Контакт

Свет

Русија од утре спроведува вежби за стратешки нуклеарни сили

Објавено пред

Руската војска оваа недела ќе преземе сеопфатни вежби на своите стратешки нуклеарни сили. Руското Министерство за одбрана соопшти дека тридневните вежби ќе почнат утре и дека во нив ќе учествуваат 12.000 војници, 213 ракетни лансери, 105 авиони, 15 воени брода и пет подморници.

Во соопштението се наведува дека вежбите ќе содржат и практично лансирање ракети.

Генерал-мајор Јевгениј Илјин, шеф на одделението за меѓународна соработка на министерствата, рекол дека две интерконтитнентални балистички ракети ќе бидат лансирани кон цели што се наоѓаат на полуостровот Камчатка.

Тој додал дека стратешките бомбардери исто така ќе испалат крстосувачки ракети на неколку цели. Русија во последните години го прошири опсегот на воени вежби во моменти на зголемени тензии со Западот.

Свет

Палестина нема да претседава со Арапската лига поради договорите за нормализација со Израел

Објавено пред

Палестина се откажа од правото да го преземе ротирачкото претседателство со Арапската лига во знак на протест против неодамна потпишаните договори за нормализирање на односите на Обединетите Арапски Емирати (ОАЕ) и Бахреин со Израел, пренесува „Франс24“.

„Државата Палестина одбива да ја забележи во својата историја поврзаноста на нејзиното претседателство со регресијата во вредностите и принципите што беше очигледна на последниот состанок на советот на министри за надворешни работи“, се наведува во соопштението.

Оваа одлука е донесена по ставот на поддршка што го зазеде Секретаријатот на Арапската лига кон ОАЕ и Бахреин, кои ги нормализираа своите односи со Израел притоа прекршувајќи ја Арапската мировна иницијатива. Одредени влијателни арапски држави одбија да го осудат прекршувањето на Иницијативата “, изјави палестинскиот министер за надворешни работи, Ријад ал Малики, на прес-конференција во Рамалах.

Ал Малики, сепак, истакна дека Палестина нема да се повлече од Арапската лига.

Палестинците претседаваа со последната седница на советот на почетокот на овој месец и требаше да останат во улогата до март. Нивната делегација поднесе предлог-резолуција на состанокот на советот, на кој се собрани министрите за надворешни работи на 22-члениот блок, за осуда на договорот за нормализација.

На 9 септември, панарапското тело не издаде резолуција со која го осудува потегот на Абу Даби и Манама за нормализирање на нивните односи со Израел.

Состанокот во Каиро се случи пред друг ваков договор кој Бахреин го објави со еврејската држава. И двата договора беа потпишани во Вашингтон на 15 септември. Договорите во Заливот се во спротивност со долгогодишната политика на Арапската лига за израелско-палестинскиот конфликт и беа осудени од Палестинците како предавство.

Во 2002 година, блокот усвои мировен план предложен од Саудиска Арабија, кој беше обновен неодамна во 2017 година. Тој понуди нормализација само за возврат за целосно повлекување на Израел од териториите што ги окупираше во Шестдневната војна во 1967 година, палестинска држава со источен Ерусалим како главен град и праведно решение за палестинските бегалци.

Арапскиот план го тргна настрана американската администрација, која по неколку одложувања го објави контроверзниот мировен план во јануари, кој предвидува анексија на делови од окупираниот Западен брег од страна на Израел.

Владата на ОАЕ ја поздрави клаузулата од договорот со посредство на САД со која израелскиата анексија се става во мирување, но Израел посочи дека секое одложување ќе трае кратко и дека неговите планови за анексија остануваат на маса.

Прикажи повеќе...

Свет

Турција: Санкциите на ЕУ за турската поморска компанија се пристрасни

Објавено пред

Турција денес ја критикува одлуката на Европската Унија за наметнувањето санкции врз турската поморска компанија обвинета за кршење на ембаргото за оружје за Либија воведено од ОН како доказ за двојни стандарди на ЕУ, пренесува РТ.

ЕУ претходно го замрзна имотот на „Аврасија шипинг“, чиј товарен брод „Циркин“ беше вклучен во поморскиот инцидент меѓу Франција и Турција и двете членки на НАТО во јуни. Брисел ја обвини компанијата дека го користела бродот за шверц на оружје во Либија. Анкара го негира тврдењето за трговија со оружје велејќи дека бродот носел хуманитарна помош.

„За нас нема вредност додавањето на нашата поморска компанија на списокот со санкции во контекст на Либија што произлезе од состанокот на Советот за надворешни работи на ЕУ. Многу жално што е донесена толку погрешна одлука кога се прават напори да се намалат тензиите во источен Медитеран. Операцијата ‘Ирини’ на ЕУ го поддржува либискиот воен лидер Калифа Хафтар и ја казнува владата за национално единство призната од ОН“, се вели во соопштението на турското Министерство за надворешни работи.

