Контакт

Вести

Републиканците го менуваат предлогот на законот за здравствена заштита пред гласањето во четврток

Објавено пред

Републиканците работат на промените на својата нова програма здравственото осигурување за во неа да вклучат поголеми даночни олеснувања за повозрасните Американци и да го воведат работниот статус како услов за програмата Медикејд за сиромашните, објави во неделата претседателот на американските законодавци, републиканецот Пол Рајан.

dobivaj vesti na viber

Републиканците и натаму планираат во четврток во Претставничкиот дом да гласаат за новиот закон за здравственото осигурување, изјави Пол Рајан. Зборувајќи за телевизиската мрежа Fox News, Рајан додаде како челниците на републиканците работат на измена на законот во оние области со коишто некои од републиканците биле незадоволни.

„Сметаме дека би требало да додадеме уште повеќе помош отколку што сегашниот закон тоа го прави“ за луѓето со ниски примања на возраст меѓу 50 9и 64 години рече Рајан во врска со даночните олеснувања за здравственото осигурување кое се предводени во новиот нацрт закон.

Републиканците работата и на промените со коишто на сојузните држави би им се овозможило да примаат исплата од федералните власти за програмата Медиед, открива Рајан. Станува збор за програма за осигурување за оние со ниски примања којашто ја финансираат сојузните држави и федералната влада.

Републиканците и натаму се длабоко поделени околу предлогот за новиот здравствен систем, првиот поголем законски потфат на претседателот Доналд Трамп со кој би се исполнило ветувањето од неговата кампања за повлекување и замена на таканаречениот Обамакер, законот кој го воведе неговиот демократски претходник Барак Обама.

Трамп ги наговара пратениците да гласаат за неговиот закон, а по состанокот во петокот на кој го поддржа условот за работен статус, што значи да се биде вработен или активни да се бара работа, како и фиксен износ пари којашто федералната влада би им ги давала на сојузните држави за Медикејд., доби поддршка од десетина конзервативци, но некои и натаму се воздржани.

Иако Рајан тврди дека се чувствува „многу добро“ поради шансите на овој закон во Претставничкиот дом, водечкиот конзервативен пратеник за програмата „Newsmakers“ откри дека моментално има 40 републиканци кои ќе гласаат против. Иако републиканците имаат мнозинство во овој дом, за да мине предлогот не смее да ги има повеќе од 21 против.

Пратеникот Марк Медоус, од Северна Каролина, челник на тврдата линија на конзервативната парламентарната група House Freedom Caucus тврди дека законот „апсолутно нема“ да мине во сегашната форма. Тој смета дека промените кои се разгледуваат за програмата Медикејд нема да бидат доволни доколку на сојузните држави им е остави можноста за одлука за тоа дали ќе ја бараат вработеноста на осигуреникот.

Дури и доколку законот мине во Претставничкиот дом, го очекуваат големи предизвици во Сенатот.

Сенаторот Том Котон, конзервативен републиканец од сојузната држава Арканзас, кој е критичар на споменатиот предлог, истакнува дека проблемот се состои во тоа што со него нема да се намали надомест за лицата кои се на пазарот на приватните осигурителни куќи. Пратениците треба да го забават и да го решат овој проблем, смета Котон.

„Тоа може да се поправи, меѓутоа ќе биде потребно извонредно многу работа“, истакна Котон во разговорот за телевизијата CNN.

Умерените републиканци, исто така, изразуваат загриженост околу законот, а нивните забелешки често се разликуваат од оние коишто ги искажуваат нивните поконзервативни колеги.

