Свет

САД сакаат да го сменат режимот во Иран како што го направија тоа во Ирак

Објавено пред

7 месеци

- 9 мај, 2018

Од

Американското повлекување од нуклеарниот договор со Техеран во вторникот е првиот чекор од американскиот план за промена на режимот во Иран спроведен речиси идентично со ирачкото сценарио, вели експертот за Блискиот Исток, Сами Рамадани, за РТ.

„Ако внимателно го слушате она што го кажа Трамп, САД не само што унилатерално се повлекуваат од овој мултилатерален меѓународен договор, со што го укинуваат, тие исто така, се закануваат со промена на режимот во Иран”, вели Рамадани.

„И тонот во неговиот говор; зборовите што ги користеше потсетуваат на говорот на Џорџ Буш Помладиот пред американската инвазија во 2003 година, кога беа искористени лаги за почнување геноцидна војна против народот на Ирак”, рече тој.

Рамадани истакна дека не само што ирачкиот режим беше соборен поради американската воена вмешаност, туку и целата земја беше уништена.

„САД со децении се обидуваат да го дестабилизираат Иран“, вели тој.

Вашингтон сака многу повеќе од Техеран отколку отстапките во врска со нуклеарниот договор што иранските власти не можат да ги прифатат поради силното незадоволство од договорот дома, смета Рамадани.

„Не верувам дека Иран е способен да прави понатамошни отстапки – тие велат дека никогаш не планирале да развијат нуклеарно оружје, а нивното почитување на договорот во повеќе наврати беше потврдено од страна на Меѓународната агенција за атомска енергија,“ додава тој.

Според Рамадани, САД сакаат Иран да се откаже од својата независност.

„САД не сакаат независна, силна нација во светот, особено не на блискиот Исток. И, без оглед што мислиме ние за неговиот политички систем, Иран го избра патот на независност од САД. Иран не сака да биде лакеј на американската политика во регионот, а САД им велат: Ќе ве казниме за тоа,“ објаснува експертот.

Новинарот Макс Блументал вели дека зад одлуката на Трамп да се повлече од договорот стои Тел Авив.

„Израелското влијание е апсолутно клучно “, вели новинарот.

Кон крајот на април, израелскиот премиер Бенјамин Нетанјаху презентираше наводни податоци од израелската разузнавачка служба за неисполнувањето на договорот од страна на Иран. Меѓутоа, презентацијата, според Блументал, беше неуверлива.

„Тоа е уште една разузнавачка измама која нè вовлекува во војна”, рече тој, нарекувајќи ги разузнавачките информации што ги цитираше Нетанјаху најверојатно фабрикувани.

©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Поврзани Артикли:

Следно

Марш на Бесмртниот полк: Путин со слика од својот татко, а Вучиќ од дедо си

Претходно

За Франција, иранскиот нуклеарен договор не е мртов и покрај повлекувањето на САД

Регион

Вучиќ: Признавам, не очекувавме ваква одлука

Објавено пред

43 минути

- 21 ноември, 2018

Од

Макфакс

Одлуката на косовските власти да воведат царина од 100 отсто на стоката од Србија не е разумен чин, ниту разумна одлука во која било смисла, изјави српскиот претседател, Александар Вучиќ.

„Денеска приштинските власти воведоа посебна такса на производите од Србија и со тоа суштински донесоа одлука за забрана за промет на стока и трговија. Тоа не е забележано во 21 век. Морам да признаам дека ваква одлука од Приштина за нас беше неочекувана“, рече Вучиќ.

Тој повтори дека Србија нема да воведе контрамерки.

„Нема да запираме камиони, туку сакаме да ја покажеме разликата меѓу одговорносто и неодговорносто однесување“, рече Вучиќ и додде дека овој потег на Приштина покажува дека Србија не може да смета на рационални потези ниту во иднина.

Прикажи повеќе...

Регион

Могерини: Косово итно да ја укине одлуката за царината на српската стока

Објавено пред

2 часа

- 21 ноември, 2018

Од

Макфакс

Високата претставничка за надворешна политика на Европската Унија, Федерика Могерини, ја повика косовската Влада итно да ја укине одлуката за зголемување на царината за стоката од Србија и Босна и Херцеговина за 100 отсто, објавија српските медиуми.

Косовската влада денеска одлучи да ги зголеми тарифите во висина од 100 проценти. „Србија продолжува со својата агресивна кампања против Косово на меѓународната сцена. Тоа го поткопува процесот на нормализација“, напиша заменик-премиерот на Косово, Енвер Хоџај, на „Твитер“ и додаде дека тарифите се зголемени со цел Косово да ги одбрани своите витални интереси.

Ковоскиот премиер, Рамуш Харадинај, изјави дека одлуката стапува веднаш на сила.

ЕУ уште на 6 ноември побара од косовските власти итно да ја објаснат тогашната одлука за зголемување на таксата на увозот на стока од Србија и БиХ на 10 отсто. Брисел оцени дека таквата одлука не е во согласност со принципите на Договорот за стабилизација и приклучување на Косово во ЕУ.

Прикажи повеќе...

Европа

Меркел: Германија ќе го одобри нацрт-договорот за брегзит

Објавено пред

3 часа

- 21 ноември, 2018

Од

Макфакс

Германија ќе го одобри нацрт-договорот за брегзит, соопштила германската канцеларка, Ангела Меркел, во обраќање пред пратениците во Бундестагот.

Таа навела дека жали поради излегувањето на Велика Британија од Европската Унија, но дека Германија ќе ја почитува одлуката.

„Очекуваме дека договорот за брегзит ќе биде потпишан в понеделник. Германската влада ќе го одобри тој договор“, рекла Меркел.

Таа додала дека Шпанија има одредени забелешки за договорот и рекла дека очекува дека сите несогласувања ќе бидат надминати до недела.

Меркел истакнала дека прашањето за границата меѓу Република Ирска и Северна Ирска е голем проблем. Порачала дека Велика Британија нема да може унилатерално да ја напушти царинската унија и дека за датумот за отстапување ќе мора да се договори со ЕУ.

Прикажи повеќе...