Вести

САД отфрлија било каква вмешаност во обидот за атентат на Мадуро

Објавено пред

7 месеци

- 5 август, 2018

Од

Вашингтон во никаков контекст не е вмешан во инцидентот што се случи во саботата во Каракас, изјави денеска советникот на Доналд Трамп за национална безбедност, Џон Болтон, на тој начин отфрлајќи, како што претходно направи и Колумбија, каква било вмешаност во инцидентот што претседателот на Венецуела, Николас Мадуро, го нарече обид за атентат.

Дронови наполнети со експлозив експлодираа во близина на местото каде што Мадуро држеше говор во саботата, но тој и другите членови на неговиот кабинет, не се повредени.

„Категорично тврдам дека Владата на САД на никаков начин не е вклучена во тој инцидент“, изјави Болтон на „Фокс њуз“.

Николас Мадуро го обвини неговиот колумбиски колега, Хуан Мануел Сантос, како и неименувани платеници од САД дека стојат зад нападот. Други високи државни функционери за инцидентот ја обвинија опозицијата.

„Доколку владата на Венецуела располага со релевантни информации и сака да ги сподели со нас и ако тие навистина упатуваат на евентуална повреда на американското кривично право, ние внимателно ќе ги разгледаме, но во очекување на таквите информации, она на кое навистина треба да се фокусираме е корупцијата и репресијата наметнати од страна на венецуелскиот режим“, посочи Болтон.

Претходно, и колумбиската влада ги отфрли обвинувањата упатени од страна на Мадуро, нарекувајќи ги апсурдни.

„Апсурдно и неосновано е да се каже дека колумбискиот претседател е одговорен за наводниот обид за убиство на претседателот на Венецуела“, изјави колумбиското Министерство за надворешни работи.

Мадуро за т.н. обид за атентат го обвини Сантос, чиј претседателски мандат завршува во вторник.

„Не се сомневам дека зад обидот за атентат стои името на Хуан Мануел Сантос“, рече Мадуро, кој верува дека во обидот за негов атентат се вклучени и луѓе кои живеат во САД.

Колумбискиот претседател Сантос подолго време води меѓународна кампања против владеењето на Мадуро кого го смета за диктатор.

©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Поврзани Артикли:топ-тема

Следно

Чешки турист во Египет загинал при напад на ајкула

Претходно

Авион се урна на Алпите, загинале сите патници

Вести

Унгарија продава 19 ловци „миг-29“

Објавено пред

6 дена

- 13 февруари, 2019

Од

Макфакс

Министерството за одбрана на Унгарија одлучи на аукција да ги продаде своите ловци „миг-29“. Унгарските медиуми објавија дека на аукција ќе се најдат сите летала од советско производство кои не се во оперативна употреба од 2010 година.

Сите 19 ловци се продаваат во пакет, а некои од нив се делумно демонтирани. Во пакетот има и 20 мотори и уште 300 други делови вклучувајќи и авионски топови.

Почетната цена на пакетот е 2,8 милијарди форинти или околу 10 милиони долари. Но, пред да бидат официјално понудени на продажба, потребна е дозвола од Русија.

„Миг-29“ е советски повеќенаменски ловец. Унгарија во 1993 година добила 28 авиони од овој тип.

Прикажи повеќе...

Вести

Елизабет Ворен влегува во трката за претседател на САД

Објавено пред

1 недела

- 10 февруари, 2019

Од

Макфакс

Демократската сенаторка Елизабет Ворен и официјално ја најави својата кандидатура за претседател на САД. Кампањата за изборите што ќе се одржат во 2020 година ја заснова на популистичкиот повик на борбата против економската нееднаквост и создавање на Америка која ќе биде добра за сите.

Ворен повика на промени, го осуди „теснецот“ во кој се нашла средната класа и ситуацијата во која богатите не мора да сносат одговорност, а сите останати добиваат премалку прилики за успех.

Таа и нејзините приврзаници се надеваат дека оваа порака ќе ја одвои од останатите бројни кандидати за претседателска номинација од Демократската партија.

Ворен инаку е првиот истакнат демократ кој покажа интерес да се вклучи во трката за Белата куќа.

Прикажи повеќе...

Вести

Трамп одби да се состане со Мадуро

Објавено пред

2 недели

- 3 февруари, 2019

Од

Макфакс

Американскиот претседател, Доналд Трамп рече дека постои можност да се испратат војници во Венецуела, американскиот претседател посочи и дека тој го одбил барањето на претседателот на Венецуела, Николас Мадуро за средба.

„Секако дека е опција”, вели Трамп во интервјуто за телевизијата Си-би-ес, додека зборуваше за можно испраќање на војници во Венецуела.

Според Трамп, Мадуро побарал средба со него, но тој го одбил бидејќи, како што посочи тој, отишле далеку во процесот.

Во интервјуто, американскиот претседател, исто така говореше и за американската база во Иран, за која тој посочи дека е многу важно да се задржи, така што Вашингтон да може внимателно да го следи Иран.

Прикажи повеќе...