Контакт

Свет

САД: Имаме информации дека Русија крои планови за инвазија на Украина

Објавено пред

САД тврдат дека имаат информации оти Русија подготвила група оперативци за спроведување тајна лажна операција (т.н. false flag operation, што означува напад на сопствените сили со намера да се добие изговор за вистинската цел) за да си отвори можност за инвазија на Украина, изјави американски официјален претставник за Си-ен-ен.

Неименуваниот функционер објаснил дека САД имаат докази оти оперативците обучени за урбана војна и употреба на експлозиви ќе вршат саботажи насочени кон руските сили.

Портпаролот на Пентагон, Џон Кирби, рече дека Министерството за одбрана има веродостојни информации што укажуваат дека Русија предложила група оперативци да спроведе операција организирана да изгледа како напад врз нив или врз луѓе што зборуваат руски во Украина за да се создаде причина за потенцијална инвазија.

Ова доаѓа по соопштението на украинското Министерство за одбрана, во кое се наведува дека руски специјални служби подготвуваат провокации против руските сили во обид да ја поткопаат Украина.

Советникот за национална безбедност, Џејк Саливан, го навести ова за време на брифингот со новинарите во четвртокот.

„Нашата разузнавачка заедница има информации дека Русија поставува основа за можност за измислување изговори за инвазија“, рече Саливан додавајќи дека ваквата стратегија е веќе видена во 2014 година.

Украинското Министерство за одбрана денеска соопшти: „Воените единици на земјата агресор и нејзините сателити добиваат наредба да се подготват за такви провокации“.

Дмитриј Песков, портпарол на рускиот претседател Владимир Путин, негира дека Москва се подготвува за провокации во Украина.

„Сите тие изјави досега се неосновани и со ништо не се потврдени“, рече Песков.

Американскиот официјален претставник, пак, за Си-ен-ен тврди дека ваквите акции од руска страна би можеле да почнат набргу.

„Руската војска планира да ги почне овие активности неколку недели пред воената инвазија, која би можела да почне помеѓу средината на јануари и средината на февруари“, рече претставникот.

САД исто така тврдат дека влијателни луѓе во Русија почнале да ја подготвуваат и охрабруваат руската јавност за интервенција.

„Ова вклучува сè порадикален наратив за кршење на човековите права во Украина и милитантни пораки за украинските лидери“, наведуваат американските служби.



©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет

Северна Кореја продолжува со тестирања – лансирани две балистички ракети

Објавено пред

Северна Кореја денеска од аеродромот во Пјонгјанг истрела два проектили за кои постои сомневање дека се балистички ракети со краток дострел (СРБМ).

Ова е, како што беше проценето, четврти тест овој месец, како дел од напорите на Пјонгјанг да демонстрира растечки ракетен арсенал, оценува „Ројтерс“. Јапонија, исто така, го објави лансирањето, а главниот секретар на кабинетот Хироказу Мацуно ги осуди последните дејствија на Пјонгјанг како закана за мирот и безбедноста.

„ Денеска две ракети SRBM беа истрелани источно од аеродромот Сунан во Пјонгјанг“, се вели во соопштението на Здружениот штаб на Јужна Кореја (JCS).

Истреланите ракети поминаа околу 380 километри до максимална височина од 42 километри, се вели во соопштението на JCS. Јапонскиот министер за одбрана Нобуо Киши рече дека проектилите паднале во океанот во близина на источниот брег на Северна Кореја. Киши им рече на новинарите дека континуираното лансирање на севернокорејски балистички ракети е сериозен проблем за меѓународната заедница, вклучително и Јапонија.

Индо-пацифичката команда на американската војска соопшти дека лансирањето не претставува непосредна закана за САД или нивните сојузници, но дека овие лансирања на проектили го нагласуваат дестабилизирачкото влијание на нелегалното оружје.

Прикажи повеќе...

Свет

Aвстриска министерка со босанско потекло осомничена за плагијат

Објавено пред

Познатиот ловец на плагијати Стефан Вебер најде нова жртва во австриската политика – министерката за правда Алма Задиќ, кој тврди дека нејзината докторска дисертација е плагијат.