Републиканската сенаторка Сузан Колинс од сојузната држава изјави за телевизијата NBC News дека е загрижена за последиците од предлогот врз повозрасните Американци, како и дека неговата примен би ги префрлила трошоците за Медикејд на сојузните држави. Колинс предупредува дека не треба да се обрати внимание и на здравствената заштита, бидејќи под новиот закон без неа во идната година може да останат 14 милиони, а во следната деценија 24 милиони луѓе./крај/мф/сн

Вести

Украина апелира до Русија да го дозволи коридорот во Мариупол

Објавено пред

Украина денеска испрати нов апел до Русија да дозволи хуманитарен коридор во Мариупол и да ги пушти цивилите од овој опколен град.

dobivaj vesti na viber

Бараме отворање на хуманитарен коридор за цивили – објави вицепремиерката Ирина Верешчук на украинската телевизија, пренесува „Ројтерс“.

Верешчук нагласи и дека руските вооружени сили спречуваат хуманитарна помош да стигне до жителите на градот Херсон на југот на земјата.

Украина денеска соопшти дека нејзините напори за евакуација на цивилите од опколените градови првенствено биле насочени кон Мариупол, но не објави никаков нов договор со Русија, кој би овозможил безбеден премин за нејзините заробени жители, пренесе Ројтерс.

Прикажи повеќе...

Вести

(Од минута во минута) Бајден се закани со нови санкции, Русија најави употреба на нуклеарно оружје

Објавено пред

Денес е 27. ден од руската инвазија на Украина

dobivaj vesti na viber

Клучни настани

Бајден и ЕУ со нов пакет санкции

Русија се закани дека ќе употреби нуклеарно оружје ако биде загрозено нејзиното постоење

Спречен четврти обид за атентат на Зеленски

Украински сили: Ја вративме контролата над Макаров

Русија се повлече од преговорите за мировен договор со Јапонија

Бајден: Путин размислува за употреба на биолошко и хемиско оружје

Нови податоци од Велика Британија: Украинските градови страдаат од силни руски воздушни и артилериски бомбардирања

(Од минута во минута)

21:55 Макрон: Не е на повидок прекин на огнот

Договор за прекин на огнот во Украина не е на повидок, се вели во соопштението на Елисејската палата, по разговорот на францускиот претседател Емануел Макрон со Владимир Путин.

21:29 Русите користат забранета муниција?

Се појавија и други извештаи дека руските сили наводно користеле забранета муниција со фосфор во областа на украинскиот град Краматорск.

21:22 Руски медиуми: Путин и Макрон разговараа на телефон

Разговорот е инициран од Франција, објави државната новинска агенција „РИА новости“.

20:48 Бајден најави нови санкции: Ова е важен дел од следната фаза

Американскиот советник за национална безбедност Џејк Саливан изјави дека во четврток САД и сојузниците ќе објават нов пакет санкции против Русија.

20:47 Службеник за одбрана на САД: Руските војници патат од смрзнатост

Руските сили продолжуваат да се соочуваат со логистички проблеми, како што е недостатокот на опрема, што доведе до смрзнатини меѓу војниците, изјави висок претставник на американската одбрана.

20:42 Ракетирана железничката станица во регионто на Днепар

Ракетни напади уништија железничка станица во градот Павлоград во централно-источниот украински регион Днепар, при што загина едно лице, изјави денеска гувернерот Валентин Резниченко.

20:26 Ердоган ја повика ЕУ да ги отвори пристапните преговори

„Очекуваме ЕУ бргу да ги отвори поглавјата од пристапните преговори и да ги почне преговорите за царинската унија, без бесрамни калкулации“, рече Ердоган по средбата со холандскиот премиер, Марк Руте, во Анкара.

20:12 Песков: Ќе користиме нуклеарно оружје, само ако биде загрозено нашето постоење

Песков наведува дека целта на руската инвазија на Украина не е окупација на земјата, пренесе руската државна новинска агенција ТАСС.

18:32 Украинската армија: Русите имаат резерви за само уште три дена

„Поради логистички неуспеси на руските сили, вклучително и неможноста да се доставува гориво за војниците на фронтот, тие се без резерви“, соопшти денеска Генералштабот на вооружените сили на Украина.

