Во Унгарија во последните 24 часа се потврдени 6.278 нови случаи на Ковид-19, што е најголем број на новозаболени во последните три месеци, според официјалните податоци.

Уште 152 лица починаа од коронавирус, пренесува „Ројтерс“.

Во Унгарија се потврдени вкупно 446.178 случаи на Ковид-19 од почетокот на пандемијата, а починале 15.476 лица.

Во моментов, активни се 102.566 случаи на зараза, а 6.554 лица се на болничко лекување, од кои 639 се приклучени на апарати за дишење.

Светска банка проценува дека црногорската економија ќе доживее најголема рецесија на Западен Балкан оваа година, со рекорден јавен долг од скоро 100% од бруто домашниот производ.

Ваквата прогноза главно се должи на високата зависност на земјата од туризмот.

Светската банка исто така процени дека веќе и онака високото ниво на јавен долг ќе достигне врв од 98% од БДП во текот на 2021 година, а изградбата на втората делница од автопатот Бар – Боjаре би претставувала голем ризик за неговата одржливост.

Економското закрепнување ќе зависи од туризмот, но пандемијата со коронавирусот претставува сериозен ризик затоа што, доколку биде присутен и ова лето, тоа повторно ќе има негативни последици за туристичката сезона, предупредуваaт експертите.

Експертите денес ја проценуваат штетата по земјотресот со јачина од 6,3 степени, што го погоди централниот дел на Грција, кога 11 лица беа повредени, а стотици згради беа оштетени.

Десетици жители на селата Дамаси и Месохори, северно од Атина, ја поминале ноќта надвор.

Ним им е обезбедено сместување во шатори и хотели во блиските градови Трикала и Лариса, објави Цивилната заштита.

Синоќа се почувствуваа повеќе земјотреси, а најсилниот беше со јачина од 5,2 степени.

Екипи прегледуваа куќи, како и училишта кои денес се затворени поради претпазливост, болници и други јавни згради.

Меѓу оштетените згради има четири цркви, од кои едната е од 17 век, соопшти Министерството за култура.

Земјотрес со јачина од 6,3 степени според Американскиот геофизички институт, односно шест степени според податоците на Атина, беше регистриран вчера нешто пред 12 часот.

Епицентарот бил на 238 километри северно од Атина и на длабочина од осум метри, објави Атинската опсерваторија.