Во католичката црква Свети Павле во Минхен завладеала паника, бидејќи влегол непознат маж и почнал да вика. Како што пренесува „Индекс.хр“, во моментот во црквата имало Хрвати кои успеале да го совладаат.

Според изјави на очевидците, станува збор за Африканец кој влегол помеѓу верниците и почнал да вика „Такбир“ (Алах акбар).

Собраните почнале да бегаат бидејќи помислиле дека станува збор за терористички напад. Веднаш била повикана полицијата која пристигнала во голем број и го привела мажот.

Локалните медиуми пишуваат дека се работи со маж со психичко пореметување.

„Почна да гестикулира и да извикува неразбирливи зборови, тоа ги исплаши посетителите на црквата“, соопшти полицијата.

Мажот бил уапсен, а полицијата истакнала дека не претставувал опасност за луѓето во црквата.

Британската кралица, Елизабета Втора го слави денеска 93. роденден кој годинава се совпаѓа со Велигден, по Грегоријанскиот календар.

Таа присуствуваше на велигденската богослужба во капелата Свети Џорџ, заедно со членовите на кралското семејство, пренесе „АП“.

Денешната прослава е прва од двете со кои секоја година се одбележува кралскиот роденден. Нејзиниот роденден официјално се одбележува во јуни со свечена парада, а ваквата традиција трае над 250 години, потсети „АП“.

Папата Франциско ги осуди суровите напади во Шри Ланка и изрази најдлабока поврзаност со христијанската заедница која е погодена за време на молитва, како и со другите жртви.

„Со тага и болка ја примив веста за смртоносните напади кои се случија денеска на Велигден, донесоа жал и болка во црквите и другите места на кои се собраа луѓето во Шри Ланка“, изјави Папата, пренесе „Ројтерс“.

Во серијата експлозии кои потресоа цркви и луксузни хотели во Шри Ланка, според последните податоци загинаа и повредени се стотици луѓе.