Воената операција, одобрена од министрите за надворешни работи на ЕУ на 31 март годинава, се спроведува од воздух, на море и со сателити за да се осигури дека сите земји ја почитуваат забраната за обезбедување оружје на страните вклучени во либискиот конфликт.

„Додека помошта што нашата земја ѝ ја дава на легитимната влада е опишана како кршење на ембаргото, игнорирањето на земјите и компаниите што му испраќаат оружје на пучистот Хафтар по копно и воздух, особено ОАЕ, е јасен показател за пристрасниот став на ЕУ“, велат од Министерството.

Во соопштението се вели дека ако ЕУ сака безбедност и стабилност во регионот, треба да се откаже од овој пристрасен став и да дејствува во консултација и соработка со Турција.

Сепак, ЕУ воведе санкции и за уште две други компании: казахстанската „Сигма ерлајнс“ и „Јорданс мед вејв шипинг“ и против двајца Либијци. Еден од нив е Махмуд ал-Верфали за кој ЕУ вели дека е командант во источна Либија, одговорен за убиството на 33 лица и едно масовно погубување. Вториот е Муса Дијаб кого официјалните претставници на ЕУ го обвинија за трговија со луѓе, силување и за убиство на бегалци.

Според либискиот премиер Фајез ал-Сараџ, иако операцијата има цел да го спроведе ембаргото на ОН за вооружување на завојуваните страни на Либија, главно се фокусира на поморските активности во Средоземното Море, а страната на Хафтар – непријател на легитимната либиска администрација – продолжува да прима оружје и муниција главно по воздух и копно, пренсува „Анадолија“.

Во Либија владее граѓанска војна од соборувањето на повеќедеценискиот лидер Моамер Гадафи во 2011 година. Во 2015 година беше формирана влада на национално единство според договорот предводен од ОН, но напорите за долгорочно политичко решение не успеаја поради воената офанзива од страна на силите лојални на пучистот Калифа Хафтар.

ОН ја признаваат владата предводена од премиерот Фајез ал-Сараџ како легитимен претставник на земјата што се бори против нападите на Хафтар. Дипломатските напори за постигнување решение за либискиот конфликт сè уште траат по низата победи на либиската Армија против милициите на Хафтар.

Прикажи повеќе...

Европа

Франција загрижена поради зголемената смртност во старските домови

Објавено пред

Бројот на инфекции со коронавирус и смртни случаи во домовите за стари лица во Франција повторно се зголемува, првпат по неколку месеци.

Семејствата на корисниците стравуваат дека властите не научиле доволно од првиот бран на пандемијата, кога постарите жители биле затворени во старските домови, а вработените немале заштитна опрема, пишува АП.

Од 31.338 лица за кои е потврдено дека починале од коронавирус во Франција, повеќе од 14.000, или речиси половина, живееле во старски домови.

Францускиот претседател, Емануел Макрон, посети старски дом во време кога владата се обидува да се справи со повторниот пораст на бројот на заболени од коронавирус, додека истовремено смета дека училиштата треба да работат, а вработените да одат на работа.

Стратегијата на Владата дека земјата треба да научи како да живее со вирусот во јавноста сè повеќе се преиспитува.

Франција во моментов известува за неколку илјади нови случаи на ден и повеќе од 80 нови инфекции на 100.000 жители неделно, што е меѓу највисоките биланси во Европа, која бележи забрзано ширење на вирусот.

Бројот на пациентите во болниците и на интензивна нега постојано расте.

Додека најголем број нови инфекции по карантинот во текот на летото беше забележан кај помладите луѓе, француската јавна здравствена служба сега предупредува дека вирусот е најраспространет кај луѓето постари од 75 години, кои се најранлива популација.

Десетици нови кластери и 89 смртни случаи се пријавени во домовите за стари лица во неделата од 7 септември, што е прво значително зголемување по неколку месеци.

Сè повеќе домови повторно ги затвораат вратите за посетителите.

Јавното здравство предупредува дека зголемениот број жаришта и смртни случаи во домовите за стари лица и зголемувањето на бројот на заболени кај луѓето постари од 75 години е „значаен сигнал“ дека Французите треба подобро да се заштитат себеси и постарите лица.

Прикажи повеќе...

Најново

Македонија2 часа

Пет лица починаа од коронавирус, потврдени се 88 нови случаи во Македонија

Министерството за здравство информира дека во последните 24 часа се направени 1.618 тестирања, а регистрирани се 88 нови случаи на...

