Шведска, чијашто либерална стратегија за пандемијата привлече глобално внимание, регистрираше 1.980 нови случаи на коронавирус на 27 октомври, најголем број од почетокот на пандемијата, покажуваат податоците на шведската агенција за јавно здравје.

Претходниот најголем број на новозаразени во еден ден се случи на 23 октомври, кога имаше 1.870 позитивни случаи.

Јавната здравствена служба соопшти дека највисокиот дневен број на новозаразени во текот на пролетта, веројатно, бил многу поголем, но тоа не е забележано поради недоволно тестирање во тоа време.

Шведска исто така регистрираше 9 нови смртни случаи, со што вкупниот број на смртни случаи во земјата се зголеми на 5.927.

Шведска има неколку пати поголема стапка на смртност по глава на жител од нејзините нордиски соседи, но пониска од некои поголеми европски земји како Шпанија и Велика Британија.

Во последните 24 часа во Србија се тестирани 9.690 лица на коронавирус, од кои 1.328 биле позитивни.

За жал, починаа уште пет лица.

Според последните податоци на Министерството за здравство и Институтот „Батут“, 39 пациенти се приклучени на респираторни машини во болниците во Србија.

Нападите на турските власти врз францускиот сатиричен весник „Шарли ебдо“ се полни со омраза, вели портпаролката на француската влада, Габриел Атал.

Тоа беше нејзиниот коментар на прес-конференцијата откако турските власти реагираа на карикатурата во која Реџеп Таип Ердоган е претставен во долна облека држејќи конзерва пијалак и здолниште на жена во хиџаб, на која ѝ се гледа задникот.

Турскиот гнев поради карикатурата додаде оган на маслото во односите меѓу Турција и Франција, а сè почна поради цртаните филмови со пророкот Мухамед поради што тинејџер му ја отсече главата на својот професор во Париз минатата недела, наведува „Ројтерс“.