Контакт

Свет

Проекции: Социјалдемократите со мало водство пред конзервативците на изборите во Германија

Објавено пред

Според проекциите на две германски телевизии, Социјалдемократската партија на Германија (СПД) на денешните парламентарни избори освои околу еден процент повеќе гласови од конзервативната коалиција.

Според проекцијата на АРД, врз основа на резултатите од излезната анкета и првичното пребројување на гласовите, СПД доби 25,5 проценти од гласовите, а конзервативната коалиција на Христијанско -демократската унија (ЦДУ) и Христијанско -социјалната унија (ЦСУ ) 24,5 проценти.

Телевизиската проекција на ЗДФ покажува дека СПД, чиј кандидат за канцелар е Олаф Шолц, освои 25,7 проценти, а Демохристијаните, предводени од Армин Лашет, освоија 24,6 проценти од гласовите.

И двете проекции предвидуваат дека Зелените преводени од Аналена Бербок се на третото место, со околу 14 проценти од гласовите.

Според проекциите, Бундестагот ја вклучува и либералната Слободна демократска партија (ФДП) со околу 12 проценти од гласовите, екстремно десничарската Алтернатива за Германија (АфД) со која никој не сака да соработува со околу 11 проценти , и Левица, која е на крајно левичарски позиции, со околу пет проценти.

На претходните избори, одржани во 2017 година, ЦДУ имаше 32,9 проценти од гласовите, СПД 20,5 проценти, Зелените 8,9 проценти, ФДП 10,7 проценти, АфД 12,6 проценти и Левицата 9,2 проценти.

Тесниот резултат на денешните избори сугерира дека претстојат долги преговори за нова влада и оти е неизвесно кој ќе ја наследи канцеларката Ангела Меркел, која се пензионира по 16 години на чело на владата.

Доколку излезните анкети се покажат како точни, резултатот на ЦДУ ќе биде негов најлош во повоената историја на Германија.

Процесот за формирање нова коалиција може да трае со месеци, а Меркел ќе остане на чело на техничката влада, таканаречената голема црно-црвена коалиција, која ги вклучува и ЦДУ-ЦСУ и СПД.

Партијата што освои најмногу гласови на изборите нема загарантирано канцелариско место.

СПД може да ја формира таканаречена „семафор коалиција“ со Зелените и ФДП. Додека Зелените традиционално се вртат кон социјалдемократите, главната пречка за таа црвено-зелено-жолта коалиција е тоа што либералите претпочитаат да дојдат на власт со идеолошки поблиските демохристијани.

Најголемата шанса на Лашет да ја добие функцијата канцелар би била коалицијата ЦДУ-ЦСУ со Зелените и либералите. За оваа „јамајканска коалиција“, таканаречена поради црно-зелено-жолтата партиска боја, најголемата пречка е јазот меѓу демохристијаните и Зелените во буџетската и финансиската политика.

По објавувањето на резултатите врз основа на излезните анкети, и демохристијаните и социјалдемократите изразија надеж дека ќе формираат владејачка коалиција и дека нивниот кандидат ќе ја наследи Меркел.

Конзервативниот лидер Лашет рече дека неговата коалиција ќе стори сé за да формира нова влада, иако, како што рече, „тие не можат да бидат задоволни со резултатите“ врз основа на излезните анкети.

Тој изјави дека таквиот исход на изборите „претставува голем предизвик за Германија, ЦДУ и сите демократски партии“.

Социјалдемократската партија на Германија објави дека смета дека и е даден мандат за формирање владејачка коалиција и дека нејзиниот кандидат Олаф Шолц треба да стане канцелар.

Шолц го оцени резултатот од СПД како „голем успех“, наведувајќи дека многу гласачи гласале за таа партија затоа што сакаат промена на власта.

„Сега ќе ги чекаме конечните резултати, но потоа ќе се фатиме за работа“, порача Шолц.



©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет

Кина лансираше напредна ракета во вселената – САД се загрижени и изненадени

Објавено пред

Американските разузнавачки и воени претставници се запрепастени откако Кина тајно лансираше хиперсонична нуклеарна ракета.

Ракетата кружеше во орбитата пред да забрза до целта.

Хиперсоничната нуклеарна ракета кога беше лансирана во август ја промаши својата цел за околу две десетици километри, пренесува „The Sun“. Инаку, тие патуваат пет пати побрзо од брзината на звукот и можат да достигнат растојанија до 2.500 километри.

Државните лидери на САД се загрижени за огромниот напредок на Кина во развојот на хиперсоничното оружје, велејќи дека „не знаат како го направиле тоа“, а кинескиот експерт за политика за нуклеарно оружје, Тејлор Фравел рече дека таков проектил вооружен со нуклеарна боева глава може да и помогне на Кина да негира Американски ракетни одбранбени системи.

