територија што беше дел од Азербејџан пред распадот на Советскиот Сојуз, но мнозински населена со етнички Ерменци, избувна во февруари 1988 година, кога автономниот регион Нагорно-Карабах најави повлекување од Советската Социјалистичка Република Азербејџан.

Од 1992 до 1994 година тензиите ескалираа во големи воени акции за контрола над енклавата и седумте соседни територии, кога Азербејџан ја изгуби контролата над нив. Разговорите за решението за Нагорно-Карабах траат од 1992 година под водство на групата од Минск на ОБСЕ, предводена од Русија, Франција и САД.

Регион

Србија воведе нови строги мерки

Објавено пред

Српската влада објави нови епидемиолошки мерки и ограничувања на денот кога бројот на новозаболени од коронавирус и бројот на хоспитализирани пациенти речиси се изедначени.

Денес, српските здравствени власти пријавија 7.802 новозаразени и 7.726 пациенти во болница, од кои 288 на апарати за дишење. Како резултат на инфекцијата, во последните 24 часа починале 61 лице.

Владата на Србија на денешната седница ги усвои последните препораки на Кризниот штаб, кои ќе стапат во сила в петок и подразбираат ново намалување на работното време на угостителските објекти.

Кафулињата, рестораните, баровите, ноќните клубови и сплавовите ќе бидат затворени од петок во 17 часот до понеделник во 5 часот наутро, без исклучок, а работното време од понеделник до петок ќе биде од 5 до 17 часот.

Испораката на храна ќе биде можна 24 часа на ден, а трговските центри, продавниците за облека, обложувачнците, казината, игротеките, исто така ќе бидат затворени од петок во 17 часот до понеделник во 5 часот наутро.

Фризерските и салоните за убавина, салоните за нега, спортските сали, фитнес-центрите, базените, бањите, балоните за фудбал, кошарка и тенис, како и просториите за кој било друг рекреативен спорт, нема да работат за време на викендот.

Продавниците за храна, малопродажните објекти и трафиките во кои не се влегува при купување, односно работат со шалтерски принцип, може да бидат отворени за време на викендите, но само до 21 часот.

Покрај аптеките, исклучок за работење се и бензинските пумпи, кои ќе работат нонстоп, секој ден, без ограничувања.

Рестораните и баровите во рамките на хотелите и приватното сместување може да даваат услуги само и исклучиво на регистрирани и пријавени гости до 21 часот секој ден.

Ординациите и лабораториите што обезбедуваат медицински услуги ќе бидат отворени цел ден, вклучително и за време на викендите.

Српската влада наведе дека мерките се донесени со цел да се сведат социјалните контакти на апсолутен минимум, а спроведувањето на мерките ќе биде контролирано од инспекциите и полицијата.

Прикажи повеќе...

Европа

Во Италија нов рекорд на починати во еден ден

Објавено пред

Во Италија денеска е забележан апсолутен рекорд во дневната бројка на смртни случаи од Ковид-19. Во изминатите 24 часа починале 993 лица, што е највисок број од почетокот на пандемијата во оваа земја, која беше силно погодена и пролетва.

Бројот на починати во еден ден го надмина и црниот 27 март кога имаше 919 смртни случаи.

Што се однесува до бројот на заразени, евидентирани се 23.225 нови случаи од 226.729 тестирани, а вчера имаше 20.709 на 207.143 теста. Во средата во Италија имаше 684 смртни случаи.

Помал е бројот на хоспитализирани на одделенијата за интензивна нега и во другите капацитети. Денеска во италијанските болници се евидентирани 31.722 пациенти, 682 помалку од еден ден претходно, а 3.597 заразени се на одделенијата за интензивна нега.

Италија беше првата западна земја што беше сериозно погодена од пандемијата, а од почетокот на ширењето на Ковид-19 во февруари, 58.038 луѓе починле во како резултат на инфекцијата, што е највисока бројка во Европа по онаа во Велика Британија. Досега регистрирани се вкупно 1.665.000 случаи на инфекција со коронавирус.

Кога вториот бран на епидемијата нагло се забрза во Италија во првата половина на ноември, бројот на хоспитализирани се зголеми на речиси 1.000 на ден, а бројот на пациенти на одделенијата за интензивна нега на приближно сто.

Прикажи повеќе...

Европа

Шведска ги отфрла препораките на СЗО, тамошните експерти велат дека маски не се потребни

Објавено пред

Сè уште нема потреба да се носат маски во Шведска, изјави денес водечкиот здравствен службеник во оваа скандинавска земја со повеќе од 7.000 смртни случаи од почетокот на епидемијата на Ковид-19, еден ден откако СЗО издаде препораки за поширока употреба на маски.

СЗО во средата објави дека луѓето, вклучително и децата над 12 години, секогаш треба да носат маски во продавниците, на работните места и во училиштата, онаму каде што не е можно правилно да се проветруваат просториите, како и кога гости доаѓаат во домови во кои има слабо проветрени простории.

Шведската здравствена агенција, која стои зад шведската стратегија против целосно затворање, ги отфрли препораките за носење маски повикувајќи се на слабите докази за нивната ефикасност и на стравувањата дека маските може да се користат како изговор против изолација кога ќе се појават симптоми.

„Маски за лице се можеби потребни во некои ситуации. Такви ситуации сè уште не се појавиле во Шведска, покажуваат нашите контакти со регионите“, рече Андерс Тегнел, водечкиот шведски епидемиолог, на денешната прес-конференција.

