Контакт

Свет

Поранешниот шеф на МИ6: Коронавирусот бил по грешка ослободен од кинеска лабораторија

Објавено пред

Сер Ричард Диерлов, поранешен шеф на британската тајна разузнавачка служба (МИ6), изјави за поткастот„ Планет нормал“ на Телеграф дека научен извештај објавен од норвешко-британски истражувачки тим сугерира дека пандемијата на Ковид-19 е резултат на респираторен вирус кој „избегал“ од лабораторија во Кина.

Нова студијата покажува дека епидемијата почнала како неисправен експеримент во Кина, вели Диерлов, а извештајот што го цитирал наводно, бил „ублажен“ за да се тргнат обвиненијата против Пекинг.

„Сметам дека ова почнало како несреќа“, рече сер Диерлов, кој ја водеше МИ6 од 1999 до 2004 година.

Ова го поставува прашањето: ако Кина некогаш ја признае одговорноста, дали ќе плаќа отштета? Ова ќе ја натера секоја земја во светот да размисли како ги третира своите односи со Кина и како се однесува меѓународната заедница кон кинеското раководство.

Диерлов посочи дека вирусот не бил ослободен намерно туку случајно излегол додека кинеските научници експериментирале со коронавируси кај лилјаците. Во студијата на британско-норвешкиот тим се тврди дека биле пронајдени вметнати делови поставени на површината на SARS-CoV-2 Spike што овозможуваат вирусот да стапи во контакт со човечки клетки.

Диерлов изјави за „Телеграф“ дека студијата била препишана неколку пати. Истражувачкиот труд првично предлагал новиот коронавирус да се нарече „вирус Вухан“ – по името на кинескиот град каде што за првпат е регистриран – и тврди дека докажал оти вирусот е „дизајниран“, објави весникот, повикувајќи се на претходен нацрт од студијата.

„Телеграф“ исто така вели дека истражувачите од институтот „Френсис Крик“ и од Кралскиот колеџ во Лондон ги отфрлиле заклучоците на студијата, а водечките академски списанија како „Нејчр“ и „Журнал оф виролоџи“ сметале дека студијата е несоодветна за објавување.

Во извештајот се вели дека еден од оригиналните автори на студијата го повлекол своето име од истражувањето пред трудот да биде „разводнет“ за да се отстранат сите експлицитни обвинувања против Пекинг. Сепак, разузнавачките служби, наводно, ги разгледале неговите откритија пред објавувањето.

Од првите недели од појавата на Ковид-19, некои медиуми и некои западни политичари тврдат дека вирусот SARS-CoV-2 можеби потекнува од виролошка лабораторија од висок профил во Вухан. Американските власти се особено заинтересирани да ја обвинат Кина, а претседателот Доналд Трамп рече дека земјата мора да ги надомести штетите предизвикани од пандемијата.

Пекинг континуирано ги негираше овие тврдења.

Кон крајот на април, Канцеларијата на американскиот директор за национално разузнавање изјави дека вирусот не бил создаден или генетски модифициран. Исто така, разузнавачки извори изјавија за „Гардијан“ минатиот месец дека нема докази оти коронавирусот е ослободен од кинеска лабораторија.



©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион

(Видео) Србија користела кинеска опрема за да ги потисне протестите во Белград

Објавено пред

Српската полиција ги потиснува демонстрациите со антитерористички екипи кои кинеската специјална полиција ги обучи кон крајот на минатата година, пренесува „Брејтбарт“ повикувајќи се на информации на „Дојче веле“.

Веста доаѓа откако Кина во саботата го склучи својот прв европски договор за оружје со Србија.

Српскиот претседател Александар Вучиќ во вторникот објави дека повторно ќе биде воведен полициски час на национално ниво поради коронавирусот ако резултат на порастот на бројот на нови случаи во последните неколку дена.

Ова разбесни илјадници граѓани- кои ја обвинуваат владата за предизвикување на вториот бран откако прерано ги олесни претходно воведените мерки- и ги поттикна да протестираат против новите ограничувања вторникот вечерта во Белград, каде што демонстрантите упаднаа во зградата на парламентот.

