Контакт

Европа

Русија го осуди како терористички чин убиството на иранскиот нуклеарен физичар

Објавено пред

Атентатот врз иранскиот нуклеарен научник Мохсен Фахризад е терористички акт што претставува провокација за Иран, а Русија го осудува злосторството, изјави денеска директорот на Државната дума за надворешни работи, Леонид Слуцки.

„Убиството на иранскиот физичар Фахризад е терористички чин и провокација за Техеран. Многу е важно да се спречи ескалација на тензиите во регионот”, напиша рускиот пратеник на „Твитер“, а пренесе „Тасс“.

Слуцки истакна дека Русија го осудува убиството, „без разлика кој стои зад ова злосторство“.

„Изразуваме длабоко сочувство до Иран и семејството на Фахризад“, додаде тој.

Иранската агенција ИСНА објави дека началникот на иранскиот Генералштаб, Саид Абдолрахим Мусави, тврди оти Израел и САД стојат зад атентатот.

Иранскиот претседател Хасан Рохани уште вчера вети дека атентатот врз научникот нема да остане без одговор.

„Иран ќе даде одмерен и решителен одговор поради убиството на најдобриот државен нуклеарен научник Мохсен Фахризад“, изјави претходно советникот на Врховниот водач Али Хамнеи.

Некои весници во Техеран денес соопштија дека иранската одмазда „треба да вклучува напад врз израелскиот град Хаифа“.

Иранскиот министер за одбрана рече дека прво било пукано кон автомобилот на Фахризад, а кратко потоа експлодирал пикап-камион полн со експлозив на растојание од околу 15 до 20 метри. Набргу потоа, нуклеарниот физичар им подлегнал на повредите во болница.



©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Европа

Кошта: Ситуацијата во Португалија поради Ковид-19 е ужасна

Објавено пред

Португалскиот премиер Антонио Кошта изјави дека земјата во моментов е во многу тешка ситуација поради пандемијата на коронавирус и дека ќе поминат неколку недели пред да се подобрат работите, како и дека очекува само ограничена помош од странство.

Со вкупно потврдени 668.951 случаи на Ковид-19 и 11.305 смртни случаи, вклучително и рекордни 293 починати вчера, Португалија има највисок просек од седум дена на нови дневни случаи и смртни случаи на милион жители во светот, пренесува „Ројтерс“.

„Ситуацијата не е лоша, туку ужасна“, мора да бидеме свесни дека минуваме низ најлошите моменти и дека тие ќе траат уште неколку недели, рече Кошта во своето обраќање на телевизија, наведува агенцијата.

Коста рече дека ситуацијата делумно се влошила затоа што неговата влада ги олеснила ограничувачките мерки помеѓу Божик и крајот на годината, но и поради вирулентноста на новиот вид и дека Германија најавила испраќање на воени медицински експерти во Португалија.

„Ројтерс“ наведува дека повеќе од 20 амбулантни возила со пациенти со Ковид-19 биле во колона пред најголемата португалска болница додека чекале да бидат испразнети болничките кревети, а лекарите и во другите болници предупредуваат на ризик од недостиг на медицински кислород.

Прикажи повеќе...

Европа

Германка казнета со 10.800 евра за кршење карантин

Објавено пред

Судот во Инсбрук ѝ изрече казна од 10.800 евра на 54-годишна Германка за кршење карантин и намерно загрозување на други.

Во април минатата година жената била позитивно тестирана на коронавирус и добила карантин од властите.

Но и покрај наредбата на здравствените власти, таа продолжила да ја излегува од дома и да пазарува.

Таа пред судот рече дека сумата за која купила намирници била премала за да може да нарачува преку интернет.

За да го фрли ѓубрето користела лифт, со што според судот ги загрозила останатите станари.

Овој случај на игнорирање на наредбата за карантин го шокираше државното обвинителство.

„Не ја интересираше дали ќе зарази други луѓе. Беше толку арогантна што полицијата дури мораше да ја уапси“, рече обвинителот Клеменс Гатрингер.

Поради тоа тој побара најстрога казна, а судот одлучи да ја казни со парична казна од 10.800 евра.

Прикажи повеќе...

