Во текот на викендот на социјалната мрежа „Bluesky“ се појави закана за атентат врз американскиот милијардер Илон Маск.

Еден корисник објави фотографија на која се гледа како Илон Маск стои на тротоарот додека една личност држи пиштол вперен во негова насока, објави денеска Newsweek.

Објавата очигледно беше отстранета од Bluesky, која се смета за алтернатива на X платформата на Маск.
Во објавата објавена денеска, корисникот напишал дека објавата е отстранета затоа што, како што навел, „куп бебиња кои плачат се пожалиле на модераторите“.

Маск, заедно со претприемачот Вивек Рамасвами, беше назначен од новоизбраниот американски претседател Доналд Трамп да го води Одделот за владина ефикасност во неговата администрација.

„Њујорк тајмс“ во септември објави дека безбедноста на Маск е значително зголемена бидејќи тој станал попознат и имал повеќе контакти.

Маск го чуваат повеќе од 20 безбедносни професионалци кои носат оружје, а со него иде и медицински експерт, пишува весникот.

Австрија ќе го укине ветото за прием на Романија и Бугарија во полноправно членство во Шенген зоната за слободно движење, соопшти денеска австриското Министерство за внатрешни работи.

Потегот на Австрија го отвора патот министрите за внатрешни работи на Европската унија да го одобрат потегот на состанокот во четврток, пренесува Ројтерс.

Министерот за внатрешни работи Герхард Карнер наведува дека Австрија смета дека сега е време за понатамошни чекори во процесот на проширување на Шенген зоната и дека за ова прашање ќе се разговара на следниот состанок на Советот на ЕУ за правда и внатрешни работи.

Претседателот на Украина, Володимир Зеленски денеска оцени дека режимот на сирискиот претседател Башар ал Асад паднал бидејќи сите руски војници се префрлени во Украина, каде, како што рече, има речиси 800.000 и го повтори повикот за помош од западните партнери.

„Зошто ни е потребна помош и доверба од нашите партнери? Затоа што гледаме што е Украина и каква е војната во Украина. Гледаме дека режимот на Асад падна затоа што таму нема навистина моќни руски војници. Да бидеме искрени, сите беа префрлени во Украина. Речиси 800.000 руски војници се на територијата на Украина и тоа укажува дека армијата на оваа псевдо-империја се бори против украинскиот народ“, рече Зеленски на средбата во Киев со премиерот од Естонија, Кристен Михал, пренесе Укринформ.

Тој истакна дека земјите треба да разберат дека силата на Украина зависи од тоа дали армијата во Русија е силна и додаде дека „целиот успех на светот лежи во обединувањето околу Украина“.