САД бараат Кина да му дозволи на истражниот тим на Светската здравствена организација (СЗО) да има контакти во Вухан со медицински работници, поранешни пациенти и лабораториски персонал, како и пристап до медицински податоци и примероци.

Официјалниот претставник на Министерството за здравство на САД, Герет Григсби, рече пред извршниот одбор на СЗО дека Кина треба да обезбеди научни студии со податоци од примероци од животни, луѓе и животна средина собрани во Вухан, каде се верува дека избувна епидемијата на коронавирус, пренесува Ројтерс

Претставник на Кина пред извршниот одбор на СЗО рече дека политичките притисоци мора да престанат, бидејќи истражувањето за природата на вирусот е научна работа што бара координација и соработка.

Српскиот режисер, сценарист и учител по глума Мирослав Мика Алексиќ беше сослушан денес пред Вишото јавно обвинителство. Тој ги негирал обвиненијата за силување поднесени од српската актерка Милена Радуловиќ и други негови ученички во школата за глума.

Обвинителството по сослушувањето му предложи на судот да му одреди притвор на Алексиќ.

Тој е обвинет за осум кривични дела силување и седум кривични дела сексуално вознемирување извршени во периодот од 2008 до 2020 година.

Осомничен е за силување и сексуално вознемирување на шест женски лица, а некои од нив во времето на извршување на кривичното дело биле малолетни.

На Алексиќ му се заканува казна затвор од 15 години.

Рускиот суд му одреди притвор на опозицискиот лидер Алексеј Навални до 15 февруари, кој, пак, ги повика Русите да излезат на улица и да протестираат против владата.

pic.twitter.com/caZfgkTBA3

— Alexey Navalny (@navalny) January 18, 2021

„На Алексеј Навални му е одреден притвор во траење од 30 дена, до 15 февруари“, објави неговиот адвокат Вадим Кобзев на Твитер.

Веднаш по таа одлука беше објавено видео во кое лидерот на опозицијата од судницата ги повикува Русите да ја преместат борбата на опозицијата на улица.

„Овие разбојници (на власт), тоа добро го знаете, најмногу се плашат од луѓето што излегуваат на улица (…), затоа не плашете се, излезете на улица, не за мене, туку за вашата иднина“, рече тој во видеото снимено во судницата и објавено на социјалните мрежи.

Неговиот најблизок соработник Леонид Волков веднаш објави на Твитер дека екипите на Навални „почнуваат да се подготвуваат за големи протести низ целата земја на 23 јануари“.

Судската одлука следува еден ден по апсењето на Навални по пристигнувањето во Москва.