17:25 „Билд“: Спречен четврти обид за убиство на Зеленски, уапсена група руски диверзанти

Група руски диверзанти, предводени од агент на тајната служба, е уапсена во градот Ужгород во граничниот триаголник меѓу Украина, Словачка и Унгарија, јави агенцијата „Унијан“, пренесува „Билд“.

14:05 Нови силни експлозии во Киев

Неколку силни експлозии oдекнале во главниот град на Украина, додека Киев е под 35-часовен полициски час.

Една од експлозиите била толку силна што ги активирала алармите на автомобилите во центарот на градот, сведочи тимот на Си-ен-ен.

13.55 Украина апелира до Русија да го дозволи коридорот во Мариупол

Украина денеска испрати нов апел до Русија да дозволи хуманитарен коридор во Мариупол и да ги пушти цивилите од овој опколен град

13.38 Русија загуби 15.300 војници, 99 авиони, 123 хеликоптери, 509 тенкови

Независниот весник Киев објави индикативни проценки за загубите на Русија од 22 март, според Вооружените сили на Украина

13.05 (Видео) Зеленски: Вршам притисок врз Русија да ја прекине оваа сурова војна

Драги Италијанци! Кога се обратив на собир во Фиренца и во десетици други европски градови пред нешто повеќе од една недела, ве замолив, сите Европејци, да се сеќавате на бројот 79. Толку многу деца беа убиени во Украина во тоа време. Сега е 117, рече тој.

12.30 Подољак: Се бориме против инвазијата на варварството, нечовечноста и масакрот на цивили

Украинскиот преговарач и советник на претседателот Володимир Зеленски, Михаил Подољак, се огласи на својот официјален профил на Твитер

12:14 Во близина на Чернобил избија седум шумски пожари, тврдат Украинците

Украинците тврдат дека пожарите најверојатно избувнале поради гранатирање, а можно е и да се подметнати. Пожарот избувнал во област под контрола на руските сили, што според Украинците го оневозможува гаснењето.

12.10 Зеленски: За руските војници Украина е порта кон Европа

Украинскиот претседател Володимир Зеленски денеска пред италијанскиот парламент изјави дека неговата земја е на работ на опстанок поради војната со руските сили и предупреди дека целта на Москва е да се пробие до остатокот од Европа

12:00 Кога користам британско оружје ќе викам „Боже, чувај ја кралицата“, вели украински војник

Украинскиот командант Валериј Курко изјави дека кога ќе употребува противтенковско оружје кое Украина го добила како помош од Велика Британија, ќе вика: „Боже, чувај ја кралицата“ (God save the Queen).

11.45 Повеќе од 3,5 милиони луѓе ја напуштиле Украина поради војната

Агенцијата за бегалци на ОН денеска објави дека повеќе од 3,5 милиони бегалци досега ја напуштиле Украина поради руската инвазија, пренесува АП

11.30 Чад, урнатини и уништување – објавени нови сателитски снимки од руското бомбардирање на Украина

Новите сателитски снимки објавени од приватната американска компанија за вселенска технологија „Maxar Technologies“ уште еднаш покажаа до кој степен руските сили ги оштетиле украинските градови

11.25 Руските сили го бомбардираа пристаништето во Николаев

Руските сили синоќа бомбардираа пристаниште во украинскиот град Николаев, соопшти Украинската управа на пристаништа

11.20 Руски дипломат: Американско-руските односи се на работ на прекин

Заменик-министерот за надворешни работи на Руската Федерација Сергеј Рјабков изјави дека САД мора да се откажат од понатамошната ескалација на односите со Русија и да престанат да испорачуваат оружје на Украина.