Како одговор, српската интервентна полиција употреби строги мерки за да ги потисне демонстрантите, прскајќи ги толпите со солзавец и тепајќи ги демонстрантите со палки. Немирите продолжија во средата вечерта во Белград и другите српски градови, иако претседателот Вучиќ се повлече во врска со неговите планови за нови антипандемиски мерки.

„Демонстрантите во Белград ги гаѓаа безбедносните сили со камења, факли и со празни шишиња. Некои од нив ги фрлаа канистрите со гас назад кон полицијата. Бидејќи толпата растеше, интервентната полиција ги потисна демонстрантите подалеку од зградата на парламентот од каде почна митингот во средата. Големи групи интервентни полицајци, вклучително и возила кои припаѓаат на специјалниот антитерористички одред, патролираа низ градот“, се наведува во извештајот.

Специјалните антитерористички одреди во Србија се најдоа во меѓународниот печат кон крајот на ноември 2019 година, кога на единиците им се придружија кинеските безбедносни сили во заедничка вежба во близината на Белград.

„Кинеската специјална полиција учествуваше на нивната прва заедничка вежба за обука во Европа, придружувајќи се на елитната српска антитерористичка единица и на локалната полиција во вежбите во кинеската челичарница во близина на Белград“, објави Ројтерс.

Српскиот министер за внатрешни работи во тоа време, Небојша Стефановиќ, рече дека планира поголема соработка со кинеските агенции за спроведување на законот, додавајќи дека Србија учи од поголема и посилна земја.

Минатата есен српската полиција започна со заедничка полициска патрола со кинеските полицајци кои беа распоредени во Србија за да помогнат со се поголемиот број кинески туристи и работници во земјата, објави „Еуроњуз“.

„Полицајците од Кина ќе им помагаат на српските полицајци во комуникацијата со кинеските државјани и во нивната комуникација со државните органи на Србија“, рече Стефановиќ во септември 2019 година, посочувајќи дека заедничките патроли ќе почнат во октомври.

Преку својата иницијатива „Белт енд роуд“, Пекинг инвестираше милијарди долари во заеми за изградба на железници, патишта и електрани- главно со кинески работници -низ цела Србија.

„Форин полиси“ пишува дека од август 2018 година, во Белград е воспоставен системот за набљудување „Безбеден град“ на кинескиот телекомуникациски гигант „Хуавеј“. Официјално објавен од српското МВР во јануари 2019 година, полицискиот проект предвидува инсталирање 2.000 камери со висока резолуција кои користат софтвер за препознавање на лица и регистарски таблички, на 800 локации низ Белград во текот на следните две години.

Српските организации за човекови права го критикуваа системот за надзор заради кршење на слободите на граѓаните и граѓанските права, а особено за неговиот потенцијал да ја потисне слободата на изразување во форма на мирни протести. Според извештајот, Вучиќ на претходните големи протести на опозицијата во првата половина на 2019 година наредил надзорни беспилотни летала да ги следат демонстрациите.

На 4 јули, Србија првпат ги покажа воените беспилотни летала купени од Кина. Во воената воздушна база во Батајница, близу Белград, Вучиќ откри дека Србија неодамна примила пратка од кинески извидувачки беспилотни летала и ракети. Продажбата претставува прв договор на Кина зо оружје со европска земја.

„Шест беспилотни летала CH-92A и 18 проектили воздух-земја FT-8C им се предадени на српските вооружени сили за зајакнување на нивните можности за извидување“, се вели во соопштението на српското Министерство за одбрана.

„Ова станува модерен начин на војување. Во тој поглед претходно немавме никакви шанси да се натпреваруваме со посериозни земји“, рече Вучиќ за продажбата на оружјето.

„Сега започнуваме, и важно е дека договоривме трансфер на технологија со Кина, така што нашиот Пегаз може полека да се внесе во системот на српските вооружени сили“, рече претседателот, осврнувајќи се на беспилотните летала „Пегаз-011“ развиени од Србија.