Европа

УНХЦР бара да прекине насилството врз бегалците по должина на границите на Европа

Објавено пред

Загрижени од зачестените протерувања и неформални враќања на бегалци и баратели на азил на европските копнени и морски граници, УНХЦР, Агенцијата на ОН за бегалци, ги повикува земјите да ги истражат и прекинат овие практики.

„УНХЦР добива постојани извештаи за европски земји кои го ограничуваат пристапот до азил, враќајќи луѓе откако пристигнале на територијата или територијалните води и употребувајќи насилство врз нив на границите“, изјави помошник-високиот комесар за заштита при УНХЦР, Џилијан Тригс.

„Неформалните враќањата се одвиваат на насилен и очигледно систематичен начин. Чамците со бегалци се влечени наназад. Луѓето, штом стигнат на копно, се собирани и потоа враќани на море. Многумина пријавуваат насилство и злоупотреби од страна на државните сили. Исто така, лицата кои пристигнуваат по копнен пат се неформално притворани и насилно враќани во соседни земји без да се земе предвид нивната потреба за меѓународна заштита.
Конвенцијата за бегалци од 1951 година, Европската конвенција за човекови права и законите на ЕУ бараат од земјите тие да ги заштитат правата на лицата кои бараат азил и заштита од враќање, дури и ако влезат по нерегуларен пат. Властите не можат по автоматизам да не дозволуваат влез или да ги враќаат луѓето без да извршат индивидуална проценка на лицата на кои им е потребна заштита.

Почитта кон човечките животи и правата на бегалците не е прашање на избор, туку правна и морална обврска. Иако земјите имаат легитимно право да управуваат со своите граници во согласност со меѓународното право, тие исто така мораат да ги почитуваат и човековите права. Неформалните враќања се едноставно незаконски“, рече Тригс.

Правото на барање азил е основно човеково право. Пандемијата со Ковид-19 не е исклучок, можно е да се обезбеди заштита од пандемијата и да се осигури пристап до правична и брза постапка за азил.
УНХЦР јасно ја изрази својата загриженост пред европските држави. Агенцијата за бегалци повикува итно да се истражат наводните прекршувања и малтретирање, кои се засноваат на веродостојни сведоштва и се потврдени од невладините организации, медиумите и извештаи од отворени извори. „Се залагаме за независни национални механизми за мониторирање кои ќе го осигураат пристапот до азил, ќе го спречат кршењето на права на границите и ќе обезбедат одговорност. Независното мониторирање се предлага и од Пактот на ЕУ и апелираме до земјите членки на ЕУ да го поддржат“, рече Тригс.

Бројот на пристигнувања во ЕУ продолжува да опаѓа секоја година. Бројот на лица кои пристигнале по воден и копнен пат во 2020 (95.000) е намален за 23 проценти во споредба со 2019 (123.700 лица) и за 33 проценти во споредба со 2018 (141.500).

Со толку малку пристигнувања во Европа, оваа состојба би требало да е под контрола. Жално е дека прашањето на азил продолжува да се политизира и да создава поделби и покрај ваквите бројки во опаѓање. УНХЦР согледува дека одредени земји носат непропорционална одговорност во однос на прифатот на новопристигнати луѓе. УНХЦР ги повикува останатите европски држави да покажат солидарност и да ги поддржат. УНХЦР исто така ги повикува европските земји да ги почитуваат своите постојни заложби за заштита на бегалците со тоа што ќе ги примаат барателите на азил на своите граници, ќе ги спасуваат на море и ќе дозволат нивно префрлање на копно и регистрација, како и поддршка на новите баратели на азил. УНХЦР е подготвена да им помогне на државите да ги достигнат овие меѓународни обврски во областа на азилот.

Прикажи повеќе...

Најново

Македонија18 минути

Транспаренси: Македонија најлошо рангирана досега во борбата против 
корупцијата

Индексот за перцепција на корупцијата (ИПК) за 2020 година објавен денес од Транспаренси интернешнл открива дека корупцијата придонесува за уназадување...

Свет53 минути

Гејтс откри колку пари вложил во вакцините

Бил и Мелинда Гејтс објавија годишно писмо на својата веб-страница во кое зборуваа за можните последици од оваа и идните...

Свет1 час

Француската армија заплени рекордни 4,2 тони кокаин спакувани во 177 пакети

Официјални претставници на француската армија на карипските острови Мартиник и Гвадалупе објавија дека запленија рекордни 4,2 тони кокаин во блиските...

