Контакт

Свет

Русија реагира на повлекувањето на САД од „Отворено небо“: Тие ѝ зададоа удар на европската безбедност

Објавено пред

По објавувањето на Соединетите Американски Држави дека ќе се повлечат од договорот „Отворено небо“, повикувајќи се на кршење на пактот од страна на Русија, Москва рече дека СоединетитеАмерикански Држави ѝ задале удар на европската безбедност.

Договорот „Отворено небо“ беше потпишан пред 18 години од 35 земји. Со договорот е дозволено членките да вршат невооружени набљудувачки летови над своите територии со цел да промовираат доверба и да спречат конфликти.

„Повлекувањето на Соединетите Американски Држави од тој договор претставува удар не само врз темелите на европската безбедност туку и на инструментите на постојната воена безбедност и важните безбедносни интереси на американските сојузници“, рече заменик-министерот за надворешни работи на Русија, Александар Грушко.

Тој посочи дека ова не е билатерален, туку мултилатерален договор.

„Ваквата ненадејна одлука ќе влијае на интересите на сите учесници без исклучок … Ништо не го спречува продолжувањето на разговорите за овие технички прашања што САД денес ги претставуваат како руско кршење на договорот“, додаде Грушко и го обвини Вашингтон дека го уништил инструментот што во последните 20 години им служеше на интересите на мирот и безбедноста во Европа.



©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Европа

Шефот на германската дипломaтија ги поддржа протестите во САД

Објавено пред

Германскиот министер за надворешни работи, Хајко Мас, ги поддржа протестите во САД поради убиството на Афроамериканецот за време на брутално полициско приведување и поради поширок проблем на системскиот расизам.

„Протестите против расизмот се разбирливи и се повеќе од легитимни. Се надевам дека тие нама веќе да бидат насилни, но уште повеќе се надевам дека ќе влијаат на состојбата во САД“, рекол Мас.

Смртта на Џорџ Флојд ја нарече грозна и шокантна и побара разјаснување на неговата насилна смрт. Тој побара и истрага на нападот на телевизиската екипа на „Дојче веле“ во Минеаполис.

„Секое насилство кон новинари мора не само да се критикува туку и да се истражи и разјасни за новинарите да бидат заштитени за време на вршењето на својата работа“, додал Мас.

Прикажи повеќе...

Свет

Трамп: Многу уапсени, одлично завршена работа

Објавено пред

Американскиот претседател, Доналд Трамп, ја пофали примената на сила, која синоќа полицијата ја применила врз демонстрантите.

Трамп се огласи на „Твитер“, каде што изнесе податоци дека во Вашингтон синоќа немало проблеми.

„Има многу уапсени, но одлично сите си ја завршиле работата. Преголема сила. Доминација. Исто така, Минеаполис беше одличен (благодарам, претседателе Трамп)“, напиша тој.

Афроамериканецот Џорџ Флојд почина кога брутално го приведоа четворица полицајци во Минеаполис, што предизвика протести во САД, кои во повеќе делови прераснаа во насилни.

Прикажи повеќе...

Свет

Пропалестинска група тврди дека израелската ИДФ ја обучува американската полиција на расистички тактики

Објавено пред

Пропалестинска група го обвини Израел за смртта на голем број Афроамериканци во рацете на американските полицајци тврдејќи дека ИДФ ја обучува американската полиција на тактики што водат до кршење на човековите права, пренесува „Џерусалем пост“.

Американската кампања за палестински права (УСЦПР) ги објави обвиненијата на „Твитер“ во петокот пишувајќи:

„Израелската војска ја обучува американската полиција на расистичка и репресивна полициска тактика, која систематски ги таргетира Афроамериканците. Неодамнешните убиства на Џорџ Флојд, Бреона Тејлор и Ахмауд Арбери се примери на расистичко системско насилство“.