Иако точната вредност на договорот со оружјето со Кина останува непозната, Вучиќ рече дека оружјето не е скапо и оти Србија би купила и повеќе.

Прикажи повеќе...

Свет

Исчезнатиот градоначалник на Сеул пронајден мртов, оставил проштално писмо

Објавено пред

Градоначалникот на главниот град на Јужна Кореја, кој исчезна откако беше обвинет за сексуално вознемирување, е пронајден мртов рано утрово, неколку часа откако неговата ќерка објави дека оставил вербална порака што звучела како проштална порака, пренесува „ Јонхап“.

Полицијата го пронајде Парк Вон-Сун (64) мртов откако започна масовна потрага по него во ридовите што се протегааат низ северниот дел на Сеул, каде што последен пат бил откриен сигнал од неговиот мобилен телефон.

Полицијата соопшти дека немало назнаки на кривично дело на местото на настанот, но одбила да ја открие причината за смртта на градоначалникот, кој оставил проштално писмо во кое им се извинил на сите и побарал да биде кремиран, а пепелта да му биде растурена врз грбовите на неговите родители.

Сеулската телевизија СБС објави дека една од секретарките на градоначалникот поднела тужба до полицијата ден порано за наводно сексуално вознемирување коe започналo во 2017 година.

Во извештајот, кој не наведува никаков извор, се вели дека жената им рекла на истражителите дека неодреден број други жени вработени во Градското собрание претрпеле слично сексуално вознемирување од страна на Парк. МВЦ ТВ објави сличен извештај. Полицијата и канцеларијата на градоначалникот соопштија дека не можат да ги потврдат извештаите.

Парк Вон-Сун си изгради репутација како граѓански активист пред да биде избран за градоначалник во 2011 година. Тој беше ѕвезда во подем во либералната Демократска партија на претседателот Мун Џaе-ин и го сметаа за можен претседателски кандидат на изборите во 2022 година.

Прикажи повеќе...

Регион

Во БиХ дури 310 нови случаи на коронавирус

Објавено пред

Во Босна и Херцеговина денеска се регистрирани 310 нови случаи на коронавирус, потврдија тамошните здравствени власти.

Во последните 24 часа, според извештаите на порталот „Кликс“, во федерацијата БиХ биле тестирани 1.199 лица, од кои 196 биле позитивни за коронавирус.

До денеска, 1.425 пациенти се опоравиле во федерацијата БиХ, додека моментно активни се 1.822 случаи.

Во Република Српска, во рок од 24 часа се регистрирани 114 новозаразени со коронавирус, а регистриран е и еден смртен случај во Бања Лука.

Прикажи повеќе...

Најново

Македонија22 минути

(Видео) Јанушев: Очекуваме победа и ќе коалицираме со оние што ќе ја прифатат нашата програма

Опозициската ВМРО-ДПМНЕ, очекува победнички изборен резултат и мандат за формирање Влада, изјави генералниот секретар на партијата Игор Јанушев во интервју...

Топ1 час

Пронајдени 26 украдени велосипеди, приведени крадци во Скопје

Три лица се приведени под сомнение дека краделе велосипеди од подруми и станови во Скопје. Е.М.(24) и А.И.(22), двајцата од...

Топ2 часа

Сопственик на продавница им ветувал на купувачите дека ќе им ги прости долговите ако гласаат за СДСМ

Сопственик на продавница во Штип ветувал дека ќе им избрише долг на неколку лица ако на изборите гласаат за СДСМ,...

Регион2 часа

(Видео) Протестите во Белград поминаа мирно, се играше и оро

Во Србија се одржаа нови протести против мерките воведени поради епидемијата на коронавирус и против владата на Александар Вучиќ. По...

Македонија3 часа

Гласот за ДУИ е глас за ВМРО-ДПМНЕ, порача Оливер Спасовски од Тетовско

Граѓаните се сигурни со концептот едно општество за сите, гласот за ДУИ е глас за ВМРО-ДПМНЕ и тие се опасност,...

