Еден ден по насилните протести против заострувањето на анти-ковид мерките во неколку италијански градови, премиерот Џузепе Конте тврди дека мерките остануваат во сила.

Тоа е тешка одлука на премиерот, кој се најде под притисок на експерти кои тврдат дека требало да се преземат поостри мерки порано затоа што вирусот се шири експоненцијално, а од друга страна се и барањата и протестите од сопствениците на оние активности кои ќе претрпат штета поради мерките.

„Се чини дека оние што протестираат не се свесни за ситуацијата“, изјави министерот за култура Дарио Франческини за агенцијата Анса.

Денес премиерот Конте ќе прими и ќе разговара со делегација на сопственици на барови, ресторани, спортски сали и културни институции кои исто така се противат на мерката за затворање, за да го објасни во директен разговор она што веќе го кажал за медиумите – дека строгите ограничувања се донесен како последно средство и за да се избегне карантин.

Пo повеќе од една деценија планирање, започна работата на најдолгиот подводен тунел во светот.

Тунелот Фемарнбелт кој ќе ги поврзува Данска и Германија, ќе се спушта до 40 метри под Балтичкото Море, а се очекува да биде отворен во 2029 година, пишува Си-ен-ен.

Тунелот долг 18 километри е еден од најголемите инфраструктурни проекти во Европа, со инвестирани над 7 милијарди евра.

Тунелот ќе поминува низ појасот Фемарн, теснец помеѓу германскиот остров со истото име и данскиот остров Лоланд, и е дизајниран како алтернатива на сегашната траект линија која секоја година превезува милиони патници. Патувањето со траектот трае 45 минути, а по изградбата на тунелот, ќе треба 7 минути со воз и 10 минути со автомобил за да се премине од една во друга земја.

Тунелот, чие официјално име е Фемарнбелт Фиксд Линк, исто така ќе биде најдолгиот комбиниран патен и железнички тунел во светот.

Ќе се состои од два автопати со по две ленти кои ќе бидат одделени со службен премин и две електрифицирани пруги.

„Денес, ако одите со воз од Копенхаген до Хамбург, ви требаат околу четири и пол часа. По завршувањето на тунелот, истото патување ќе трае два и пол часа. Многумина користат авион за патување меѓу двата града, но во иднина ќе биде поисплатливо само да се возите“, рече Јенс Оле Каслунд, технички директор во данската државна компанија Фемерн А/С, која е задолжена за овој голем проект.

Во Чешка се потврдени 10.273 нови случаи на коронавирус во последните 24 часа.

Тоа е седмиот највисок дневен биланс откако за прв пат овој месец во земјата се забележани повеќе од 10.000 новозаразени за еден ден.

Во текот на минатата недела, дневниот просек на новозаболените беше повеќе од 12.000.

Чешка се соочува со најбрза стапка на инфекција во Европа во последните две недели, со 1.324 случаи на 100.000 жители, пишува „Ројтерс“.

Уште 164 лица починаа од последниот пресек.

Соочена со растечкиот притисок врз болничките установи, владата одлучи да воведе полициски час од среда и да го ограничи работењето на продавниците.

Од почетокот на епидемијата, во Чешка се регистрирани 268.370 заразени лица, а починале 2.365 лица