Контакт

Свет

Првата британска градоначалничка со хиџаб се повлече од Лабуристичката партија поради исламофобија

Објавено пред

Првата жена со хиџаб во Велика Британија избрана за градоначалник се повлече од левичарската Лабуристичка партија обвинувајќи дека во редовите на партијата има вградени исламофобични и расистички елементи, пренесува „Гардијан“.

Рахија Исмаил, бегалка родена во Сомалија, која дошла во Обединетото Кралство во 80-тите години на минатиот век, се повлече од својата улога на градоначалник на лондонскиот округ Ајлингтон минатиот месец. Поранешната градоначалничка сега објави дека целосно ја напушта Лабуристичката партија велејќи дека доживеала исламофобија и дека се чувствува маргинализирана како обоена жена од своите машки колеги.

„Длабоко сум тажна што партијата за која мислев дека е за правда и правичност и за мнозинството е сосем спротивно на тоа, од моето лично искуство. Затоа, тешко ми е да го застапувам Холовеј Вард како советник на лабуристите бидејќи се борев со партиски систем што едноставно им овозможува на белите луѓе да имаат што сакаат и кога сакаат “, изјави Исмаил.

Во еден пример на забележан расизам поранешната градоначалничка на Ајлингтон рече дека добила покана за првата национална конференција на жените лабуристи во февруари 2019 година, во која стоел зборот „Сомалија“ под нејзиното обраќање.

„Каква врска има моето родно место со оваа покана? Бев шокирана“, рече таа.

Таа исто така ја цитира одлуката на Лабуристичката партија да не одржи настан со кој се слави исламскиот празник Еид во 2019 година како пример за исламофобија во партијата. Локалниот совет на Ајлингтон тврди дека закажаниот настан бил откажан поради неможноста да се добие осигурување од јавна одговорност и поради други проблеми во организацијата.

Исмаил тврди дека колега од Лабуристичката партија ја прозвал затоа што зборувала пред медиумите за нападите со нож во нејзината област и дека на групниот состанок ѝ било речено да молчи за овој проблем за да не го наруши угледот на советот.

Како одговор на обвинувањата, портпаролот на Лабуристичката партија рече: „Одлуката на Исмаил да поднесе оставка е разочарувачка, особено што се случи набргу по нејзиното назначување за градоначалник на Ајлингтон откако восхитувачки ѝ служеше на околијата во неверојатно предизвикувачко време“.

„Лабуристите во Ајлингтон имаат разнолика и талентирана група советници, кои ѝ служат на својата заедница. Лабуристичката партија ги прифаќа исклучително сериозно сите наводи за дискриминација, кои се целосно испитани во согласност со нашите правила и процедури“.

Освен обвинувањата за исламофобија, Лабуристичката партија долго време беше опфатена со скандали во врска со антисемитизмот, особено за време на мандатот на поранешниот лидер на лабуристите, Џереми Корбин.

Во јули партијата се согласи да исплати значителна отштета на седум дојавувачи за клевета за време на борбата против антисемитизмот. Обелоденет интерен извештај во април покажа дека лабуристите во своите редови имаат мал број членови што имаат ставови што се несомнено непријателски кон еврејскиот народ.

Свет

Делегациите на САД и Израел слетаа во Бахреин за официјализирање на историскиот договор за мир

Објавено пред

Слетувајќи во Бахреин доцна синоќа за официјализирање на новопотпишаниот договор за нормализација на односите со Израел со посредство на САД, шефот на израелската делегација на арапски јазик рече дека Израел „ги подава рацете за вистински мир со народот на Бахреин“, пренесува „Тајмс оф Израел“.

„Заедно ќе ја промениме реалноста во регионот во корист на нашите нации. Дај Боже, наскоро ќе ве примиме во Израел“, рече израелскиот советник за национална безбедност, Меир Бен-Шабат.

Тој потоа на хебрејски цитира пасус од Стариот завет, од Битието: „Нека биде светлина! И настана светлина. И Бог виде дека светлината е нешто добро. Да донесеме светлина и да рашириме доброто.“

Заедничката американско-израелска делегација пристигна во малото царство во Заливот со првиот директен патнички лет од Израел. На чело на американската делегација се секретарот за финансии, Стивен Мнучин, и специјалниот пратеник на Белата куќа за израелско-палестинскиот конфликт, Ави Берковиц.

Министерот за надворешни работи на Бахреин, Абдулатиф бин Рашид Ал-Зајани, кој ги поздрави делегациите на пистата, рече дека поводот ја надградува историската пригода во Белата куќа минатиот месец, преземајќи ги следните чекори за спроведување на декларацијата за поддршка на мирот и Аврамските договори.

„ Денеска ги ставаме темелите преку кои можеме да ја постигнеме оваа цел, воспоставувајќи практична рамка за унапредување на нашата билатерална соработка и на постојаното партнерство што го уживаат нашите земји со САД“, рече првиот дипломат на Бахреин.