Свет1 час

Трамп ужива во Флорида, Пенс стана „бездомник“

Додека Доналд Трамп се пресели од Белата куќа во прекрасниот имот Мар-а-Лаго во Флорида, неговиот поранешен заменик заврши на улица....

Топ2 часа

Поднесено обвинение за дивоградбата кај „Мавровка“

По спроведената истражна постапка, јавен обвинител од Основното јавно обвинителство Скопје поднесе Обвинителен акт против едно лице за бесправно градење...

Свет3 часа

По 14 дена во карантин, СЗО конечно влезе во Вухан

Тимот на СЗО излезе од карантинот во Вухан за да започне со работа на терен за откривање на фактите за...

Свет3 часа

Белата куќа бара меѓународна истрага за потеклото на коронавирусот

Меѓународната истрага за потеклото на коронавирусот во Кина мора да биде „јасна и темелна“, изјави портпаролката на Белата куќа, Џен...

Свет4 часа

„Астразенека“ и ЕУ пред договор?

Продолжува драмата околу средбата меѓу претставниците на „Астразенека“ и членките на ЕУ. Средбата заврши доцна синоќа, а еден твит сугерира...

Свет4 часа

Норвешка целосно ги затвора границите поради новите мутации на коронавирусот

Од четврток на полноќ Норвешка ќе ги воведе најстриктните правила на својата територија од 12 март. Како што најави премиерката...

Регион4 часа

Нов земјотрес кај Петриња

Земјотрес со јачина од 3 степени според Рихтеровата скала беше почувствуван во Хрватска синоќа во 00:28 часот во областа Петриња....

Македонија13 часа

Владата ја започна постапката за набавка на 200.000 дози инактивирана вакцина

Владата на вечерашната седница, ја усвои Информацијата за набавка на САРС-КоВ-2 инактивирана вакцина против Ковид-19. „ Со заклучок на Владата,...

Свет17 часа

„Мртвите“ вакцини како кинеските се поефикасни против новите видови коронавирус

Постои загриженост дека вакцините што се користат во целиот свет може да бидат помалку ефикасни против новите видови коронавирус, што...

Свет17 часа

„Оксфорд“ очекува набргу податоци за ефикасност на вакцината против британскиот сој

Универзитетот „Оксфорд“ очекува дека податоците за ефикасноста на вакцината што ја разви против британскиот сој на коронавирус ќе бидат готови...

Македонија18 часа

Над 20 лекари и медицински лица на Клиниката за нефрологија позитивни на коронавирус

Над дваесет здравствени работници од Клиниката за нефрологија се позитивни на коронавирусот, објави Министерството за здравство. Како што се наведува,...

Македонија20 часа

Британскиот сој на вирусот детектиран во приватна лабараторија во Скопје

Министерството за здравство информира дека денеска при анализа на податоци од позитивни ковид-пациенти во јануари, во приватната лабораторија за генетика...

Македонија22 часа

Војниците ќе можат да изберат опремнина од 1.000 евра за секоја година помината во Армијата

Професионалните војници кои ќе навршат 45 години возраст, доколку не сакаат да продолжат со работа во државна институција, ќе можат...

Македонија22 часа

Нови 394 случаи на коронавирус, оздравени се 387 пациенти, а починаа 9 лицa

Во последните 24 часа се направени 2.236 тестирања, а регистрирани се 394 нови случаи на ковид-19 во: Скопје – 190,...

Македонија22 часа

Две котларници на „Фагус“ од Пехчево испуштаат прашина и штетни гасови, велат од инспекторатот за животна средина

По претставка од граѓани, Државниот инспекторат за животна средина вчера изврши контрола на емисиите во дрвниот комбинат „Фагус“ во Пехчево....

Македонија23 часа

МВР за „Јавна соба“: Жртвите да пријават злоупотреби

„Секторот за комјутерски криминал и дигитална форензика при МВР презема мерки за расчистување на случајот. Го повикуваме секој граѓанин кој...

Македонија24 часа

По една година одново актуелна групата „Јавна соба“ – илјадници членови споделуваат експлицитни фотографии oд девојки

Една година по обелоденувањето на скандалот „Јавна соба“ за групата на социјалната мрежа „Телеграм“, каде илјадници членови споделуваа експлицитни фотографии...

Досие