Пет сега поранешни полицајци од американскиот град Мемфис се обвинети за убиството на 29-годишниот Тир Николс, афроамериканец кој беше претепан до смрт на 7 јануари за време на рутинско застанување во сообраќај, а почина во болница три дена подоцна.

Полицијата објави вознемирувачки снимки од акциите на полицијата врз млад човек кој е со лисици на рацете. Станува збор за четири различни снимки.

На едно видео се гледа како полицајци без причина го удираат Николс најмалку 9 пати во 4 минути.

This brutal footage shows MPD officers punching, beating and repeatedly pepper-spraying Tyre Nichols while he’s helpless on the ground. pic.twitter.com/3fgjuuHRpe

— Ben Crump (@AttorneyCrump) January 28, 2023

„Не направив ништо. Само сакам да си одам дома“, повторува Николс постојано.

„По ѓаволите, не направив ништо“, вели Николс додека полицајците му приоѓаат со извадени пиштоли.

„На земја, на земја“, се слушаат како му викаат полицајците.

„Добро, на земја сум“, се слуша како вели Николс.

„Кучко, стави ги рацете на грб пред јас да ти ги ставам… Ќе те клоцам по га*от“, му вика полицаецот. За момент се гледа како го прскаат со солзавец.

Николс потоа се гледа со лисици на рацете, а полицајците без никаква причина брутално го удираат со раце и нозе, го удираат и со нога по лицето.

Откако го ставаат во седечка положба, го удираат во грбот со нешто што личи на палка.

Откако тој е подигнат на нозе со лисици, се гледа како полицајците постојано го удираат Николс по лицето, предизвикувајќи тој да падне на колена. Неполна минута подоцна се појавува полицаец и повторно го удира Николс.

Во еден момент, додека тој лежи на подот, му приоѓа полицаец и го клоца.

Сè се случило само малку подалеку од неговата куќа, на само три куќи од неговата адреса, пренесуваат американските медиуми.

Обединетите нации и неколку земји го осудија нападот на палестински вооружен напаѓач на периферијата на Ерусалим во близина на синагога во кој загинаа седум лица, а повеќе беа ранети.

Aмериканскиот претседател, Џо Бајден, му ја понуди сета помош на израелскиот премиер, Бенјамин Нетанјаху.

„САД силно го осудуваат страшниот терористички напад што се случи пред синагога во Ерусалим“, изјави американскиот државен секретар Ентони Блинкен, кој наскоро треба да отпатува во регионот.

„Ние сме во близок контакт со нашите израелски партнери и ја потврдуваме нашата непоколеблива посветеност на безбедноста на Израел“, рече Блинкен. Тој разговараше со Нетанјаху и ги понуди сите соодветни средства за поддршка, соопшти Белата куќа.

Нападот го осуди и генералниот секретар на ОН, Антонио Гутереш, кој е длабоко загрижен поради моменталната ескалација на насилството во Израел и окупираната палестинска територија. Затоа тој повика на најголема воздржаност, рече портпаролот на ОН Стефан Дујарик.

Обединетите Арапски Емирати го осудија нападот врз синагогата, објави државната новинска агенција ВАМ, повикувајќи се на израелско соопштение од Министерството за надворешни работи. Седум лица загинаа, а десет се повредени. Британскиот министер за надворешни работи исто така го осуди нападот.

„Да се ​​напаѓаат верниците во синагога на Денот на сеќавањето на Холокаустот и за време на Шабат е ужасно. Ние стоиме со нашите израелски пријатели“, рече Клеверли.

Најмалку седум лица загинаа во терористички напад вечерва во населбата Неве Јаков во Ерусалим, додека уште 10 се повредени.

– Видовме жена и четворица мажи како лежат на патот. Тие се здобиле со прострелни рани и немале знаци на живот. Моравме веднаш да ја потврдиме нивната смрт – изјавил доктор Фади Декидек за „Џерусалим пост“.

Престрелката во еврејската населба Неве Јаков уследи по смртоносниот напад на израелската армија во четвртокот на Западниот Брег во кој загинаа девет Палестинци, а десетина подоцна беа убиени северно од Ерусалим, пренесува АП.

BREAKING: Terror attack in the #Jerusalem neighborhood of #NeveYaakov.

Terrorist entered crowded Synagogue during Friday evening Services & opened fire.

7 people killed, many injured.

Horrible! May the injured have complete recoveries. pic.twitter.com/7VHWhxA5Tr

— Daniel Kraus (@rabbidkraus) January 27, 2023

По пукањето вечерва, итната служба на Маген Дејвид Адом објави дека 10 лица побарале лекарска помош, од кои некои се во критична состојба.

This is the vehicle and weapon of the terrorist responsible for tonight's terror attack in #Jerusalem. Terrorist was shot by security forces while attempting to escape. pic.twitter.com/CdZi6wk6dT

— StandWithUs (@StandWithUs) January 27, 2023

Израелската полиција соопшти дека напаѓачот бил застрелан и убиен, а на местото на настанот имало голема полиција,пренесе Блиц.рс.