„Се надевам дека оваа посета претставува уште еден чекор напред на патот кон вистински мирен, безбеден, стабилен и просперитетен Блиски Исток, оној во кој сите држави, раси и вери ги решаваат разликите преку дијалог и развиваат нова реалност за соживот и просперитет за нашите деца.“

Двете земји треба да потпишат заедничко коминике за кое израелските медиуми објавија дека ќе вклучува околу осум меморандуми за разбирање на различни теми, вклучувајќи правда, комуникации, визи, наука и технологија, трговија, енергија и земјоделство.

Договорот за нормализација на Бахреин, заедно со сличен договор со ОАЕ, го сочинуваат Аврамскиот договор потпишан минатиот месец во Белата куќа.

Договорот со ОАЕ помина со огромно мнозинство на гласањето во Кнесет во четвртокот, освен 13 пратеници – сите од партијата Арапска заедничка листа – кои гласаа против бидејќи договорот, наводно, го поткопува мировниот процес со Палестинците. Според стратешкиот советник на премиерот Бенјамин Нетанјаху, Арон Клајн, арапските парламентарци застанале на страната на Иран, Хезболах, Хамас и Турција во гласањето против договорот.

Клајн рече дека сè повеќе арапски и муслимански земји конечно разбираат дека е време да му се приклучат на мирот и да дејствуваат во свој интерес.

„Договорите претставуваат мир низ сила, мир низ заеднички интереси и мир за мир. Палестинското раководство, сепак, е заглавено во отфрлање со децении “, рече Клајн.

По мировниот договор од Осло од 1993 година, Палестинците упатуваа екстремни барања, вклучително и повик Израел да ги исели еврејските заедници на Западниот Брег и да го предаде Ридот на храмовите – најсветото место на јудаизмот – под контрола на Палестинците. Клајн истакна дека раководството, а не самите Палестинци, е главниот проблем.

„Многу Палестинци би сакале мир со Израел со оглед на тоа каде се движи регионот и со оглед на огромната економска корист што би ја имал. Тоа ќе ѝ помогне на нивната економија и ќе донесе огромен број работни места на палестинската арена “, рече тој.

„Историски гледано, Палестинците беа навистина наградени за нивните неконтролирани позиции. Израел беше туркан во сè повеќе отстапки. Палестинците треба да разберат дека ќе останат назад ако продолжат по патот на отпорот “, рече Клајн.

Прикажи повеќе...

Свет

Палестинскиот дипломат Саеб Ерекат во критична состојба поради коронавирусот

Објавено пред

Долгогодишниот главен палестински преговарач Саеб Ерекат (65) е во критична состојба и утринава е ставен во медицинска кома, информираше израелската болница во Ерусалим во која палестинскиот дипломат се лекува од компликации со коронавирусот, пренесува РТ.

Организацијата за ослободување на Палестина (ПЛО) во неделата соопшти дека Ерекат е примен во Одделот за интензивна нега за болни од Ковид-19 во болницата „Хадасах Еин Керем“ поради хронични здравствени проблеми со респираторниот систем.

Болницата вчера соопшти дека Ерекат бил примен во сериозна состојба и веднаш ставен на кислородна поддршка, додавајќи дека неговата состојба е сериозна, но стабилна.

Утринава од болницата информираа дека, по мирната ноќ, неговата состојба се влошила и сега е дефинирана како критична и поради респираторен дистрес тој е под анестезија и ставен на механичка вентилација.

Ерекат, кој живее во библискиот град Ерихон, бил подложен на операција за трансплантација на бели дробови во САД во 2017 година.

„Г-дин Ерекат е предизвик да се лекува од коронавирус бидејќи имаше трансплантација на белите дробови, тој е со исклучително намален имунитет и покрај коронавирусот има уште една бактериска инфекција“, изјавија од болницата.

Од болницата рекоа дека се во контакт со меѓународните медицински власти во врска со политиката на лекување на овој комплексен пациент.

Ерекат, кој е роден во Ерусалим, е генерален секретар на ПЛО и е во тесниот круг на палестинскиот претседател Махмуд Абас.

Тој со децении е клучна фигура во палестинската политика, честопати служејќи како главен соговорник на странските амбасадори и меѓународните медиуми. Тој постојано искажуваше поддршка за решение на две држави за израелско-палестинскиот конфликт.

На Западниот брег има потврдени 42.490 случаи на Ковид-19 и 381 смртни случаи.

Прикажи повеќе...

Свет

Трамп: Бајден е најлошиот претседателски кандидат во историјата

Објавено пред

Актуелниот американски претседател Доналд Трамп на митингот во Висконсин го опиша својот демократски претседателски ривал, Џо Бајден, како најлошиот кандидат во историјата.

„Ако изгубам, што да правам? Повеќе би сакал да се кандидирал против некој што е исклучително талентиран, барем на овој начин можам да го водам својот живот“, им рече Трамп на своите приврзаници во Висконсин.

Трамп повторно инсистираше на тоа дека е имун на Ковид-19, велејќи дека брзо закрепнал и дека сега може да скокне во публика и да ги бакне сите, и жените и мажите.

„Но, нема да изгубиме, ќе победиме со повеќе гласови“, додаде Трамп.