„Сите досегашни студии сугерираат дека е многу поважно да се одржува растојание отколку да се носи маска“, посочи Тегнел.

Шведска денес потврди 35 нови смртни случаи од Ковид-19, со што вкупниот број на жртви достигна 7.007. Вкупно 6.485 нови инфекции се регистрирани во изминатите 24 часа.

Прикажи повеќе...

Најново

Европа5 часа

Шведска ги отфрла препораките на СЗО, тамошните експерти велат дека маски не се потребни

Сè уште нема потреба да се носат маски во Шведска, изјави денес водечкиот здравствен службеник во оваа скандинавска земја со...

Македонија6 часа

Заев: Да профитираме од извоз на сушен цвет од канабис, а дома да ја легализираме марихуаната

Ако успее парламентот до крајот на годината да го донесе законот за измени и дополнување на Законот за опојнит дроги...

Македонија7 часа

1.342 новозаразени од Ковид-19, починаа 22 лица

Министерството за здравство информира дека во последните 24 часа се направени 3.399 тестирања, а регистрирани се 1.342 нови случаја на...

Македонија8 часа

МАНУ, УКИМ и МПЦ-ОА бараат во преговорите со Бугарија да не се погази достоинството на народот

Македонската академија на науките и уметностите (МАНУ), Македонската православна црква (МПЦ-ОА) и Универзитетот „Свети Кирил и Методиј“ (УКИМ) истапија со...

Македонија11 час

Се спушта возрасната граница за лична асистенција од 18 на шест години за деца со попреченост

На барање на семејствата на децата со попреченост ја намалуваме возраста кога личната асистенција станува законско право – од сегашните...

Домашен11 час

Град Скопје го награди младиот боксер Ардијан Аземи со 100.000 денари

Град Скопје го награди со 100.000 денари младиот Ардијан Аземи, освојувач на бронзен медал на Европското првенство во бокс за...

Топ11 час

Сандаци со куршуми од Втората светска војна пронајдени кај Машката плажа во Струга

Четири лимени сандаци со куршуми биле пронајдени при ископ во близина на Машката плажа во Струга. СВР Охрид соопшти дека...

Свет12 часа

Обама, Буш и Клинтон пред камера ќе се вакцинираат против коронавирус

Поранешните претседатели на САД, Барак Обама, Џорџ В. Буш и Бил Клинтон, ќе примат вакцина против коронавирус пред камера за...

Свет13 часа

Чешка го укина полицискиот час, се отвораат сите продавници и ресторани

По повеќе од еден месец строги мерки поради пандемијата на коронавирус, Чешка го укина полицискиот час. Од денеска се отворени...

Македонија13 часа

„Политико“: Вархеји и ЕПП не се доволно остри кон Борисов и Софија за блокадата за Македонија

Еврокомесарот за добрососедство и проширување Оливер Вархеји беше премногу мек кон Софија, а Европската народна партија (ЕПП) не беше доволно...

Свет13 часа

Генералниот директор на „Бајонтек“: Веруваме дека ова е почеток на крајот на пандемијата

Угур Сахин, генералниот директор на компанијата „Бајонтек“, која заедно со „Фајзер“ ја разви единствената вакцина што е пуштена на пазарот,...

Регион14 часа

Руската вакцина „Спутник 5“ на проверка во Србија

Русија денеска ќе достави 20 дози од својата вакцина против коронавирус „Спутник 5“ до Српската агенција за лекови и медицински...

Топ14 часа

Притвор за скопјанец кој крадел oд викендички во Гази Баба

Триесет и седумгодишен скопјанец со иницијали А.Ф., за кого е распишана потерница од Одделението за криминалистички работи Гази Баба, е...

Европа15 часа

Германски експерти: Вакцинацијата може да потрае некое време

Експертите од германскиот државен епидемиолошки институт „Роберт Кох“ предупредија на прекумерна еуфорија поради вакцината за коронавирус, наведувајќи дека поради различни...

Свет15 часа

Пандемијата ќе има негативно влијание на фертилитетот во Европа, предупредуваат експертите

„Време е да станете мајка“, гласи пораката што стотици Португалки ја добија на своите мобилни телефони минатиот месец. Пораката испратена...

Свет16 часа

Франција ќе проверува џамии поради екстремизам

Француската влада во борбата против верскиот екстремизам ќе преземе низа акции, масовни и без преседан, меѓу кои и проверка на...

Регион16 часа

Силен земјотрес ја погоди Турција

Силен земјотрес со јачина од 5 степени по Рихтер утрово го погоди југоистокот на Турција. Управата за катастрофи и вонредни...

Европа1 ден

Белгија планира да почне со вакцинација од 5 јануари

Белгија планира да почне со вакцинација на 5 јануари доколку се одобри вакцина развиена против коронавирусот. Премиерот Александер де Кро...

Свет1 ден

Убиецот на словачкиот новинар осуден на 25 години затвор

Словачкиот Врховен суд го осуди убиецот на истражувачкиот новинар Јан Куцијак на 25 години затвор. Оваа пресуда на апелацискиот суд...

Спорт1 ден

Синот на Марадона бара Меси да се откаже од „десетката“ во чест на татко му

Диего Синагра, попознат како Диего Јуниор, синот на Диего Марадона, вели дека бил потресен од гестот на Лионел Меси со...

Досие