Свет
Путин и Џјинпинг во телефонски разговор: Односите меѓу Русија и Кина постојано се развиваат
Рускиот претседател Владимир Путин и неговиот кинески колега Шји Џјинпинг разговараа за соработката меѓу нивните земји.
Повикот доаѓа неколку дена откако високи дипломати од двете земји го изразија својот став дека билатералните односи би можеле да „достигнат нови височини“ оваа година, бидејќи Пекинг и Москва се стремат да ја зајакнат економската соработка.
Нивното стратешко партнерство дополнително се зајакна по руската инвазија на Украина на почетокот на 2022 година, анализираат медиумите.
Двајцата лидери, кои се во редовен контакт, разменија новогодишни честитки на 31 декември, при што Шји изрази „подготвеност да продолжи да одржува блиски контакти“ со Путин, според кинеското министерство за надворешни работи.
Шји и Путин последен пат се сретнаа лично во септември, кога рускиот лидер присуствуваше на голема воена парада во Пекинг.
За време на посетата, Путин му рече на Џјинпинг дека односите меѓу нивните земји се на „невидено ниво“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
(Видео) Поранешен ученик рани најмалку 16 лица со пушка во училиште во Турција, а потоа се самоуби
Тинејџер отворил оган во училиште, ранувајќи најмалку 16 лица, вклучувајќи ученици и наставници, во југоисточната турска покраина Шанлиурфи, пред да се самоубие, изјави гувернерот Хасан Шилдак за новинарите во понеделник, објавија новинските агенции.
Поранешниот ученик, на возраст од 19 години, отворил оган со пушка кон учениците и наставниците во средното училиште. Повредените биле итно префрлени во болница во округот Сиверек, рече Шилдак. Дванаесет од повредените се уште се во болница.
#SONDAKİKA | Şanlıurfa’da bir liseye silahlı saldırı düzenlendiği bildirildi.
⚫ Olay sırasında bazı öğrencilerin panik halinde kaçmak için camdan atladığı belirtilirken, yaralanma olduğu da aktarıldı. pic.twitter.com/hBbwrM3C6O
— Afroasya Today (@afroasyatoday) April 14, 2026
Мотивот за пукањето сè уште не е јасен.
Тој пукал неселективно
Младиот човек влегол во училиштето во округот Сиверек во покраината Шанлиурфи рано утрово и отворил оган неселективно, објави новинската агенција Демирорен.
Şanlıurfa'da saldırı düzenlenen okul tahliye edildi.
Saldırganın etkisiz hale getirilmesi için çalışmalar sürüyor. pic.twitter.com/NCmpRGvN5x
— 23 DERECE (@yirmiucderece) April 14, 2026
Осомничениот првично се скрил во училиштето и одбил да се предаде и покрај повиците од полицијата, се вели во извештајот, пред да се самоубие, додаде Шилдак.
Свет
Претставник на Иран во ОН: Земјите што им помогнаа на САД и Израел во војната да платат отштета
Претставникот на Иран во Обединетите нации (ОН) побара обештетување од земјите за кои тврди дека учествувале во нападите на Соединетите Американски Држави (САД) и Израел врз таа земја.
Претставникот Амир-Саид Иравани тврди дека Бахреин, Саудиска Арабија, Катар, Обединетите Арапски Емирати (ОАЕ) и Јордан го прекршиле меѓународното право, објавува Гардијан.
Тој рече дека земјите мора „да ја компензираат целосната штета предизвикана на Исламската Република Иран, вклучително и исплатата на обештетување за целата материјална и морална штета предизвикана од нивните меѓународни прекршувања“.
Иравани вчера ја осуди блокадата на иранските пристаништа од страна на САД како „тешко кршење“ на неговиот суверенитет.
Свет
Ракети погодија брод во Оманскиот Залив
Товарен брод е погоден од две неидентификувани ракети во Оманскиот Залив, соопшти агенцијата UKMTO.
На бродот избувнал пожар, а пакистански воен брод пружил помош, објави UKMTO.
Нападот се случил околу 112 наутички милји југоисточно од Рас Ал Хад во Оман, се додава во објавата на платформата Икс.
„Не е познато кој стои зад нападот. Ќе ве известиме штом ќе имаме повеќе информации“, додаваат од UKMTO.