Свет4 часа

СЗО: Итно е потребно понатамошно истражување за пренoс на коронавирусот преку воздухот

Светската здравствена организација (СЗО) објави нови насоки за коронавирусот, кои признаваат некои извештаи за пренесување на вирусот преку воздухот, но...

Македонија5 часа

Италија забрани влез за граѓани од Македонија и уште 12 земји

Италија ги затвори своите граници за 13 земји, вклучително и за Македонија, сметајќи ги за најризични места за ширење на...

Македонија5 часа

Хоспитализирани се 412 заразени лица во земјата

Во моментов низ болниците во земјава, хоспитализирани се 412 лица кои се позитивни на ковид-19. На Инфективната клиника вкупно се...

Македонија5 часа

Мицкоски: Се обврзуваме на минимална плата од 18.000 денари која ќе расте со просечната

Претседателот на ВМРО-ДПМНЕ, Христијан Мицкоски синоќа посочи дека до крајот на мандатот на владата на ВМРО-ДПМНЕ минималната плата ќе стигне...

Македонија16 часа

(Интервју) Најчевска: Уставниот суд носи скандалозни одлуки

За скандалозните одлуки на Уставниот суд, довербата во институциите, за максималното почитување на човековите права, заложбите за истополови бракови, декриминализација...

Македонија17 часа

Заев најави укинување на министрите без ресор и отворање агенции и директорати

Ќе градиме уште поотчетна и потранспарентна влада која ќе работи за народот, за унапредување на правата на сите граѓани, порача...

Македонија19 часа

Бојан Јовановски пријави 40 функционери и бизнисмени: „Ќе ме спречат само ако посегнат по мојот живот“

Осудениот во случајот „Рекет“ Бојан Јовановски преку писмо соопшти дека кривично ќе гони 40-ина функционери и бизнисмени порди злоупотреба на...

Македонија19 часа

Косово бара да се преиспита одлуката за влез во земјава со негативен тест

Косовскиот министер за здравство, Арменд Земај, побара од Македонија да ја преиспита одлуката за задолжителни тестови за влез на косовските...

Македонија21 час

Турски државјани врзале чаршав и преку прозорец избегале од државен карантин во Скопје

Двајца државјани на Турција синоќа избегале од државен карантин во Скопје, со чаршав кој бил врзан како импровизирано јаже. Од...

Топ21 час

Скопјанец ја нападнал со секира својата сопруга додека спиела, а потоа бил пронајден мртов

Шеесет и едногодишен маж од Скопско утрово со секира ја нападнал својата сопруга додека таа спиела во семејниот дом во...

Македонија22 часа

168 новозаразени и тројца починати од Ковид-19

Министерството за здравство информира дека во последните 24 часа се направени 1.470 тестирања, а регистрирани се 168 нови случаи на...

Свет23 часа

Директорот на СЗО предупредува: Се забрзува ширењето на вирусот

Пандемијата на коронавирусот сè уште забрзува, а повеќето земји и натаму не успеваат да ја стават под контрола, предупреди директорот...

Регион23 часа

Србија воведува нови рестрикции поради коронавирусот, најстрого ќе биде во Белград

Во Србија, која веќе два дена е потресена од големи немири, донесени се нови мерки за превенција од коронавирусот. Како...

Регион1 ден

Без гушкање и бакнување, дозволен е само бакнеж на младенците – Хрватска воведува нови правила за свадби

Директорот на хрватскиот Институт за јавно здравје, Крунослав Чапак, истакна дека свадбите нема да бидат забранети и откри кои ќе...

Свет1 ден

(Видео) „Победата дојде“ – во болницата во Бергамо нема пациенти со Ковид-19 во одделот за интензивна нега

Во болницата „Папата Јован“ во Бергамо, Италија, нема повеќе пациенти со коронавирус на одделот за интензивна нега, и тоа 137...

Досие