Контакт

Свет

СЗО: Омикрон и делта-сојот направија цунами од нови случаи

Објавено пред

Заедничкото ширење на делта и на омикрон-варијантата на коронавирусот создава цунами од нови случаи, изјави на прес-конференција генералниот директор на Светската здравствена организација (СЗО), Тедрос Гебрејсус.

„Многу сум загрижен што омикрон, кој лесно се пренесува и се шири истовремено со делта-сојот, доведува до цунами од случаи“, рече тој додавајќи дека тоа е двојна закана што води до нагло зголемување на бројот на хоспитализации и смртни случаи.

Тедрос го повтори повикот до земјите за поправедна дистрибуција на вакцини против коронавирусот и предупреди дека примената на бустер-дози во богатите земји може да доведе до недостиг на вакцини во посиромашните.

Тој рече дека СЗО е посветена да обезбеди секоја земја да достигне стапка на вакцинација од 70 проценти до средината на 2022 година, што ќе помогне да се стави крај на критичната фаза на пандемијата.

Регион

Вучиќ добил список со седум лица кои му спремале атентат

Објавено пред

Претседателот на Србија, Александар Вучиќ, синoќа се обрати до јавноста по обелоденувањето на веста дека бил подготвуван атенатат врз него.

Според претседателот, можни причини за планираниот атентат е борбата против нарко-картелите во Србија, но и потребата да се дестабилизира земјата.

„Направивме многу со големите апсења на нарко картелите во Србија и тие сега не можат да функционираат ако немаат поддршка од одредени државни структури. Тука не станува збор за 10 милиони евра, туку стотина милиони и милијарди евра. Јас никој од тие лица чиишто седум имиња ги добив, ни сум видел, ни сум чул. Не постои лична работа. Исто така дестабилизација на Србија би можела да биде во интерес. Тоа се некои од можните причини“, изјави Вучиќ во интервју за ТВ Пинк.

Тој рече информацијата за планираниот атентат ја добил од земја-членка на ЕУ на 14 јануари.

Претходно, српската премиерка Ана Брнабиќ изјави дека информацијата за атентатот ја добиле писмено преку „Европол“ и дека ова не се случува првпат.

„Го пишуваше името Радоје Звицер. Дека тој е на чело на криминалната група, јас не знам, се сомневам во тоа, мислам дека постои некој над Звицер. Но, тоа ќе го покаже истрагата. За мене е најважно да го спречиме атентатот и да го заштитиме животот на претседателот“, рече Брнабиќ.

Прикажи повеќе...

Регион

Приведена новинарка под обвинение дека го навредила Ердоган, ѝ се заканува затвор

Објавено пред

Турскиот суд ѝ одреди притвор на познатата новинарка Седеф Кабас под обвинение дела го навредила турскиот претседател Реџеп Тајип Ердоган на „Твитер“ и со тоа го прекршила законот според кој досега се гонети десетици илјади луѓе, јави турскиот „Си-Ен-Ен“.

Полицијата ја привела Кабас два часа по полноќ и прво ја одвела во главната полициска станица во Истанбул, а потоа ја префрлила во градската судница, каде судот нареди апсење.

Наводната навреда се однесува на коментар во врска со кабинетот на претседателот, кој Кабас го дала на телевизиски канал и на нејзиниот Твитер профил, за што таа беше осудена од некои владини претставници.

„Честа на претседателскиот кабинет е чест за нашата земја. Ги осудувам вулгарните навреди насочени кон нашиот претседател и неговиот кабинет“, напиша на Твитер директорот за комуникации на турската Влада, Фахретин Алтун, .

Мердан Јанардаг, главниот уредник на каналот „Теле 1“, на кој Кабас го коментираше кабинетот на претседателот, остро го осуди нејзиното апсење.

Нејзиното апсење во два часот по полноќ поради коментари е неприфатливо, напиша тој на Твитер, додавајќи дека тоа е „обид да се заплашат новинарите, медиумите и општеството“.

