Свет

По 51 година дешифрирана порака на познат сериски убиец

Објавено пред

1 месец

- 12 декември, 2020

Од

Кодот од 340 карактери е „разбиен“ 51 година откако таканаречениот Зодијак убиец, наводно, го испратил до Сан Франциско кроникл, потврди ФБИ. Убиецот, кој никогаш не беше фатен, убил пет лица со нож и огнено оружје во областа на заливот Сан Франциско кон крајот на 1960-тите, потсетува Би Би Си.

„ Се надевам дека се забавувате обидувајќи се да ме фатите. Не се плашам од гасна комора, бидејќи тие ќе ме испратат во рајот пред тоа, затоа што сега имам доволно робови за да работат за мене”, се вели во пораката, која беше една од неколкуте испратени до весникот за време на убиствата.

Во видеото што го објави на Јутјуб, дизајнерот од Вирџинија, Дејвид Оранчак вели дека го разбил кодот заедно со австралискиот математичар Сем Блејк и Белгиецот Јарл ван Ејк, управител на магацин и софтверски инженер за разбивање кодови. Тимот, кој користеше човечка генијалност и софтвер за да ја дешифрира пораката, ги посвети своите напори на жртвите и роднините на убиените.

Според „Сан Франциско кроникл“, ова не е прва кодирана порака која му се припишува на убиецот. Треба да се декодираат уште две, од кои едната може да го содржи името на убиецот.

Серијата убиства започнаа во декември 1968 година, кога маж и жена беа убиени во нивниот автомобил. Во јули 1969 година, друг маж и жена биле ранети, таа им подлегнала на повредите, а тој преживеал. Подоцна истата година, еден пар беше прободен со нож покрај езеро – и човекот преживеа. Во октомври 1969 година, еден таксист беше убиен во Сан Франциско. Убиецот, кој никогаш не бил обвинет или идентификуван, во писмо до весникот тврди дека убил 37 лица, но истражителите работеле врз основа на вкупно седум жртви, од кои петмина биле убиени.

Убиствата инспирираа два филма – Зодијак, со Роберт Дауни Jуниор, и Валканиот Хари во 1971 година, со Клинт Иствуд во улога на детектив во Сан Франциско.

©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Поврзани Артикли:

Следно

Нов лек против Ковид-19 од Германија, ќе се чека за одобрување цела година

Претходно

(Видео) Протести и апсења во Париз – полицијата употреби водени топови

Свет

Повеќе од 100 припадници на Националната гарда кои беа на инаугурацијата заболени со Ковид-19

Објавено пред

38 минути

- 23 јануари, 2021

Од

Макфакс

Помеѓу 100 и 200 членови на Националната гарда кои ја обезбедуваа инаугурацијата на претседателот на САД, Џо Бајден, се позитивни на коронавирус, изјави американски официјален претставник.

Службеникот, кој се согласи да зборува под услов да остане анонимен, рече дека бројот на заболени може да биде многу поголем, бидејќи тој ден во градот имало 25.000 припадници на безбедносните сили, пренесува „Ројтерс“.

Тој спомена дека, сепак, има мал број на заболени, имајќи предвид колку војници имало тој ден на настанот.

Инаугурацијата се одржа во средата, на 20 јануари.

Прикажи повеќе...

Регион

Црна Гора најави дека во земјата ќе пристигнат три различни вакцини

Објавено пред

1 час

- 23 јануари, 2021

Од

Макфакс

Граѓаните на Црна Гора ќе имаат можност да бираат помеѓу вакцините на „Фајзер / Бионтек“, кинеската „Синофарм“ и руската вакцина „Спутник В“, потврди министерката за здравство на Црна Гора, Јелена Боровиниќ Бојовиќ.

Таа кажа дека Владата договорила или е во завршна фаза од договорот за набавка на 250.000 дози вакцини против коронавирус за првиот квартал на оваа година, а првите дози се очекува да пристигнат на почетокот на февруари.

„Прво ќе бидат вакцинирани штитениците во домовите за стари лица и персоналот што работи со нив. После тоа, ќе започне вакцинацијата на лица постари од 80, 75, 70 години, приближувајќи се на 65-годишна возраст, и секако на здравствените работници кои се на првата линија во борбата со вирусот“, рече Боровиниќ Бојовиќ.

Прикажи повеќе...

Свет

Бил Гејтс прими вакцина против коронавирус, но не откри која

Објавено пред

2 часа

- 23 јануари, 2021

Од

Макфакс

Основачот на „Мајкрософт“, милијардер и филантроп Бил Гејтс објави на „Твитер“ дека оваа недела ја примил првата доза на вакцината против коронавирус, но не откри која.

Гејтс рече дека се чувствува одлично и им се заблагодари на сите научници, учесници во истражувањето, регулатори и медицински професионалци „кои нѐ доведоа до оваа точка“.

One of the benefits of being 65 is that I’m eligible for the COVID-19 vaccine. I got my first dose this week, and I feel great. Thank you to all of the scientists, trial participants, regulators, and frontline healthcare workers who got us to this point. pic.twitter.com/67SIfrG1Yd
— Bill Gates (@BillGates) January 22, 2021

„Една од предностите да се има 65 години е тоа што ги исполнувам условите за вакцина против Ковид-19“, напиша Гејтс за фотографијата од вакцинацијата. Гејтс, сепак, не откри која вакцина ја примил.

Прикажи повеќе...