Свет
СЗО ја одобри вакцината на „Синовак“ за итна употреба

Светската здравствена организација ја одобри кинеската вакцина на компанијата „Синовак“ за итна употреба. Во соопштението се наведува дека одобрувањето од страна на СЗО е знак за националните регулаторни тела дека препаратот е безбеден и ефикасен и овозможува оваа вакцина одобрена од СЗО да се најде во глобалната програма на „Ковакс“, која обезбедува вакцини за сиромашните земји, пренесува „Ројтерс“.
Процесот на анализа на техничката советодавна група на СЗО почна на 5 мај, а одлуката беше донесена по анализата на најновите клинички податоци за безбедноста во ефикасноста на вакцините на „Синовак“ и производствениот процес на кинеската компанија.
Ова е втора кинеска вакцина што доби дозвола за итна употреба откако претходно зелено светло доби и производот на државната кинеска компанија „Синофарм“.
„Потсетуваме дека вакцините што во моментот се достапни и одобрени засега се ефикасни против „сите видови коронавирус“, објави Светската здравствена организација.
„Сите ќе треба да ја земеме и третата доза од вакцината против коронавирусот за 6, 8 или 12 месеци“, велат од СЗО.
Според оваа организација, во целиот регион, кој го опфаќа и делот од централна Азија, има опаѓање за 60 % на бројот на новозаразени случаи со Ковид-19 за еден месец.
„Ние се движиме во вистинската насока, но треба да бидеме будни. Зголемувањето на мобилноста, физичката интеракција и собирањето може да доведе до зголемено пренесување на вирусот во Европа“, рече Ханс Клуге, директор на СЗО за Европа.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Лавров доби уникатен подарок од Италија

Рускиот министер за надворешни работи Сергеј Лавров од Италија доби подарок ретко издание на „Божествената комедија“ на Данте Алигиери, изјави Мауро Мурџи, шеф на канцеларијата на Министерството за надворешни работи на Јужна Осетија во Италија.
Според него, пред околу два месеци, тој испорачал тритомно издание на италијанскиот класик, објавено во 360 примероци, до руската амбасада во Рим. Вакво издание имало во библиотеките на папата Бенедикт Шеснаесетти и италијанскиот претседател Карло Чампи.
Книгите се направени од памучна хартија, илустрациите се рачно изработени. Секој примерок е уникатен и различен од другите. Книгите биле испратени во Москва кај Лавров, кој одговорил со длабока благодарност и најдобри желби.
„ Лавров направи многу за развојот на односите на Русија со Италија, како и со Јужна Осетија“, рече Мурџи.
Свет
(Видео) САД го собори кинескиот шпионски балон

Американската војска го собори кинескиот шпионски балон кој леташе над Атлантскиот Океан, пренесува „Фокс њуз“.
Овој балон леташе над територијата на САД неколку дена.
Претходно денеска американскиот претседател Џо Бајден рече дека Вашингтон ќе се погрижи за кинескиот шпионски балон.
Пентагон во четвртокот соопшти дека американската војска открила кинески балон за набљудување на голема височина над континенталниот дел на САД. Висок воен претставник рече дека американската влада размислувала да го собори балонот, но одлучила да не употреби воена сила поради потенцијалните ризици.
Портпаролот на кинеското Министерство за надворешни работи вчера изјави дека балонот бил цивилен и се користи за метеоролошки и други научни цели и дека непланирано отстапил од предвидениот курс.
Свет
Бајден: Ќе се погрижиме за кинескиот шпионски балон

Американскиот претседател Џозеф Бајден денеска изјави дека Вашингтон ќе се погрижи за наводниот кинески шпионски балон што бил забележан како лета над САД.
Бајден ја даде оваа изјава како одговор на прашањето дали САД ќе соборат „сомнителен кинески балон за надзор“ што беше забележан како лета над државата Монтана.
Пентагон во четвртокот соопшти дека американската војска открила кинески балон за набљудување на голема височина над континенталниот дел на САД. Висок воен претставник рече дека американската влада размислувала да го собори балонот, но одлучила да не употреби воена сила поради потенцијалните ризици.
Портпаролот на кинеското Министерство за надворешни работи вчера изјави дека балонот бил цивилен и се користи за метеоролошки и други научни цели и дека непланирано отстапил од предвидениот курс. Балонот вчера бил виден над Канзас Сити, Мисури, а утрово бил забележан над Северна Каролина, според метеоролошката агенција AccuWeather.
Американскиот државен секретар Ентони Блинкен ја откажа претходно планираната посета на Кина поради откривањето на кинескиот балон. Пентагон вчера објави дека е забележан уште еден кинески балон над Латинска Америка, без да прецизира каде точно, наведува британската агенција.