Турскиот закон за навреда на претседателот предвидува затворска казна од една до четири години.

Во октомври минатата година, Европскиот суд за човекови права ја повика Турција да го промени законот кој ќе ја наруши слободата на изразување.

Илјадници беа обвинети и осудени за навреда на Ердоган во последните седум години откако тој ја смени премиерската фотелја.

Откако Ердоган стана претседател во 2014 година, започнати се 160.169 истраги за навреда на претседателот, отворени се 35.507 случаи, а 12.881 завршиле со осудителна пресуда.

Прикажи повеќе...

Свет

Берлускони: Се откажувам од кандидатурата за претседател на Италија

Објавено пред

Поранешниот италијански премиер Силвио Берлускони се откажа од кандидатурата за претседател. Ова го соопшти лично тој, во пресрет на гласањето во парламентот кое почнува на 24 јануари.

Актуелниот премиер Марио Драги најверојатно ќе биде номиниран за функцијата, но не е јасно дали ќе биде поддржан од повеќето партии, кои моментално ја поддржуваат неговата владејачка коалиција, поради стравот дека неговото заминување може да предизвика предвремени избори.

Берлускони рече дека би сакал Драги, поранешниот претседател на Европската централна банка, да остане на чело на владата до предвидениот крај на неговиот мандат во 2023 година.

„Одлучив да направам уште еден чекор на патот кон националната одговорност“, рече Берлускони и ги повика оние што го предложија за претседател да ја повлечат поддршката.

Коалицијата на десницата побара од Берлускони да се кандидира, но веројатно немаше да биде избран поради тешкотиите да собере широка поддршка инаку потребна меѓу повеќе од илјада пратеници и покраински пратеници вклучени во изборот на претседател.

Берлускони доби привремена забрана за вршење јавна функција откако беше осуден за даночно затајување во 2013 година, а сè уште му се суди за поткуп на сведоци во случајот на малолетничка проституција, поврзан со неговите „Бунга Бунга“ сексуални забави од пред десет години.

Италијанскиот претседател има претежно церемонијални должности, но тој е одговорен и за решавање на политичките кризи, што му дава клучна улога во земјата, во која владите во просек опстојуваат само една година.

На победникот на тајното гласање во парламентот му е потребно двотретинско мнозинство во кој било од трите круга на изборите. Во секој следен круг доволно е и апсолутно мнозинство.

Ниту десниот ниту левиот центар немаат доволно гласови за да наметнат кандидат од своите редови, што значи дека мора да постигнат некаков компромис за да спречат долгорочна пат-позиција.

„Ќе соработуваме со лидерите на десниот центар за да се договориме околу името што може да собере широк консензус во парламентот“, се наведува во изјавата на Берлускони.

Прикажи повеќе...

Најново

Регион12 минути

Вучиќ добил список со седум лица кои му спремале атентат

Претседателот на Србија, Александар Вучиќ, синoќа се обрати до јавноста по обелоденувањето на веста дека бил подготвуван атенатат врз него....

Свет41 минута

Поради 9 нови случаи на ковид, Пекинг нареди тестирање на два милиони жители

Градската власт во кинескиот главен град денеска нареди тестирање на два милиони жители за коронавирус, бидејќи градот продолжи да пријавува...

Македонија1 час

Пецаков да одговара што не се изолирал додека чекал резултати од тестот за ковид, порача владејачката партија

Градоначалникот на Охрид, Кирил Пецаков додека чекал резултати од тестот за коронавирусот наместо да се изолира, свесно присуствувал на јавен...

Македонија1 час

Трет викенд по ред недела е неработен ден

Трет викенд по ред недела е неработен ден за 92 отсто од работниците. Законското решение предвидува оние што се ангажирани...

Свет13 часа

Захарова: Очекуваме воена провокација во пресрет на Олимпијадата во Кина

Портпаролката на руското Министерство за надворешни работи, Марија Захарова, изјави дека постои опасност од провокации од страна на САД и...