11.18 Во гранатирањето на Харков загина 96-годишник кој го преживеал холокаустот

Борис Романченко (96), кој го преживеа холокаустот во Втората светска војна, почина минатата недела кога граната го погоди неговиот стан во воениот украински град Харков

11.15 Русија го гранатираше регионот Житомир: Уништени три куќи, десет оштетени

Русија не престанува со инвазијата на Украина веќе 27 дена, а утрово биле гранатирани згради во близина на Малин, соопшти утринава Украинската државна служба за вонредни состојби

11.13 Уништувањето на Мариупол продолжува

Се појавија нови видеа од уништувањето во Мариупол, а нападите на руската армија врз Украина не престануваат

11.10 Гранатирано село во Украина – уништени голем број куќи

Во украинското село Лутица, северно од Киев, од руското гранатирање уништени се голем број куќи

11.07 Украинска армија: Русите имаат храна, гориво и муниција уште три дена

Генералштабот на вооружените сили на Украина соопшти дека, според достапните информации, руските окупаторски сили во Украина имаат залихи на муниција и храна за не повеќе од три дена

11.05 Зеленски: Подготвен сум да разговарам со Путин за Донбас и Крим, но со безбедносни гаранции

Мислам дека ова е време за моја средба со рускиот претседател. Без тоа, нема целосно да разбереме што се подготвени да направат за да ја запрат војната. Тоа се многу сериозни работи

11.02 Украински парламент: 117 деца се убиени од почетокот на инвазијата

Украинскиот парламент утринава соопшти дека 117 деца се убиени, а 155 се повредени во нападите на руските сили од почетокот на руската инвазија на Украина

11:00 Престана со работа руската фабрика за тенкови, тврди украинското разузнавање

Во објава на „Фејсбук“, Генералштабот на вооружените сили на Украина посочи дека производителот „Уралвагонзавод“ морал да го прекине производството во фабриката поради, како што се вели, недостиг на компоненти произведени надвор од Русија.

10:37 (Видео) Британија: Наш министер разговараше со лажен премиер на Украина, тоа е руски трик

Велика Британија денеска ја обвини Русија дека стои зад видеоповикот во кој едно лице лажно се претставува како премиер на Украина во разговор со министерот за одбрана, Бен Валас, чија снимка беше објавена и на „Јутјуб“.

10:17 Предупредување од германските безбедносни служби: Неонацисти одат во Украина

Германските безбедносни служби предупредуваат дека повеќе германски неонацисти тргнале кон Украина за да се приклучат во борбата на украинските власти.

8:43 Фумио Кишида: Неприфатлив е прекинот на преговорите од Москва

Јапонскиот премиер Фумио Кишида денеска ја нарече неприфатлива одлуката на Русија да ги прекине преговорите за мировен договор

8:35 Бајден: Путин размислува за употреба на биолошко и хемиско оружје

Американскиот претседател Џозеф Бајден изјави дека има јасен знак дека рускиот претседател Владимир Путин размислува за употреба и на биолошко и на хемиско оружје во Украина

8:28 Нови податоци од Велика Британија: Украинските градови страдаат од силни руски воздушни и артилериски бомбардирања

Министерството за одбрана на Обединетото Кралство го објави најновиот извештај на одбранбените разузнавачки служби за ситуацијата во Украина – 22 март 2022 година.

8:25 Украинска армија: 300 руски војници одбиле да ја послушаат наредбата, се повлекле

Украинската војска соопшти дека 300 руски војници одбиле да ги почитуваат наредбите во областа Октирка во близина на Суми во североисточна Украина.

8.20 Принцот Вилијам:Солидарни сме со украинските борци

Британскиот принц Вилијам им оддаде почит на Украинците кои се борат да преживеат во својата татковина по посетата на британскиот воен камп за обука во џунглите во Белизе со неговата сопруга Кејт, како дел од неговата седумдневна турнеја на Карибите

8:15 Семејството го опиша хоророт во Мариупол: Пукаа во луѓето на ред за вода

Дмитро и Тања Шветс првите 23 дена од војната ги поминале криејќи се во подрум во Мариупол со нивната седумгодишна ќерка. Семејството успеало да побегне од Мариупол минатиот четврток, но нивните родители останале таму

