Свет

Претседателот на Киргистан против промена на статусот на рускиот јазик

Објавено пред

2 недели

- 19 февруари, 2021

Од

Претседателот на Киргистан, Садир Јапаров, се противи на идејата за промена на статусот на рускиот јазик, рече тој во својот напис „Сојузничките односи“, објавен во владиниот весник „Слово Киргистана“.

„Рускиот јазик не е само официјален, туку е и јазик на меѓуетничката комуникација во земјата. Тој е добро заштитен на законодавно ниво и неговиот статус е потврден во нашиот Устав. Како претседател и гарант за човековите и граѓанските права, јас сум против какви било обиди за политички манипулации со ова прашање “, рече Јапаров.

Во Киргистан рускиот јазик има официјален статус, а киргистанскиот е државен јазик.

©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Поврзани Артикли:

Следно

ОН: 1,3 милион луѓе се раселени во Сомалија во 2020 година

Претходно

НАТО ќе испрати уште 3.500 војници во Ирак

Европа

Џонсон: Го осудивме убиството на Кашоги, повикуваме на истрага

Објавено пред

1 минута

- 3 март, 2021

Од

Макфакс

Велика Британија го осуди убиството на саудискиот новинар Џамал Кашоги и продолжува да бара целосна истрага за неговата смрт, изјави британскиот премиер Борис Џонсон.

Тој зборуваше на прес-конференција во Лондон, на која беше запрашан дали Велика Британија ќе ја прекине продажбата на оружје на Саудиска Арабија поради конфликтот и хуманитарната криза во Јемен, каде што саудиската коалиција се бори против јеменските бунтовници на страната на меѓународно признатата влада.

Џонсон истакна дека Велика Британија го почитува долгогодишниот пакет правила и конвенции за продажба на оружје.

Прикажи повеќе...

Регион

Во Србија повторно повеќе од 4.000 новозаразени со коронавирус, 16 починати

Објавено пред

20 минути

- 3 март, 2021

Од

Макфакс

Според последните податоци, коронавирусот е потврден кај 4.056 граѓани на Србија, а биле тестирани 16.175 примероци. Уште 16 лица починале како резултат на заразата.

Во моментов има 161 пациент на апарати за дишење.

Вкупниот број на смртни случаи е 4.491. Стапката на смртност е 0,96 проценти.

Од ден на ден расте бројот на хоспитализирани пациенти заболени од ковид. Во изминатите неколку дена, најмногу новозаболени има во Белград, Нови Сад, Ниш, Крагуевац, Кралево и Врање.

Прикажи повеќе...

Европа

Словачка воведува полициски час

Објавено пред

23 минути

- 3 март, 2021

Од

Макфакс

Словачка од вечерва ќе воведе полициски час, изјави министерот за здравство Марек Крајчи.

Според владината одлука, на Словаците нема да им биде дозволено да ја напуштат куќата од 20 часот до 5 часот наутро.

На луѓето им се препорачува да останат дома, исклучок е доколку треба да одат на лекар, на работа или на прошетка за рекреација или со кучиња. Полицискиот час ќе биде задолжителен до 19 март и може да биде продолжен, известуваат од владата на Словачка.

Земјата со 5,4 милиони жители во последните две недели има пријавено просечно 24 смртни случаи на 100.000 жители, јавуваат светските агенции.

„Високата стапка на смртност се должи на многу фактори, Словачка направи голем број грешки “, рече претседателот на медицинскиот синдикат Питер Висолајски.

„Карантинот беше воведен предоцна и не беше доволно набљудуван. Покрај тоа, стапката на смртност е последица на општо лошата здравствена состојба во Словачка”, рече Висолајски.

Според него, наместо да се воведуваат нови ограничувања, подобро е да се применат постојните за да се намали бројот на заразени лица.

Прикажи повеќе...