„Хиперсоничните ракети летаат по пониски траектории и можат да маневрираат во лет, што ги прави тешки за следење и уништување“, објасни тој. Иако Пентагон официјално не ги коментираше извештаите, тие рекоа дека таквиот напредок во однос на хиперсоничното оружје е „една од причините зошто тие сметаат дека Кина е нивниот најголем предизвик во одржувањето на темпото“.

Портпаролот на кинеската амбасада, Ли Пенгиу, рече дека кинеското воено раководство воопшто не било фокусирано на одредена земја, и дека тие секогаш воделе политика „одбранбена по природа“.

„Немаме глобална стратегија и планови за воени операции како САД. И воопшто не не интересира трка за вооружување со други земји“ додаде тој.

Веста дојде во време кога Кина наводно ја ставила својата војска во состојба на готовност, бидејќи државните медиуми го предупредиле Тајван за можноста за инвазија. Во една статија во „Глобал тајмс“, изворот го предупреди Тајван за „судниот ден“ и се стравува дека Пекинг и Тајпеј би можеле да завршат во конфликт што има потенцијал за Трета светска војна.

Прикажи повеќе...

Свет

Папата Франциск ги осуди нападите во Норвешка, Авганистан и Британија

Објавено пред

Папата Францис денеска ги осуди неодамнешните напади извршени во Норвешка, Авганистан и Британија.

„ Минатата недела беа извршени разни напади, на пример, во Норвешка, Авганистан и Англија, во кои многу луѓе загинаа и беа ранети“, рече папата за време на своето неделно обраќање на плоштадот Свети Петар, пренесе „Ројтерс“.

„ Ја изразувам својата блискост со семејствата на жртвите и се молам, да го напуштам патот на насилство, кој е секогаш загуба, пораз за секого. Се сеќаваме дека насилството раѓа насилство”, рече тој.

Најмалку 41 лице загина, а 70 беа повредени во петокот во самоубиствен напад во џамија во Кандахар, Авганистан. Одговорноста за нападот ја презеде Исламска држава.

Во Норвешка, еден човек уби пет луѓе со лак и стрела и друго оружје за време на получасовното дивјаштво.

Дејвид Ејмс (69), пратеник од Британската конзервативна партија, беше избоден до смрт во петокот за време на состанокот со гласачите, во методистичката црква во Ли-он-Си, град лоциран на околу 62 километри источно од Лондон.

Британец со сомалиско потекло беше уапсен под сомнение за убиството.

Полицијата убиството на британскиот пратеник го опиша како терористички напад.

Прикажи повеќе...

Свет

Почна трката по молнупиравир – осум земји веќе потпишале договор за купување на лекот

Објавено пред

Азиските земји побрзаа да го нарачаат најновиот потенцијален лек против Ковид-19, кој е во форма на таблети, иако се уште не е одобрен за употреба.

Според аналитичката компанија „Ерфинити“, најмалку осум земји од азиско-пацифичкиот регион, вклучувајќи ги Нов Зеланд, Австралија и Јужна Кореја, веќе имаат потпишано договори или се во преговори за купување на лек произведен од американската компанија „Мерк“.

Европската унија, исто така, го разгледува овој лек.

„Мерк“ побара одобрување за итна употреба од Американската администрација за храна и лекови (ФДА). Доколку се одобри, оваа пилула ќе стане првиот орален антивирусен лек против ковид.

Кога на пациентот ќе му се дијагностицира инфекцијата, тој може да започне со терапија со овој лек и да земе четири капсули од 200 милиграми (вкупно 40 таблети) двапати дневно, пет дена, објави Си-ен-ен.

„ За разлика од вакцините, кои предизвикуваат имунолошки одговор, молнупиравирот го попречува размножувањето на вирусот“, рече Санјаја Сенанајаке, специјалист за заразни болести на Австралискиот национален универзитет.

Прелиминарните резултати од третата фаза на клинички испитувања на повеќе од 700 невакцинирани пациенти покажаа дека пилулата може да го намалат ризикот од хоспитализација или смрт за приближно 50%, во споредба со пациентите кои земале плацебо.

Учесниците добиле таблета или плацебо за време на студијата во рок од пет дена од почетокот на симптомите на инфекција, и никој од оние кои примале молнупиравир не умрел во рок од 29 дена, за разлика од осум од оние субјекти кои примиле плацебо.

За да биде одобрена, вакцината или лекот мора да поминат низ три фази на клинички испитувања.

Засега не е познато колку азиските земји ќе платат за купување на овој лек. САД се согласиле да платат 1,2 милијарди долари за 17 милиони третмани, доколку лекот е одобрен, што значи дека во тој случај САД ќе платат околу 700 долари по третман.

Аналитичарите утврдија дека производството на третман со молунипир, врз основа на пресметката на цената на суровините, треба да чини околу 18 долари.

„Мерк“ не потврди дали проценките на аналитичарите се точни, но во изјава за Си-Ен-Ен соопшти дека тие пресметки не ги земаат предвид трошоците за истражување и развој.