Бајден и Трамп, наместо на вообичаена дебата, своите мислењата ги спротивставија одговарајќи на прашања на граѓаните во телевизиски пренос на ТВ-станици.

Прикажи повеќе...

Најново

Топ31 минута

Кумот на Груевски во притвор поради плацовите на Водно

Кривичниот суд во Скопје му изрече 30 дена притвор на Ристо Новачевски, кој се товари за сторено кривично дело перење...

Македонија35 минути

Филипче: Ситуацијата е навистина сериозна, следен чекор би бил полициски час

Министерот за здравство, Венко Филипче, соопшти дека утре до Владата ќе биде предложен дополнителниот сет мерки за превенција од коронавирусот....

Свет57 минути

Европската агенција за лекови ќе ги разгледа резултатите од студијата на СЗО за лекот ремдесивир

Европската агенција за лекови (ЕМА) ќе ги разгледа резултатите од студијата на Светската здравствена организација (СЗО) за антивирусниот ремдесивир, што...

Македонија58 минути

(Видео) Пендаровски: Научните аргументи и вистината за јазикот се на наша страна и од нив никој разумен не може да се откаже

Претседателот Стево Пендаровски денеска се обрати на отворањето на манифестацијата Отворени денови на Институтот за македонски јазик „Крсте Мисирков“. Овогодишниот...

Топ1 час

Инспекторите растурија свадба во Глумово со 250 гости, следи кривична пријава

Инспекторите откриле уште еден случај на масовно непочитување на мерките против коронавирус во околината на Скопје. Синоќа во периодот од...

Македонија1 час

Од отворањето на градинките, од корoнавирус заболеле 18 деца и 55 вработени

Од отворањето на градинките на 9 септември досега од коронавирус заболеле 18 деца и 55 вработени, информира министерката за труд...

Македонија3 часа

Приведен кумот на поранешниот премиер Никола Груевски, за плацевите на Водно

По наредба на Обвинителството за организиран криминал и корупција, полицијата утрово го приведе Ристо Новачевски, кум на Никола Груевски, а...

Свет5 часа

(Видео) Запалени две цркви на протестите во Чиле

Најмалку две цркви се запалени во главниот град на Чиле, а илјадници луѓе се собраа на улиците на првата годишнина...

Европа5 часа

(Видео) „Фајзер“ произведе стотици илјади дози вакцина против Ковид-19

Фармацевтската компанија „Фајзер“ објави видео кое покажува дека веќе има произведено стотици илјади дози вакцина против коронавирус во својата белгиска...

Свет6 часа

Научниците предупредуваат: Заразата со коронавирус на отворено не е невозможна, но е ретка

И покрај тоа што речиси целиот документиран пренос на коронавирус се случил во затворен простор, експертите велат дека е оправдано...

Свет6 часа

Европа ги надмина сите рекорди – многу земји воведуваат построги мерки

Европа, соочена со вториот бран на пандемијата, го премина прагот на 250.000 смртни случаи од коронавирус. За една недела се...

Свет6 часа

(Видео) Се качил на кулата на Трамп во Чикаго и барал да разговара со претседателот

Неидентификуван маж се качил на кулата на Трамп во Чикаго, барајќи да разговара со претседателот на САД и медиумите. Мажот,...

Македонија7 часа

Ковид-19 го прележале над 17 илјади лица во земјава

Од Ковид-19 досега оздравеле 17.239 лица во земјава, покажуваат податоците на Министерството за здравство. Вкупната бројка на ковид-дијагностицирани во земјава...

Регион7 часа

Полициски час во неколку црногорски градови

Здравствените власти во Црна Гора одлучија да воведат ограничувачки мерки во пет града во црвената зона според бројот на лица...

Европа19 часа

(Видео) Илјадници Французи излегоа на улиците поради убиството на наставникот

Илјадници луѓе излегоа на улиците на Франција во знак на поддршка на наставниците и со цел да ја одбранат слободата...

Европа19 часа

Стотици демонстранти ја нападнаа полицијата во Прага

Чешката полиција употреби солзавец и водени топови за да растера стотици демонстранти во Прага кои ги нападнаа полицајците по протестот....

Регион20 часа

Црногорските медиуми за Амфилохие: Привилегиран e, го лечат со „ремдесивир“

Митрополитот Амфилохие, кој се зарази со коронавирусот, доби лек „ремдесивир“, кој, според порталот ЦдМ, е недостапен за другите пациенти во...

Свет21 час

Бројот на заболени во светот надмина 40 милиони

Бројот на заразни лица со Ковид-19 во светот надмина 40 милиони, поточно 40.014.845, според податоците на веб-страницата Worldometer. Бројот на...

Македонија22 часа

Аеродром, Центар и Карпош се општини со најголем број заболени од Ковид-19

Аеродром, Центар и Карпош се скопски општини со најголем број на заболени од Ковид-19. Според најновите податоци од Министерствоот за...

Македонија23 часа

Починаа 10 лица со Ковид-19, 428 новозаразени

Министерството за здравство информира дека во последните 24 часа се направени 1.853 тестирања, а регистрирани се 428 нови случаи на...

Досие