Размената на информации и прекуграничната соработка се неопходни во борбата против Ковид-19, изјавија медицински советници од САД и Кина, во редок знак на солидарност, објави Кинеската медиумска група (ЦМГ).

Главниот медицински советник на американскиот претседател, Ентони Фаучи, разговараше со кинескиот експерт за респираторни заболувања, Џунг Наншан, на вебинар организиран од Универзитетот во Единбург.

Џунг ја пофали одлуката на американскиот претседател Џо Бајден да го обнови финансирањето на Светската здравствена организација (СЗО) како навистина добра вест.

За Џунг, СЗО поддржан од САД може да игра уште поголема улога во прераспределбата на вакцините против коронавирус.

„Десетина земји имаат околу 75 проценти вакцини“, предупреди поранешниот претседател на Кинеското медицинско здружение, кој повика на понатамошна меѓународна поддршка во Ковакс, глобална иницијатива за рамномерна дистрибуција на вакцините, поддржана од САД и Кина.

И Фаучи како Џонг е поборник за глобална вакцинација, бидејќи вирусот може да се размножи и потенцијално да мутира во земји со ниски стапки на вакцинација, што може да доведе до нов бран на вирусот.

Земјотрес со јачина од 6,2 степени според Рихтеровата скала ја погоди Грција, а потресот беше почувствуван и во Македонија.

Според податоците објавени на веб-страницата emsc-csem.org земјотресот се случил во 10 часот и 16 минути по локално време, односно во 11 и 16 часот по македонско време.

Потресот бил на длабочина од 10 километri, со епицентар на 23 километри од градот Лариса.

Претходно утрово имало два послаби земјотреси во Грција, со јачина од 2,8 и 2,6 степени според Рихтер.

Најмалку пет студенти загинаа во Боливија откако паднаа од четвртиот кат од зградата на Универзитетот Ел Алто во град недалеку од Ла Паз.

Несреќата се случила кога се срушила оградата на балконот. Видеото покажува голема група студенти кои се собираат на балконот кога оградата попуштила и студентите паднале.

Moment of the fall of students at the Public University of El Alto (UPEA)- Bolivia after railings were broken, following a fight between students. (02/03/2021) from CatastrophicFailure

„Досега имаме информации дека пет студенти загинале, додека тројца се на интензивна нега“, изјави министерот за внатрешни работи, Едуардо дел Кастиљо.

Несреќата се случила во зградата на Факултетот за финансии, каде што студентите во тој момент имале состанок.

Од терасата паднале најмалку осум студенти.