8:10 Украински сили: Ја вративме контролата над Макаров

По неколкудневни борби, украинските сили ја вратија контролата врз Макаров, град на 30 милји западно од Киев, објавија украинските вооружени сили

8:05 Русија се повлече од преговорите за мировен договор со Јапонија

Русија се повлече од преговорите за мировен договор со Јапонија и ги замрзна заедничките економски проекти поврзани со спорните Курилски острови поради санкциите што и ги воведе Токио поради Украина, што предизвика лута реакција на Јапонија

8:00 Украинските сили го забавуваат напредокот на Русија

Украинскиот претседател Володимир Зеленски во видео порака рече дека украинската армија им пружа жесток отпор на руските сили и го забавува нивниот напредок.

Прикажи повеќе...

Вести

Зеленски составува закон против Русија: Ги поканува сите пријатели да го посетат Киев

Објавено пред

Украинскиот претседател Володимир Зеленски изјави дека мировните преговори со Русија почнуваат да „звучат пореалистично“, но дека е потребно повеќе време за да се постигне напредок.

dobivaj vesti na viber

„Состаноците продолжуваат и информиран сум дека позициите за време на преговорите веќе звучат пореално. Но, потребно е време за одлуки што ќе бидат во интерес на Украина“, рече Зеленски во своето последно обраќање, пренесува „Ројтерс“.

„Ги поканувам сите пријатели на Украина да го посетат Киев. Овде може да биде опасно затоа што нашето небо сѐ уште не е затворено за руски ракети и авиони. Одлуката да го зајакнеме нашиот арсенал во воздухот сè уште не е донесена. Не добивме авиони. Но, знаете дека сите очи се вперени кон нашиот главен град, кон Украинците. На сите што се со нас им должам благодарност. Не само ние, сите народи во светот се благодарни“, рече Зеленски.

Претседателот на Украина, Володимир Зеленски, синоќа потпиша закон со кој се забранува негирање или оправдување на руската агресија врз Украина.

„Володимир Зеленски потпиша закон со кој се забранува производство и дистрибуција на информативни производи насочени кон промовирање на акциите на државата агресор“, се вели во соопштението на Комитетот за хуманитарна и информативна политика на Украина.

Полскиот премиер, Матеуш Моравјецки, чешкиот премиер, Петер Фијал, и нивниот словенечки колега Јанез Јанша пристигнаа во Киев со воз и се првите странски лидери што ја посетија украинската престолнина по руската инвазија минатиот месец, пишува „Ројтерс“.

Посетата на премиерите на Чешка, Полска и на Словенија, кои во вторникот пристигнаа во Киев, е силен гест на поддршка што ја почитуваме, изјави украинскиот претседател Володимир Зеленски, кој ги информира лидерите на овие земји за актуелните настани во војната со Русија.

Прикажи повеќе...

Најново

Македонија18 минути

Нови 693 позитивни на Ковид-19, починати се две лица

Согласно податоците од Институтот за јавно здравје, Министерството за здравство информира дека во последните 24 часа: Направени се 1.480 тестови,...

Економија5 часа

Државата нема контрола како се враќаат парите од ковид-мерките, тоа ќе ја чини 23 милиони евра

Државата не предвидела како ќе го контролира враќањето на доделените средства за финансиска поддршка на работодавците и физичките лица за...

Македонија5 часа

Нема хоспитализиран пациент со мајмунски сипаници на Клиниката за инфективни болести

Нема хоспитализиран пациент суспектен за мајмунски сипаници, информираат од Клиниката за инфективни болести. „Во врска со пациентот што се споменува...

Европа5 часа

Полскиот премиер ја обвини ЕУ за империјалистичко однесување кон помалите членки

Полскиот премиер Матеуш Моравјецки ја обвини Европската Унија за империјалистичко однесување кон помалите членки во статија објавена на веб-страницата „Велт“...

