Американската тајна служба соопшти дека е запознаена со објавата на Илон Маск на социјалните мрежи во која тој рече дека „никој не се ни обидува“ да го убие претседателот Џо Бајден или потпретседателката Камала Харис, јавува Би-би-си.

Маск во меѓувреме ја избриша објавата и рече дека било шега.

Неговата објава на „Икс“, дојде само неколку часа по обидот за атентат врз Доналд Трамп на теренот за голф во Флорида. Трамп вети дека ќе го постави Маск на чело на „комисијата за владина ефикасност“ доколку добие втор мандат.

Голем број корисници на „Икс“ ја критикуваа изјавата на Маск, а некои тврдеа дека објавата претставува поттик против американскиот претседател и потпретседател.

Во соопштението, Белата куќа го осуди објавувањето и го нарече „неодговорна реторика“.

Насилството не треба да се поддржува, охрабрува или да се шегува со тоа“, се вели во соопштението. „Не смее да има место за политичко и какво било друго насилство во нашата земја“, нагласи Белата куќа.

Американската тајна служба изјави за Би-би-си дека знаела за објавата. Тие рекоа дека не коментираат за вакви случаи, а Тајната служба ги истражува сите закани поврзани со заштитени лица.

Well, one lesson I’ve learned is that just because I say something to a group and they laugh doesn’t mean it’s going to be all that hilarious as a post on 𝕏

— Elon Musk (@elonmusk) September 16, 2024

„Лекцијата што ја научив е дека ако им кажам нешто на група луѓе, а тие се смеат, тоа не значи дека шегата ќе биде исто толку смешна кога ќе биде објавена на Икс“, напиша Маск по бришењето на првиот статус.

Turns out that jokes are WAY less funny if people don’t know the context and the delivery is plain text

— Elon Musk (@elonmusk) September 16, 2024

„Излегува дека шегите се многу помалку смешни ако луѓето не го знаат контекстот и ако е напишана“, додаде тој.

Вооружен напаѓач се криел во грмушки речиси 12 часа пред да биде фатен додека целел на Доналд Трамп во голф клуб во Флорида. Тоа беше втор неуспешен обид за атентат врз поранешниот претседател на САД за два месеци.

Беше топло и облачно неделно попладне кога Трамп и неговиот добар пријател, дивелоперот Стив Виткоф, пристигнаа на патеката во Интернационалниот голф клуб Трамп во Вест Палм Бич.

Додека Трамп играл, еден од неговите чувари забележал пушка како излегува од грмушките во близина на шестата дупка. Трамп, кој беше евакуиран неповреден, вчера вечерта изјави дека слушнал „најверојатно четири или пет“ истрели кои одекнале во непосредна близина.

Агент на тајната служба отворил оган во правец на осомничениот, кој бил на околу 300-500 метри оддалеченост и немал јасна гледна точка на Трамп, соопштија федералните истражители.

„Тајната служба веднаш знаеше дека станува збор за куршуми и ме зграпчија“, рече Трамп за време на настанот, кој го пренесуваше во живо на Икс, порано Твитер, од неговото одморалиште Мар-а-Лаго.

Напаѓачот, за кој инспекторите велат дека не испукал ниту еден истрел, бил скриен од грмушки и високи палми кои се наоѓаат по патеката со 27 дупки, пишува Би-би-си. Тој демнеше таму од 01:59 часот по локално време во неделата наутро.

Тој бил опремен со две дигитални фотоапарати, црна најлонска кеса со храна, калашников и објектив.

Жителите велат дека Трамп ја поминува речиси секоја недела во голф клубот Вест Палм Бич кога не е на кампањата. Но, директорот на Тајната служба Роналд Роу рече дека поранешниот претседател „всушност не требало да оди таму“, па агентите морале да состават безбедносен план во последен момент.

Јужна Полска продолжува да се бори со разорните поплави. Ситуацијата е критична во Нисе, во областа Ополе. Поради опасност од пукање на насипот на улицата Виспианскиего, градоначалникот ги повика жителите веднаш да се евакуираат. На интернет се појавуваат фотографии и видеа од акцијата за поправање на насипот. Надлежните ги повикуваат граѓаните да ги следат известувањата и да апелираат на одговорност.

Според локалните служби, во текот на ноќта од понеделник кон вторник, 76 хидрометеоролошки станици, главно во југозападниот дел на Полска, ги надминале алармните нивоа, додека дополнителни 40 ги надминале нивоата на предупредување.

Недолго потоа, се појави информација дека е санирана штетата на реката Ниса Клоџка, на улицата Виспианскиего. „Сега имаме работа со дупка во насипот веднаш до браната на езерото Ниски“, изјави капетанот Дариуш Прига од пожарникарската служба на округот Ниски, додавајќи дека поставуваат вреќи со песок.

Lewin Brzeski, całe miasto do ewakuacji!

Oznacza to przemieszczenie się fali w stronę Odry. To kolejne fatalne informacje dla Wrocławia…

Dramat ludzki… 💔#Powodź pic.twitter.com/buEZ2eF92l

— Mati (@FremdenlegionPL) September 16, 2024

После тоа пристигна информација дека се појавиле нови проблеми.

„Имаме второ пробивање на насипот. Отпрвин беше мал, но сега значително се прошири“; изјави капетанот Дариуш Прига од противпожарната станица Ниса во интервју за РМФ ФМ. Тој исто така додаде дека се уште ја затвораат дупката со помош на воени хеликоптери МИ-17 кои фрлаат големи вреќи со песок на насипот.

Градоначалникот на Нисе во интервју за РМФ ФМ: „Се надеваме дека Нисе ќе се спаси од поплавата. Ова е најважната ноќ во историјата на градот во 21 век“, нагласи градоначалникот на Нисе, Кордијан Колбијарц.

Тој ги пофали жителите на градот за нивната голема посветеност во зајакнувањето на оштетениот насип.

„Пред само неколку минути, на насипот имаше околу 2.000 луѓе – жени, мажи, деца, постари луѓе“, рече тој.

„Огромна посветеност, голема љубов кон градот. Сите сакаме градот да опстане“, додаде.