Европа
Предупредување од германските безбедносни служби: Неонацисти одат во Украина

Германските безбедносни служби предупредуваат дека повеќе германски неонацисти тргнале кон Украина за да се приклучат во борбата на украинските власти.
Според германските медиуми, станува збор за десетици луѓе од десничарското радикално опкружување, кои веќе се на борбените линии или имаат намера да патуваат таму. Дванаесет неонацисти од Германија веќе се вратиле од Украина, тврди веб-страницата „Цајт“.
Неименуван извор од германското МВР во Берлин посочува дека во борбите се вклучени мал број десничарски екстремисти, а останатите сакаат да се пријават директно на местото на настанот, односно наводно да пружат помош.
„Безбедносните сили имаат голем интерес да ги спречат екстремистите да ја напуштат земјата“, подвлече портпаролот на министерството, додавајќи дека неколку лица, кои биле следени од службите, биле спречени да заминат за Украина.
Медиумите потсетуваат дека ваквиот развој на настаните е многу незгоден, имајќи го предвид фактот дека Кремљ војната ја оправдува со „денацификација“ на Украина.
Се потсетува и дека во 2013/2014 година, кога се случи соборувањето на прорускиот претседател на Украина, Виктор Јануковиќ, биле основани неколку десничарски групи, кои потоа, наводно, биле распуштени.
Некои десничари, додаваат медиумите, морале да одговараат за воени злосторства во источна Украина, но украинската армија во војната против Русија се потпира и на баталјонот „Азов“, кој се смета за ултранационалистички и неонацистички.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Европа
ЕУ издвојува една милијарда евра во 2022 година за зајакнување на сопствениот одбранбен фонд

Европската комисија денеска ја усвои годишната програма за работа на Европскиот одбранбен фонд, со која се предвидуваат 924 милиони евра за инвестиции и одбранбени капацитети на ЕУ за 2022 година.
Истовремено, планирани се дополнителни средства за одбранбени иновации од две милијарди евра со цел ЕУ да стане центар на иновации во одбранбениот сектор.
Денеска, решивме да мобилизираме една милијарда евра од буџетот на ЕУ за развој на заеднички одбранбени проекти, особено во вселената, сајбер-просторот и другите области со висока технологија.
Во нашиот нов безбедносен контекст тие инвестиции ќе придонесат за затворање на европскиот одбранбен јаз, велат претставниците на Европската комисија, пренесе „Танјуг“.
Европа
Русија ја укинува горната старосна граница за воен рок

Руската државна Дума денеска усвои предлог-закон за укинување на горната старосна граница за склучување на првиот договор за воена служба.
Во образложението се наведува дека законот сега предвидува првиот договор за воена служба да може да го склучат државјани на возраст од 18 до 40 години и странски државјани на возраст од 18 до 30 години, пренесува „РИА новости“.
Руската државна Дума денеска го усвои предлог-законот за укинување на горната старосна граница за отслужување воен рок, што на 20 мај го поднесоа пратениците на Единствена Русија, Андреј Картаполов и Андреј Красков.
Европа
Во Финска регистриран прв случај на мајмунска сипаница

Финска, најверојатно, го регистрирала првиот случај на мајмунска сипаница, соопшти денеска болницата во Хелсинки.
Светската здравствена организација во вторникот соопшти дека 131 инфекција со вирусот на мајмунска сипаница и 106 други сомнителни пациенти се потврдени по првиот откриен случај надвор од земјите, каде што инфекцијата традиционално се шири од 7 мај, пред сè, во Западна и Централна Африка, објави „Ројтерс“.
Потврдени се 131 инфекција со вирусот на мајмунска сипаница и 106 други сомнителни пациенти.