Твитот содржи линк до статијата од 2016 година на веб-страницата на „Амнести интернешнл“ во САД со наслов „Со кого тренираат многу американски полициски оддели? Со хроничниот прекршувач на човековите права – Израел“.

Написот детаљно опишува како полицајците од полициските оддели во Балтимор, Флорида, Њу Џерси, Пенсилванија и Калифорнија, меѓу другите, добиле обука од израелските полициски, воени и разузнавачки служби во САД.

„Овие обуки ја ставаат полицијата во Балтимор и другите американски полицајци во рацете на воените, безбедносните и полициските системи, кои со години имаат документирано кршење на човековите права“, тврди „Амнести“ пред да продолжи да ја обвинува израелската полиција за извршување вонсудски егзекуции и други незаконски убиства, лошо постапување и тортура (дури и против деца), задушување на слободата на изразување/здружување, вклучително преку надзор на владата и прекумерна употреба на сила против мирни демонстранти.

Статијата продолжува: „Јавните или приватните фондови потрошени за обука на нашата домашна полиција во Израел треба да нè засега сите нас. Многу од документираните злоупотреби и нарушувања се исти како оние кај израелската армија, безбедносните и полициските сили“.

УСЦПР ги поддржа обвинувањата на „Амнести“ привлекувајќи паралели помеѓу движењето „Блек лајвс медр“ и пропалестинскиот активизам објавувајќи дека смртта на Флојд, Тејлор и на Арбури се резултат на инвестирање во насилен и антицрнечки полициски систем.

Твитот истакнат од организацијата, со тоа што е поставен на врвот на нивната страница, гласи: „Колективното ослободување бара да застанеме зад борбата за слобода на сите угнетени луѓе. Во согласност со нашата визија за слобода, правда и еднаквост за палестинскиот народ во свет без расизам се залагаме за солидарност со визиите за правда за црнечките заедници“.

Како одговор на твитот што се поврзува со написот на „Амнести“, поранешниот член на Кнесетот, д-р Еинат Вилф, твитна:

„Ах, да, секако. Затоа што нема апсолутно ништо во американската историја што ќе ја објасни полициската бруталност против црнците. Тоа мора некако да го вклучи Израел. Мислев дека само Палестинците немаат агенција, сега и на американските полицајци им недостига – нивните постапки се одредени од ционистичките куклари“.

Брајан Леиб, поранешен национален директор на „Американците против антисемитизмот“, во изјава за „Џуиш џурнал“ рече:

„Овие лажни обвинувања од кампањата за палестинските права и „Амнести интернешнл“ се одвратни и целосно лажни. Точно е дека тимови за специјални операции од локалните и државните полициски оддели, како SWAT, тренираат со Израел, но просечниот полицаец никогаш не добил обука од Израел! Дали „Твитер“ и Џек Дорси ќе ги проверат фактите во денешното ширење лаги за Евреите?“

 

Прикажи повеќе...

Најново

Македонија1 час

Од денес во изолација 60 полицајци на служба во Гевгелија поради позитивен колега странец

Шеесетина полицајци, кои ја чуваат јужната граница на Македонија поради постојаната опасност од нов мигрантски бран, од денес се во...

Македонија3 часа

Случај „Рекет“: Навреди и критики кон Русковска и Камчеви во завршните зборови на Јанева

Со критики и навредливи зборови за Орце и Ана Камчеви, обвинетата Катица Јанева ги даде своите завршни зборови во судот...

Македонија3 часа

67 новозаразени, еден починат и нов кластер во Тетово

Во последниве 24 часа од 868 тестови, регистрирани се 67 позитивни пациенти на коронавирусот, информираше министерот за здравство, Венко Филипче. Еден...

Македонија3 часа

На 18 јуни пресуда за случајот „Рекет“

За две недели, односно на 18 јуни судот ќе ја изрече пресудата за случајот „Рекет“ во кој обвинети се Бојан...