Прикажи повеќе...

Најново

Македонија16 минути

СДСМ очекува победа во Крушево, Ресен и Струмица

СДСМ и коалицијата „Најдоброто за мојата општина“ брифираат дека на локалните избори предност пред ВМРО-ДПМНЕ имаат во Валандово, Дојран, Крива...

Македонија36 минути

ВМРО-ДПМНЕ објави за водство во пет скопски општини и победи на неколку места

Аналитичкиот штаб на ВМРО-ДПМНЕ најави победа во поголемите скопски општини и неколку големи градови. Оттаму брифираат дека според првичните информации,...

Македонија60 минути

Мицкоски: Победа и голема одговорност

Претседателот на ВМРО-ДПМНЕ, Христијан Мицкоски, по завршување на изборниот ден, посочи дека победиле а со тоа доаѓа и одговорноста. Тој...

Македонија1 час

Николовски: СДСМ и коалицијата ќе забележат уште една сигурна победа

Љупчо Николовски, генерален секретар и шеф на централниот изборен штаб на СДСМ изјави дека во нивниот аналитички компјутерски центар веќе...

Македонија1 час

Спасовски: Изборниот ден помина со незначителен број на неправилности

Изборниот ден помина со незначителен број на неправилности, истакна министерот за внатрешни работи, Оливер Спасовски, кој оцени дека првиот изборен...

Македонија2 часа

ЗНМ го осуди односот на Даштевски кон новинарите

Здружението на новинарите регира на односот на претседателот на Државната изборна комисија, Александар Даштевски, кон новинарите во текот на попладневната...

Македонија3 часа

Членови на избирачки одбори самите си одлучиле да не ги користат биометриските уреди

Државната изборна комисија добила информации дека на повеќе избирачки места членовите на избирачките одбори на своја рака престанале да ги...

Македонија4 часа

До 17 часот гласале 41,38 отсто од избирачите

До 17 часот вкупно гласале 41,38 отсто од гласачите во земјава или 547.048 граѓани, покажуваат податоците од Државната изборна комисија....

Македонија4 часа

Прекини во гласањето во неколку изборни места

Во СВР Скопје било пријавено дека на гласачко место бр.2683/1 – основно училиште „Блаже Коневски“ е прекинато гласањето во 13,56...

Македонија6 часа

329 новозаболени од Ковид-19, починале 18 луѓе

Министерството за здравство информира, согласно податоците од Институтот за јавно здравје дека во последните 24 часа: Направени се 3.045 тестирања,...

Македонија7 часа

Даштевски со допис дозволи да гласаат повеќемина, за да се намали метежот

За да се намали метежот кој се создава во ходниците на избирачките места, претседателот на Државната изборна комисија со допис...

Свет7 часа

Почна трката по молнупиравир – осум земји веќе потпишале договор за купување на лекот

Азиските земји побрзаа да го нарачаат најновиот потенцијален лек против Ковид-19, кој е во форма на таблети, иако се уште...

Македонија9 часа

(Видео) Ангеловски: Изборниот процес се одвива мирно

До сега Министерството за внатрешни работи нема регистрирано посериозни нарушувања на јавниот ред и мир во текот на гласањето, кое,...

Македонија9 часа

Проблеми со уредите за отпечаток на повеќе избирачки места, ДИК апелира гласачите да притиснат повеќе

На дел од избирачките места утрово гласањето било прекинато поради проблеми со уредите за биометриска идентификација на гласачите. Портпаролката на...

Македонија9 часа

Член на политичка партија пријавил дека осудени криминалци добиле оружје за попречување на изборите

Член на политичка партија пријавил во американската амбасада дека 83 осудени криминалци добиле оружје за попречување на изборите, соопшти Јавното...

Свет11 час

Повеќе од 1.000 починати од коронавирус во Русија за 24 часа

Русија регистрираше повеќе од 1.000 смртни случаи од коронавирус за 24 часа, првпат од почетокот на пандемијата. Дневниот број на...

Свет12 часа

(Видео) Руските актерка и режисер кои снимаа филм во вселената се вратија на Земјата

Руските актерка и режисер кои поминаа 12 дена на Меѓународната вселенска станица (ИСС) за да го снимат првиот филм во...

Македонија13 часа

Локални избори во Македонија, првпат се гласа со апарати за отпечаток од прст

Во Македонија се одржуваат седми локални избори од независноста на државата, а за првпат се користат апарати за отпечаток од...

Македонија1 ден

Од коронавирус почина 22-годишен пациент од Битола

Дваесет и двегодишен пациент од Битола е еден од починатите од коронавирус во изминатите 24 часа. Од Министерството за здравство...

Македонија1 ден

3.000 денари за глас на изборите – фатен поткупувач во Делчево

На разговор во полицијата е повикан 35-годишник од Делчево со иницијали Н.С. кој се сомничи дека дал 3.000 денари во...

Досие