Светската здравствена организација предупредува дека пандемијата на коронавирус расте експоненцијално.

Светската организација претходно објави дека се очекува зголемување на бројот на пациенти и смртни случаи во наредните недели, и покрај сите напори да се стави пандемијата под контрола со забрзана вакцинација. Според најновите податоци, преносот на вирусот воопшто не се намалува со посакуваната брзина.

Највисоките претставници на СЗО веруваат дека светот е во критична точка поради експоненцијалниот раст на бројот на заразени, и покрај нивните напори од страна на државите и нивните влади да го спречат ширењето на Ковид-19, пренесува „Спутник“.

На последната панел-дискусија на СЗО одржана во понеделникот во Женева, бројот на нови случаи на коронавирус ширум светот достигна загрижувачко ниво.

„Се наоѓаме во критична точка во врска со пандемијата“, беше речено на дискусијата, на која беше посочено дека минатата недела се евидентирани околу 4,4 милиони нови случаи.

„Ова не е ситуацијата во која сакаме да бидеме кога имаме широко распространети мерки. Сега е време кога секој од нас треба да застане и да се запраша што треба да направиме“, велат експертите на СЗО.

Фатално пукање во Минеаполис во кое 20-годишен црнец го загуби животот, се чини дека се случило откако пиштолот случајно пукнал кога полицајка, середе мешаницата, го извлекла огненото оружје наместо направата за електрошокови.

Младиот Даунте Рајт беше убиен во пукање додека бил запрен со неговото возило во местото Бруклин Центар, недалеку од локацијата на која минатиот мај во Минеаполис беше убиен Џорџ Флојд.

Полицијата објави снимка на која се гледа турканицата меѓу Рајт и полицијата. Рајт се обидува со туркање да се врати во автомобилот, а на снимката се гледа како полицајката вика „електрошок“.

„Ми се чини, од она што го видов, од реакцијата на полицајката и нејзиниот стрес што следеше веднаш потоа, дека пиштолот случајно испукал, што резултирало со трагичната смрт на господинот Рајт“, рече шефот на полицијата Тим Ганон.

Градоначалникот на гратчето Мајк Елиот рече дека сите жалат за трагичниот настан што не можел да се случи во полошо време.

„Ќе го го расветлиме овој случај. Ќе сториме сè за да се осигураме дека правдата за Даунте Рајт е задоволена“, рече Елиот.

Полицијата соопшти дека го запрела Рајт за сообраќаен прекршок и откриле дека по него е распишана потерница. Полицијата се обидела да го уапси, но тој успеал со туркање да се врати во автомобилот. Полицајката, чиј идентитет првично не беше откриен, пукала во мешаницата. Рајт продолжил да вози и се оддалечил неколку блока, кога удрил во друго возило. Тој починал на самото место.

Подоцна беше објавено дека станува збор за службеничката Кимберли Потер, со 26-годишно полициско искуство, ветеранка во службата.

Многумина критичари и скептици на социјалните мрежи се прашуваат како е воопшто можно полицајка со многугодишно искуство да не направи разлика меѓу нејзиниот пиштол и направата за електрошокови.

Претседателот Џо Бајден изрази жалење за трагичната смрт на младиот црнец, но исто така го осуди насилството што избувна на протестите што следуваа.

„Она што се случи во предградијата на Минеаполис е навистина трагично, но мислам дека треба да почекаме да видиме што ќе каже истрагата“, рече Бајден.

„Додека ги чекаме резултатите од истрагата, сакам да кажам јасно – апсолутно нема оправдување за насилството. Мирните протести се разбирливи“, додаде тој.

Експертите од Европската агенција за лекови (ЕМА) престојуваат во Москва за да извршат проценка на вакцината „спутник В“ против ковид-19, објавија руските медиуми, наведувајќи дека претставниците на ЕМА ќе ги посетат и производствените капацитети.

Претставници на европското регулаторно тело, кои започнаа анализа на руската вакцина на почетокот на март, посетија две клиники каде што се спроведува третата клучна фаза од клиничките испитувања на „спутник В“ и разговараа со медицинскиот персонал, објави „Интерфакс“, повикувајќи се на неименувани извори

„Можеме да кажеме дека во тек е конструктивен дијалог“, рекол извор за „Интерфакс“.

Европската агенција сè уште не даде зелено светло за „спутник В“ иако Унгарија, како членка на ЕУ, ја одобри руската вакцина на национално ниво по кратка постапка, а во меѓувреме неколку земји на ЕУ покажаа интерес за договор со Русија за набавка на вакцината.