Инаку, Задиќ ја напишала својата докторска дисертација на тема „транзициска правда во поранешна Југославија“.

Вебер и поранешниот декан на Универзитетот Лудвиг Максимилијанс во Минхен, Мануел Тајсен, како и научничката Катарина Ренер, тврдат дека министерката со босанско потекло многу копирала во таа работа.

Ренер откри дека 85 цитати не биле означени како што треба.

„ Строго формално, би рекол дека се работи за плагијати на текстови. Оригиналните цитати се речиси целосно преземени, а пар изрази се парафразирани“, вели професорот Тејсен.

Вебер вели дека докторската дисертација на Задиќ е мешавина од реченици и низа зборови кои се целосно преземени, без да го наведе изворот. Министерката Задиќ во првата реакција рече дека тоа се неосновани и неточни тврдења.

Инаку, Вебер е познат ловец на плагијати, па минатата година ја „собори“ поранешната министерка за труд Кристина Ашбахер.

Откако Вебер изнесе тврдења за плагијат на научна работа, Ашбахер поднесе оставка.

Прикажи повеќе...

Свет

Канада ги предупреди граѓаните да не патуваат во Украина

Објавено пред

Канадската влада ги повика своите граѓани да избегнуваат патување во Украина доколку не е потребно.

„ Го променивме нивото на ризик за Украина за да се избегне патување што не е неопходно поради тековната руска агресија и акумулацијата на војници во земјата и на границите околу неа“, се вели во соопштението на канадската влада доцна во саботата.

Москва стационираше повеќе од 100.000 војници во близина на границата со Украина, а САД во петокот соопштија дека изразуваат стравување дека Русија подготвува изговор за инвазија на Украина доколку дипломатијата не ги исполни своите цели.

Канадската министерка за надворешни работи Мелани Џоли ќе го посети Киев следната недела за да ја потврди поддршката на Канада за суверенитетот на Украина и да ги засили напорите за одвраќање на руските „агресивни дејствија“, соопштија претходно официјални лица од Отава.

Канадскиот заменик-министер за надворешни работи Марта Морган и американскиот заменик државен секретар Венди Шерман разговараа во петокот, најавувајќи дека ќе ја продолжат блиската координација со цел да се одврати понатамошната руска агресија врз Украина и ја повикаа руската страна на деескалација.

Во интервју за канадската телевизија CBC, генералниот секретар на НАТО, Јенс Столтенберг, ја опиша Русија како „агресор“. Тој рече дека на Русија е да ја деескалира ситуацијата и дека НАТО е подготвен повторно да ги послуша барањата на Москва.

Русија, од друга страна, ги негира плановите за напад на Украина, но тврди дека би можела да преземе воена акција на неодредено време доколку нејзините барања не бидат исполнети.

Канадскиот премиер Џастин Трудо во вторникот разговараше со украинскиот претседател Володимир Зеленски и нагласи дека секој воен упад во Украина ќе има сериозни последици, вклучително и координирани санкции.

Канада воведе санкции за повеќе од 440 поединци и субјекти поради анексијата на Крим.

Прикажи повеќе...

Најново

Свет42 минути

Aвстриска министерка со босанско потекло осомничена за плагијат

Познатиот ловец на плагијати Стефан Вебер најде нова жртва во австриската политика – министерката за правда Алма Задиќ, кој тврди...

Свет1 час

Вонредна состојба во повеќе американски држави – најави за невреме и поплави

Снежна бура донесе снег и мраз во делови од САД и Канада. Откажани се илјадници летови, а електричната енергија е...

Македонија10 часа

Собранието го изгласа новиот состав на Владата

Со 62 гласаа „за“, 46 „против“ и без возджани Собранието го избра новиот состав на Владата. Нов премиер ќе биде...

Македонија15 часа

Петков: Не постои македонско малцинство во Бугарија

Никогаш јас или други членови на бугарската влада немаат разговарано со амбасадата на САД во Бугарија за признавање на т.н....