Македонија3 часа

(Видео) Филипче: Состојбата со вирусот повторно се влошува, ако е потребно ќе има рестрикции

Министерот за здравство, Венко Филипче, на денешната прес-конференција најави дека за есенва се размислува за воведување на повеќе мерки како...

Македонија4 часа

Мицкоски ги повика граѓаните утре да излезат на протест против неправдата и мафијата

Лидерот на ВМРО-ДПМНЕ, Христијан Мицкоски, повика на нов протест што ќе се одржи утре во 18.30 часот. Како што порача...

Економија4 часа

(Видео) Бектеши: Субвенциите за етнички вработувања се дел од изгласаната владина програма

Вработувањата кои ќе поттикнат добри меѓуетнички односи се вметнати во Владината програма која е изгласана од Собранието, изјави министерот за...

Свет5 часа

Русија очекува до 15 октомври да регистрира втора вакцина против коронавирус

Русија очекува до 15 октомври да регистрира уште една, втора по ред, потенцијална вакцина против коронавирус, јави агенцијата ТАСС повикувајќи...

Европа6 часа

Шведска нема да ги вакцинира децата против коронавирусот

Шведската влада нема да препорача вакцина против коронавирусот за деца на возраст под 18 години. Според шведските експерти, децата го...

Спорт7 часа

Италијански судија убиен во својот дом

Италијанскиот фудбалски судија Даниеле Де Сантис (33) и неговата девојка Елеонора Манта (30) биле убиени во домот на судијата во...

Македонија7 часа

Училишниот час ќе трае пократко од 40 минути, постои можност и учебната година да заврши порано

Собранието вчера вечерта ги изгласа измените на Законите за основно и средно образование со кои се обезбедува непречено организирање на...

Македонија7 часа

Од почетокот на пандемијата во Македонија починаа 700 лица

Од почетокот на пандемијата досега починаа 700 лица, откако вчера беше потврдена смртта на уште 7 пациенти. Меѓу починатите вчера...

Свет8 часа

„Сите мораме да соработуваме“, порачаа светските лидери на годишнината на Обединетите нации

Светските лидери за време на специјалната сесија на ООН посветена на 75-годишнината од основањето на таа организација се согласија дека...

Македонија8 часа

Собраниска седница за избор на заменик-министри во Владата

Собранието денеска треба да ја одржи 13-тата седница на чиј дневен ред е предлогот за именување на заменик-министри во Владата....

Македонија8 часа

Пендаровски: Неопходни се силни Обединети нации, реформирани и прилагодени на новата реалност

Претседателот Стево Пендаровски преку видеопорака се обрати на настанот на високо ниво, што по повод 75-годишнината од формирањето на Организацијата...

Македонија10 часа

Димитров во прва работна посета на Брисел од формирањето на новата Влада

Заменик-претседателот на Владата задолжен за европски прашања, Никола Димитров, денеска ќе престојува во работна посета на Брисел, што всушност е...

Македонија19 часа

Игор Јанушев се повлече од функцијата

Централниот комитет на ВМРО-ДПМНЕ вечерва избра нови членови на Извршниот комитет на партијата. Генералниот секретар на партијата, Игор Јанушев, се...

Македонија19 часа

(Видео) Мицкоски: Предложив вонреден конгрес на кој јас нема да бидам претседател, но предлогот беше одбиен

Лидерот на ВМРО-ДПМНЕ, Христијан Мицкоски, предложил вонреден конгрес за избор на нов лидер, каде што тој нема да се кандидира,...

Македонија1 ден

Седум лица починаа од коронавирус, потврдени се 45 нови случаи

Министерството за здравство информира дека во последните 24 часа се направени 552 тестирања, а регистрирани се 45 нови случаи на...

Свет1 ден

СЗО ѝ се заблагодари на Русија за напорите за развој на безбедна и ефикасна вакцина против коронавирусот

Првата официјално регистрирана вакцина против Ковид-19, развиена од Институтот за епидемиологија и микробиологија при Научноистражувачкиот центар „Гамалеја“, сега се наоѓа...

Македонија1 ден

Пратениците на Беса го напуштија СДСМ во Собранието, но договорот за коалиција не се растура

Четворицата пратеници на партијата Беса од денеска во Собранието нема да дејствуваат како дел од коалицијата со СДСМ туку како...

Македонија1 ден

Станиците Битола 1 и Миладиновци не мерат ПМ10 оти дотраените инструменти биле извор на радијација

Мерните станици се во функција, но дел од инструментите кои ги мерат ПМ10-честичките не работат, велат од Министрството за здрава и...

Македонија1 ден

Драма во Струмица: Роднини насилно го однеле телото на починат пациент, заедно со болничкиот кревет

Роднини и пријатели на пациент кој починал во струмичката болница насилно го зеле телото сосе болничкиот кревет и преку оградата...

Досие