Двајца свештеници и три калуѓерки од Меѓудворје во Босна и Херцеговина се заразени со коронавирус. Тие се грижеле за напуштени деца без родители во установата „Мајчино село“, објавија босанските медиуми.

Заразените свештеници и калуѓерки веднаш биле ставени во изолација и се под надѕор на епидемиолози и здравствени експерти.

Во БиХ, според последните податоци, 354 луѓе се заразени со коронавирус, а шест починати.

Претставници на британската влада тврдат дека Кина шири дезинформации за сериозноста на епидемијата на коронавирус во својата земја, јави „Мејл“, пренесува „Бизнис инсајдер“.

Во извештајот на „Мејл“ се вели дека научниците го предупредиле Џонсон дека Кина може да го намали бројот на потврдени случаи за 15 до 40 пати. Кина изјавува дека има 81.439 заразени досега.

Официјалните лица исто така веруваат дека Кина се обидува да ја прошири својата економска моќ, нудејќи им помош на други земји кои се обидуваат да се борат против коронавирусот.

Весникот цитира тројца официјални претставници на Велика Британија, кои потврдија дека владата на Џонсон е бесна.

Еден рече дека после ова ќе се вратат на дипломатските разговори и оти ќе има преиспитување на односите.

Друг неименуван официјален претставник рече дека ќе мора да дојде до пресметка кога ќе заврши ова“, додека третиот рече дека самиот врв на владата е бесен.

Весникот додава дека владата на Џонсон е толку лута поради кинеското постапување со кризата што премиерот би можел да ја промени својата претходна одлука да кинеската телекомуникациска компанија „Хуавеи“ развива 5G мрежа во Велика Британија.

Американското Министерството за здравство соопшти дека ФДА одобрил лекарите по потреба да им ги пропишуваат тие лекови на адолесценти и возрасни пациенти кои биле хоспитализирани поради „Ковид-19“.

Повеќе земји започнуваат клинички испитувања за дејството на тие лекови врз коронавирусот, откако истражувањето на мал примерок покажал дека лековите можат да бидат ефикасни.

Претседателот на САД, Доналд Трамп, ги пофали тие лекови.

„Има големи шанси тие да имаат огромно влијание – рече тој, нарекувајќи ги Божји дар.

Контроверзниот француски доктор Дидиер Раулт, директор на IHU Mediterranee Infection во Марсеј, се залага за употреба на хлорокин во третманот на болеста. Тој поттикна сомневање кај многу други лекари кои предупредуваат дека испитувањето што го извршил на мал број пациенти не е спроведено во согласност со златните стандарди на клиничките испитувања, односно тој, меѓу другото, не користел контролна група на испитаници кои не примаат испитувана активна супстанција.