Свет6 часа

Хаос на аеродром во Париз, маж се заканувал со нож, полицијата го убила

На парискиот аеродром „Шарл де Гол“ полицијата отворила оган врз маж вооружен со нож, јавува BFMTV повикувајќи се на неименуван...

Македонија8 часа

Гори борова и дабова шума во Охридско

Сè уште е активен пожарот кај охридските села Вапила и Сирула. Како што соопшти Центарот за управување со кризи, гори борова...

Свет8 часа

Кина најави нулта толеранција за сепаратистичките активности на Тајван

Предупредувањето од Пекинг, кој го смета Тајван за своја територија, дојде неколку дена по невидените воени вежби на Кина во...

Свет8 часа

Зеленски: Војната на Русија против Украина мора да заврши со ослободување на Крим

Украинскиот претседател Володимир Зеленски изјави денеска дека конфликтот со Русија нема да заврши додека не се ослободи црноморскиот полуостров Крим,...

Свет8 часа

Јенс Столтенберг: Србија со години е близок партнер на НАТО

Генералниот секретар на НАТО, Јенс Столтенберг, оцени дека Северноатлантскиот сојуз е долгорочен и близок партнер со Србија велејќи дека партнерството...

Свет8 часа

Русија: Од почетокот на август од Украина се извезени 370.000 тони храна

Над 370.000 тони храна се извезени од украинските пристаништа во 12 брода од почетокот на август, изјави шефот на рускиот...

Свет9 часа

Во експлозија на аеродромот на Крим загина едно лице, а осум се повредени

Едно лице загина, а осум се повредени во инцидент на аеродром на Крим, соопшти локалното Министерство за здравство. „Бројот на...

Свет22 часа

Нов вирус се појави во Кина: Заразени 35 луѓе – имаат треска, замор, кашлица, анорексија

Нов тип на хенипавирус добиен од животинско потекло, Langia henipavirus, кој може да зарази луѓе е пронајден во источната кинеска...

Свет23 часа

Поранешен шеф на кампањата на Трамп: Споделив доверливи информации со Русите

Пол Манафорт, кој беше менаџер на кампањата на поранешниот американски претседател Доналд Трамп во 2016 година, призна дека споделил доверливи...

Македонија24 часа

МОН го повлекува учебникот по Социологија за втора година гимназиско образование

Министерството за образование и наука информира дека е формирана Комисија за давање предлог за повлекување од употреба на одобрен учебник...

Македонија1 ден

Регистрирани 679 новозаразени од коронавирус, нема починати лица

Во согласност со податоците од Институтот за јавно здравје, Министерството за здравство информира дека во последните 24 часа направени се...

Економија1 ден

ССМ: Вредноста на минималната синдикална кошничка во јули 2022 е 47.042 денара

Вредноста на синдикалната минимална кошница со вклучена инфлација (трошоци за живот) за јули изнесува 47.042,00 денара и не може да...

Македонија1 ден

МНР: Ги отфрламе сите наводи дека се подготвуваат нови обврски за двете држави надвор од договорените принципи

„Во врска со појавени шпекулации во јавноста за нови заемни документи меѓу Северна Македонија и Бугарија, дозволете да информираме дека...

Регион1 ден

Румен Радев: Изборите на 2 октомври треба да произведат стабилно и одговорно мнозинство

„За сите од најголема важност е овие избори да дадат одговорно мнозинство. Исто така, важно е ова мнозинство да ужива...

Свет1 ден

Градоначалникот на Нагасаки: Нуклеарното оружје е реална и присутна закана

Нуклеарното оружје е реална и присутна закана откако Русија ја нападна Украина, изјави денеска градоначалникот на Нагасаки на 77-годишнината од...

Свет1 ден

Зеленски со порака до Западот: Забранете им на Русите да влезат, нека живеат во свој свет

Украинскиот претседател Володимир Зеленски ги повика западните земји да го забранат влезот на сите руски граѓани. Во интервју за „Вашингтон...