Македонија4 часа

Бухова: Завршени се 100 од 485 тестови на вработени во конфекциските фабрики во Штип

Директорката на Државниот здравствен и санитарен инспекторат Ирина Бухова вели дека будно се следи состојбата со кластерите на новозаразени од...

Регион6 часа

Цело одделение во Марибор во карантин, еден ученик позитивен на коронавирус

Сите ученици од една паралелка од трето одделение во основно училиште во Марибор, Словенија, се во 14-дневен карантин, откако на...

Македонија7 часа

Портпаролката на СДСМ во самоизолација

Портпаролката на СДСМ, Богданка Кузеска, е во самоизолација затоа што имала средба со директорката на УЈП, Сања Лукаревска, која е...

Регион8 часа

Црна Гора 28 дена без нови случаи, исполнети се условите за крај на епидемијата

Во Црна Гора се исполнети условите за прогласување крај на епидемијата на коронавирус, изјавил Сенад Бегиќ, помошник-директор на Институтот за...

Свет8 часа

(Видео) Четворица полицајци ранети во пукање во Сент Луис, во Бафало возило влета во полициски кордон

Насилните протести во САД продолжија откако минатата недела во полициско апсење беше убиен Џорџ Флојд, а Би-би-си јавува дека имало...

Свет9 часа

Чешка на 15 јуни ги отвора границите за 29 земји

Чешката влада соопшти дека од 15 јуни на граѓаните на таа земја ќе им биде дозволено да патуваат во 29...

Спорт9 часа

Барселона криела дека во тимот има заразени со коронавирусот

Шпанците се подготвуваа за ре-старт на сезоната, која беше прекината поради пандемијата на вирусот Ковид-19. Клубовите пред три недели добија...

Европа10 часа

Во Шпанија првпат од март нема нови смртни случаи од коронавирус

Во Шпанија во последните 24 часа не се пријавени смртни случаи од коронавирус, првпат од март, соопштија здравствените власти на...

Свет10 часа

(Видео) Трамп најави дека ќе испрати илјадници тешко вооружени војници на улиците

Претседателот на САД, Доналд Трамп, се закани дека ќе испрати војска на улиците за да ги задуши граѓанските немири во...

Свет21 час

(Видео) Се огласи братот на Џорџ Флојд: Тој беше џин со нежно срце, немаше да поддржи насилни протести

Теренс Флојд, помладиот брат на Џорџ Флојд, се обидува да ја смири ситуацијата по жестоките и масовни портести кои избувнаа...

Свет21 час

СЗО: Нема докази дека коронавирусот сега е послаб

Нема докази дека коронавирусот ја сменил формата на пренесување или дека се променила тежината на болеста што ја предизвикува, велат...

Македонија22 часа

Судниците и просториите во зградата на Кривичниот суд се подготвуваат за продолжување на судењата

Основниот кривичен суд Скопје, по добивање на одлуката на Судскиот совет за судење на сите насрочени судења, која беше објавена...

Македонија1 ден

Филипче: Бројки како вчерашните и денешните очекуваме и во следните неколку дена

Министерот за здравство, Венко Филипче, вели дека се очекува бројката на новодијагностицирани од Ковид-19 и во следниве 2-3 дена да...

Македонија1 ден

Филипче: Над 70 отсто од новите случаи се од познати кластери

Министерот за здравство, Венко Филипче, вели дека 70 отсто од новозаболените од Ковид-19 од Скопје се од веќе познати општини...

Македонија1 ден

Османи: Засега нема предлог за воведување полициски час во одделни скопски општини

Засега нема предлог до Кризниот штаб и Владата за воведување полициски час во одделни општини низ Скопје, каде бројот на...

Македонија1 ден

Седум починати и 89 нови случаи на коронавирус во Македонија

Во изминатите 24 часа во државава се потврдени 89 нови случаи на коронавирус и седум смртни случаи, соопшти Министерството за...

Досие