Македонија15 часа

1.348 нови случаи на Ковид-19 и осуммина починати

Министерството за здравство информира дека во последните 24 часа направени се 6.141 тестови, а регистрирани се 1.348 нови случаи на...

Европа16 часа

Во Австрија од февруари задолжителна вакцинација, парични казни за оние што ќе одбијат

Австрија ќе воведе обврска за вакцинирање против коронавирус за возрасните граѓани на почетокот на февруари, а во исто време се...

Регион20 часа

(Видео) Ѓоковиќ ја напушти Австралија

Новак Ѓоковиќ е депортиран од Австралија. Во придружба на австралиската гранична полиција, тој денеска се качи на летот што требаше...

Топ21 час

Инцидент на инфективно одделение во Охрид, физички нападната вработена

Едно лице физички нападнало вработена во Инфективното одделение во Охрид, информира полицијата. Имено денеска во 09.19 часот, во СВР Охрид...

Свет21 час

(Видео) Значителни штети по цунамито во Тонга, САД и Нов Зеланд нудат помош

Цунамито предизвикано од вулканската ерупција во островската држава Тонга предизвика значителна штета во главниот град на архипелагот. Како што изјави...

Топ22 часа

Малолетници затекнати на забава во тетовски клуб, четворица биле под дејство на акохол

26 малолетни лица биле затекнати во угостителски објект во Тетово, кај дел од нив според полицијата бил констатиран алкохол во...

Свет23 часа

Премиерот на Австралија ја поздрави одлуката на судот за Ѓоковиќ : Сега е време за тенис

Премиерот на Австралија Скот Морисон изјави дека одлуката за укинување на визата за српскиот тенисер Новак Ѓоковиќ е донесена од...

Македонија1 ден

Продолжува расправата за избор на нова Влада, пратениците до полноќ треба да гласаат

Собранието на Македонија денеска, со почеток во 12 часот, треба да ја продолжи собраниската седница на која единствената точка на...

Регион1 ден

Судот одлучи, Ѓоковиќ мора да ја напушти Австралија

Сојузниот суд во Австралија донесе пресуда против Новак Ѓоковиќ. Со ваквата судска одлука Ѓоковиќ ќе остане без настап на турнирот...

Македонија2 дена

Регистрирани 1.635 новозаразени со Ковид-19, починати 9 лица

Министерството за здравство информира, согласно податоците од Институтот за јавно здравје дека во последните 24 часа биле направени 7.564 тестови,...

Македонија2 дена

Казна за фирма која превезувала патници без лиценца и без дозвола

Инспекторатот на Град Скопје во текот на денешниот ден изврши вонреден надзор на терен преку контроли на автобусите и комбињата...

Топ2 дена

Невенчаниот сопруг и уште неколку лица извршиле обљуба врз 44-годишна струмичанка

Врз 44-годишна жена од струмичко била извршена обљуба од страна на повеќе лица соопшти полицијата. Вчера околу 13.00 часот, 47-годишна...

Македонија2 дена

(Видео) Ковачевски: Нема разговори за македонскиот идентитет, тој е темел на државата

Разговорите со Република Бугарија ќе продолжат и ќе се интензивираат но никој не смее и нема да преговара за идентитетот...

Свет2 дена

(Видео) Цунами удри на пацифичката држава Тонга: Брановите носат сè пред себе

Пацифичката држава Тонга е погодена од цунами по вулканска ерупција на дното на Тихиот Океан. На социјалните мрежи се појавија...

Македонија2 дена

На паркингот кај Клинички центар има 832 места, а издадени се 2.200 дозволи за паркирање

В.Д. директорот на ЈП Градски паркинг – Скопје, Бојан Христовски, беше во работна посета на Клиничкиот центар каде има долгогодишен...

Свет2 дена

(Видео) Ѓоковиќ вратен во хотелот за мигранти, објавена снимка како го носат во притвор

Откако Австралија повторно му ја одби визата, српскиот тенисер Новак Ѓоковиќ по вчерашното сослушување, одново е вратен во притвор. До...

Досие