Свет

Руслан Бортник: Актуелната украинска влада не може објективно да ги истражи настаните на „Мајдан“

Објавено пред

1 недела

- 18 февруари, 2021

Од

Седмата годишнина од протестите на „Мајдан“ во февруари 2014 година нема да стане пресвртна точка во истрагата за смртните случаи за време на митинзите и казнувањето на одговорните за трагедијата, изјави директорот на Украинскиот институт за политика, Руслан Бортник, за ТАСС.

„Не треба да очекуваме објективна истрага од оваа влада. Оваа влада се оддалечува на десно флертувајќи со радикалите, го избра својот курс. По промената на владата во Украина, исто како и во 2019 година, повторно ќе се појави шанса за објективна истрага, но не мора да значи дека ќе биде искористена“, изјави експертот.

Тој истакна дека актуелната украинска влада сè уште живее во циклусот „Мајдан“ претставувајќи ги неговите победници.

„Се обидува да ја зачува оваа победа и да ја зајакне на кој било начин. Само целосната истрага на оваа трагедија ќе има клучно значење за Украина како држава“, рече Бортник додавајќи дека без неа Украина ќе остане поделено општество.

На 21 ноември 2013 година, една недела пред предвиденото потпишување на Договорот за асоцијација меѓу Украина и ЕУ на самитот на источното партнерство во Вилнус, украинската влада објави прекинување на процесот на подготовки за потпишување на тој договор.

Тоа предизвика масовни немири во центарот на Киев, кои на крајот резултираа во тримесечен судир, попознат како евромајдан или едноставно Мајдан, на централниот плоштад во Киев. Демонстрантите зазедоа голем број административни згради и ги свикаа т.н. вооружени сили за самоодбрана, кои влегоа во отворен судир со полицијата.

На 20 февруари 2014 година, дури 53 лица беа убиени од неидентификувани снајперисти во центарот на Киев. Повеќе од 100 лица беа жртви на пресметката на 18 до 20 февруари, а повеќе од 100 беа ранети. Според украинското МВР, повеќе од 1.000 полицајци и специјалци биле ранети во периодот од 21 ноември 2013 година и 20 февруари 2014 година.

Сепак, украинските обвинителни органи замижаа за истрагата на овие факти. Режимот што ја презеде власта потоа ја префрли вината за овие злосторства врз полицајците од интервентната единица „Беркут“. Во мај 2015 година Окружниот суд во Киев почна да ја разгледува основаноста на случајот против поранешните офицери во „Беркут“, кои се обвинети за свесно извршување криминални наредби за употреба на оружје, злоупотреба на моќ, нелегално ракување со оружје, како и терористички напад. Ниту еден од нив не се изјасни виновен за ниту едно од обвиненијата.

©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Поврзани Артикли:

Следно

Турција уапси петмина Руси и Либиец во близина на границата со Сирија

Претходно

Рига ќе ги казнува граѓаните за гледање нелегални прекугранични канали

Свет

(Видео) Израел повторно ја гранатира Сирија

Објавено пред

1 час

- 28 февруари, 2021

Од

Макфакс

Израел повторно ја гранатира Сирија, соопшти сириската државна агенција.

Израел ги гранатира иранските позиции во близина на Дамаск. Како што пренесе АФП, сириските сили успеваат да ги пресретнат ракетите.

🇸🇾 : Les défenses anti-aériennes syriennes protègent Damas contre les récentes frappes aériennes israéliennes.@Syria_Protector pic.twitter.com/f5QcDigKjE
— MENActualité (@MENA_frcais) February 28, 2021

Израелските медиуми првично јавуваат дека гранатирањето на Сирија е одговор на нападот на израелскиот број од страна на Иран во Оманскиот залив.

Засега нема информации дали има жртви.

Израел често извршува напади на територијата на Сирија. Повеќето негови цели се складишта со оружје и позициите на либанското движење Хезболах, како и проиранските сили кои се борат на страната на Башар Асад.

ok now Seriously lets go back to business even that i m high #israel is gonna bomb the shit of #iran after that ship attack
Location is ,,,,, best runner up … #Syria
Prepare booose chips … a roller coaster about to begin
— ܡܐܪܝܘ 🇱🇧🇬🇧 (@MarioLeb79) February 28, 2021

Прикажи повеќе...

Регион

Карантин за Подгорица и уште неколку градови во Црна Гора

Објавено пред

3 часа

- 28 февруари, 2021

Од

Макфакс

Комисијата за заштита на населението од Ковид-19 на предлог на Институтот за јавно здравје, денеска донесе нови мерки.

Според нив, неколку градови во Црна Гора ќе бидат во карантин, вклучувајќи ги Подгорица, Цетиње и Херцег Нови.

Како што беше соопштено, забраната ќе стапи на сила во вторник, на 2 март, а покрај мерките што продолжуваат да важат во општините Будва и Тиват, на граѓаните ќе им биде забрането да ги напуштаат и териториите на Подгорица, Цетиње, Улцињ, Херцег Нови, Никшиќ и Плужине, пренесува „Вијести“. Целосно забранета ќе биде работата на угостителските објекти.

Овие мерки ги ослободуваат оние граѓани кои го напуштаат градот поради редовни работни задачи и врз основа на потврда на работодавачот, понатаму лицата кои одат на преглед со медицинска документација или се грижат за лица кои не можат да се грижат за себе поради болест или повреда.

Ослободени се и студентите кои патуваат од своето место на живеење до седиштето на високообразовната установа, врз основа на потврда на таа институција, односно уредно пополнетиот и заверен индекс.

Прикажи повеќе...

Европа

Потврдено присуството на бразилскиот вид на коронавирус во Велика Британија

Објавено пред

3 часа

- 28 февруари, 2021

Од

Макфакс

Агенцијата за јавно здравје на Англија објави дека е потврдено присуство на бразилскиот сој на коронавирус, кај шест пациенти во Велика Британија, пренесува „Гардијан“.

Весникот наведува дека три случаи на зараза со новиот вид биле откриени во Англија и три во Шкотска.

Повеќе од 20 милиони луѓе во Велика Британија примиле барем една доза вакцина против коронавирусот, објави денеска министерот за здравство, Мет Ханкок.

„Ова е величествено достигнување за нашата земја. Вакцината е нашиот излез. Кога ќе добиете покана, вакцинирајте се“, напиша Ханкок на „Твитер“.

Прикажи повеќе...