Три деца и еден маж се повредени во пукање на роденденска забава на отворено, што се случи во западниот дел на Торонто, објави канадската полиција.

Официјалниот претставник на полицијата во Торонто, Кели Скинер, изјави дека едногодишно момче, петгодишно девојче и 11 годишно момче се повредени, објави АП.

Таа не прецизираше во каква состојба се повредените деца, но лекарите претходно соопштија дека едното дете е во опасност, додека другото е во тешка состојба. Третото дете се здобило со полесни повреди.

Во пукањето е ранет и 23-годишен маж.

Скинер изјави дека децата не биле цел на нападот, како и дека полицијата трага по повеќе осомничени, но информациите за нив сè уште не се објавени.

Камион прегази двајца учесници на вчерашната Парада на гордоста во Мајами, при што едниот почина а другиот е тешко повреден, соопшти локалната полиција.

„ Двајцата беа пренесени во медицинскиот центар Бродвеј, каде едниот им подлегна на повредите“, изјави детективот на Форт Лодердејл, Али Адамсон, на прес-конференција, изразувајќи доверба, заснована на медицински извештаи, дека другата жртва ќе преживее, објави Си-Ен-Ен.

Two people were hit by a truck at the start of the Stonewall Pride Parade. Please keep them and their loved ones in your prayers. pic.twitter.com/EF8InAl3Y3

— Christine Hunschofsky (@CHunschofsky) June 20, 2021

Адамсон исто така потврди дека ФБИ помага во истрагата, но одби да каже дали истражителите сметаат дека инцидентот бил намерно испровоциран.

„Засега ги проценуваме сите опции“, рече детективот Адамсон, додавајќи дека сите можности се отворени.

Видеото од локалната телевизија ВПЛГ (WPLG), што го прикажа Си-Ен-Ен веднаш по инцидентот, покажува како едно машко лице е приведено, но Адамсон не сакаше да потврди дали станува збор за осомничениот во несреќата.

Tропската бура Клодета на Флорида направи голема штета, а во наредните денови допрва ќе се најавуваат нови катастрофи, пренесуваат американските медиуми.

Невремето проследено со грмежи и силен источен ветер, денеска ја погоди американската држава Флорида и поголемиот дел од Алабама и се движи кон крајбрежната област Северна Каролина.

Утрото, Националниот центар за урагани ја категоризираше временската непогода Клодета како бура, која претходно го погоди Њу Орлеанс, Луизијана, пренесува АП.

VIDEO: Tropical Storm Claudette hits Gulf Coast near Mobile – courtesy WALAhttps://t.co/KWfhwDd1X8 pic.twitter.com/3o8vM5OHit

— KATC TV3 (@KATCTV3) June 19, 2021

Националниот центар за урагани издаде неколку предупредувања за торнадо денеска за северна Флорида и јужна Алабама, како и за крајбрежните делови на Северна Каролина. Невремето се очекува да се интензивира в понеделник и да се претвори во тропска бура над Атлантскиот океан, понатаму по должината на брегот на источниот дел на САД.