Македонија15 часа

Аки Рахимовски се јавил кај пријател во Македонија, се договориле да го пречека на скопскиот аеродром

Аки Рахимовски утрово планирал патување во Македонија и посета на мајка си. Тој телефонски разговарал со пријателот Здравко Ситновски во...

Македонија15 часа

Нови 1.913 случаи на коронавирус во Македонија, починаа 21 лице

Согласно податоците од Институтот за јавно здравје дека во последните 24 часа направени се 7.219 тестови, а регистрирани се 1.913...

Македонија18 часа

Млад пациент доби срце, а кај двајца се трансплантираат бубрези од починат донор

Млад пациент доби срце, а кај двајца пациенти на дијализа се трансплантираат бубрезите од лице кое почина од мозочна смрт....

Регион21 час

Почина Аки Рахимовски од „Парни Ваљак“

Пејачот на групата Парни Ваљак, Аки Рахимовски почина на 66-годишна возраст. Веста за смртта беше објавена и на официјалната страна...

Македонија21 час

Стоилковски извади списоци: „Паркинг не плаќале стотици функционери од Демократскиот сојуз, СДСМ и ДУИ“

Стотици автомобили на функционери од власта и членови на Демократскиот сојуз, на СДСМ, на ДУИ биле ослободени од плаќање паркинг...

Македонија22 часа

Пецаков вели дека не се изолирал и на Водици излегол оти побарал тест заради патување

Градоначалникот на Охрид Кирил Пецаков вели дека не се изолирал по тестирањето за Ковид-19 и на Водици излегол да ја...

Македонија24 часа

Родители бараат укинување на задолжителното носење маски во училиштата

Иницијативата „Стоп за носењето маски во училиштата“ која обединува 12.000 родители, преку допис до медиумите тврди дека имаат поддршка од...

Свет1 ден

Првата пратка на американско оружје пристигна во Украина

Првата пратка оружје од американскиот пакет безбедносна поддршка за Украина во вредност од 200 милиони долари пристигна во Киев, соопшти...

Македонија1 ден

Спасовски и МВР му дадоа македонски пасош на Звицер кој сакал да изврши атентат врз Вучиќ, oбвини ВМРО-ДПМНЕ

Скандал го тресе МВР по информациите на Европол дека е откриен заговор за атентат врз претседателот на Србија, Александар Вучиќ, од...

Свет1 ден

СЗО: Повеќе од 340 милиони луѓе во светот се заразиле со коронавирус

Бројот на регистрирани случаи на зараза со коронавирус во светот надмина 340 милиони луѓе, соопшти Светската здравствена организација. Според информациите,...

Македонија1 ден

Во притвор е спроведен возачот кој ја усмрти 24-годишната радовишанка на „Партизанска“

Судот доцна синоќа му одреди 30-дневен притвор на 22-годишниот Јордан Ѓ. кој со автомобил „цитроен Ц4“ ја усмрти 24-годишната радовишанка...

Македонија2 дена

Регистрирани 2.071 нов случај на Ковид-19 и 11 починати

Министерството за здравство информира дека во последните 24 часа направени се 6.010 тестови, а регистрирани се 2.071 нов случај на...

Македонија2 дена

Комисијата за заразни болести со препорака периодот за изолација да се намали на 7 дена

Намалување на периодот на изолција од 10 на 7 дена за ковид-позитивните пациенти е ставот што произлезе од денешната вонредна...

Македонија2 дена

Фон дер Лајен до Ковачевски: Лично сум подготвена да помогнам во процесот со Бугарија

Премиерот Димитар Ковачевски попладневно остварил телефонски разговор со претседателката на Европската комисија, Урсула фон дер Лајен, која му го честитала...

Македонија2 дена

Опасност од одрон на карпа тешка 20 тони врз кањонот Матка – од ЦУК велат нема простор за паника

Центарот за управување со кризи доби известување од ЕВН за опасност од одрон на голема карпа над кањонот Матка. Директорот...

Досие