Контакт

Свет

Со халал-данок и арапски јазик против исламскиот фундаментализам во Франција?

Објавено пред

Париска експертска група во својот извештај го истакнува напредокот на исламистичката идеологија меѓу муслиманите во Франција и укажува дека салафистичкиот ислам може да биде искоренет преку халал-данок и изучување на арапскиот јазик во француските училишта, пренесува „Локал“.

Според извештајот објавен во неделата од францускиот „Институт Монтењ“, салафизмот – радикална гранка на исламот која повикува на шеријатски закон на светско ниво – има монопол врз исламската верска мисла во континентална Франција.

Авторот Хаким ел Карауи, консултант во парискиот тинк-тенк, укажува на Турција и Саудиска Арабија како главни извори на финансирање за ширење на оваа радикална школа на размислување во Франција и меѓу муслиманското население во Европа. Студијата на „Монтењ“ истакнува дека ова финансирање плаќа за промовирање на арапското учење кај француските муслимани во институциите што имаат обележан фундаменталистички политичко-религиозен став, а не само лингвистички, се вели во извештајот.

„Преку овие недефинирани исламски училишта се зголемува индоктринацијата на салафистите во Франција, особено кај младите под 35 години“, сугерира Ел Карауи.

Наместо да побараат целосна забрана за салафистичките училишта, од Институтот повеќе би сакале да ги победат во сопствената игра. Ел Карауи предлага француската влада да го вклучи арапскиот јазик во наставната програма така што индоктринирачките училишта ќе станат излишни.

Бројот на учениците што учат арапски во средните и средните училишта во Франција се преполови, но стапката на ученици во џамиите се зголемила десетпати“, објаснува Ел Карауи.

Либералниот тинк-тенк предлага и создавање официјална муслиманска асоцијација за исламот во Франција преку која се надева дека ќе го искорени тајното фундаменталистичко движење во земјата.

„Идејата е да се создаде неутрална организација, независна од која било муслиманска земја, ослободена од контрола на оние што се одговорни за француските џамии и француската држава. Целта е да се неутрализираат каналите за финансирање (за исламот во Франција)“, изјави Ел Карауи за РТЛ.

За ова тинк-тенкот предлага воведување данок на халал ба прехранбени производи и на другите услуги за муслиманите што ќе ѝ овозможат на асоцијацијата да биде самодоволна.

„Државата не наметнува данок на халал, па со овој данок би управувала асоцијацијата, а системот е инспириран од данокот на кошер за еврејската заедница со кој управуваат рабините што ги сертифицираат кошер-производите. Спротивно на јавното мислење, муслиманите се побогати и многу ја практикуваат религија и затоа сè повеќе пари се поврзани со потрошувачката: аџилак, халал, муслимански подароци. Ова е данок што може да го организира муслиманската заедница за муслиманската заедница“, рече Ел Карауи, кој е поранешен банкар.

Според него, спречувањето на ширењето на исламскиот фундаментализам во Европа во голема мера зависи од самите муслимани, кои треба да му се спротивстават на екстремизмот и да воспостават структури што промовираат поголема отвореност.

Предложените мерки на тинк-тенкот секако имаат свои критичари, како што е претставникот на францускиот Сенат од францускиот департман Ванде, Бруно Малело, кој објасни дека институционализацијата или национализацијата на исламот во Франција е опасна бидејќи е спротивна на францускиот закон за одвојување на религијата и државата.

„Државниот данок на халал би бил неуставен. Конкордатскиот ислам е ќор-сокак“.

 

 

 



©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Европа

Меркел: Германија ќе го одобри нацрт-договорот за брегзит

Објавено пред

Германија ќе го одобри нацрт-договорот за брегзит, соопштила германската канцеларка, Ангела Меркел, во обраќање пред пратениците во Бундестагот.

Таа навела дека жали поради излегувањето на Велика Британија од Европската Унија, но дека Германија ќе ја почитува одлуката.

„Очекуваме дека договорот за брегзит ќе биде потпишан в понеделник. Германската влада ќе го одобри тој договор“, рекла Меркел.

Таа додала дека Шпанија има одредени забелешки за договорот и рекла дека очекува дека сите несогласувања ќе бидат надминати до недела.

Меркел истакнала дека прашањето за границата меѓу Република Ирска и Северна Ирска е голем проблем. Порачала дека Велика Британија нема да може унилатерално да ја напушти царинската унија и дека за датумот за отстапување ќе мора да се договори со ЕУ.

Прикажи повеќе...

Регион

Орбан ѝ се налути на Хрватска: Нè изневеривте

Објавено пред

По неколку недели кои ги одбележаа добрите односи меѓу Унгарија и Хрватска, пред неколку дена дојде до повторно заладување на односите меѓу двете држави, пишува унгарскиот портал Индекс.ху, пренесува хрватскиот портал Индекс.хр.

Унгарскиот портал пишува дека Орбан е исклучително лут на Хрватска поради обновување на црвената потерница по Золт Хернади, кој е обвинет во случајот „Ина-МОЛ“. Унгарскиот премиер смета дека Хрватска со овој потег ја изневерила Унгарија.

Порталот пишува дека односите меѓу двете држави веќе подолго време се заладени поради случајот „Ина-МОЛ“ и барањето за екстрадиција на Хернади. Толкму поради тоа, лани Унгарија го блокира влезот на Хрватска во Организацијата за економска соработка и развој (ОЕЦД).

Но потоа дојде до пресврт. На гласањето во Европскиот парламент за почнување постапка за одземање на правото на глас на Унгарија по членот 7 од Европскиот договор  448 пратеници гласаа против Орбан, односно за одземање на правото на глас, а 197 беа против. Меѓу оние кои беа против одземање на правото на глас беа и тројца европратеници од Хрватска.

Оттогаш до денес односите меѓу двете земји се сменија и Владата во Будимпешта ја укина блокадата за пристапот на Хрватска во ОЕЦД. Унгарскиот портал пишува дека Орбан тогаш очекувал Хрватска во знак на благодарност да ја повлече потерницата за Хернади, што не се случи.

„Хрватска го крена овој проблем на политичко ниво“, рекол Орбан. Унгарскиот портал пишува дека тој се заканил со уште посилна реакција кон Хрватска.

Золт Хернади е поранешен директор на унгарската компанија МОЛ. Тој заедно со поранешниот хрватски премиер Иво Санадер е обвинет во случајот „Ина-МОЛ“. Станува збор за случај во кој Санадер е осуден на 10 години затвор за примање мито од Хернади. Врховниот суд му ја намали казната на осум и пол години, но Уставниот суд ја укина пресудата. Освен за примање мито од Хернади, на Санадер во првостепената постапка му се судеше и за земање провизија од австриската Хипо банка, но постапките во меѓувреме беа одвоени.

Хрватска за Хернади распиша европска потерница. Унгарија одбива да го спроведе налогот за негово апсење и покрај тоа што Европскиот суд во Стразбур објави дека Унгарија не смее да го игнорира само врз основа на одлуката на унгарското јавно обвинителство за запирање на истрагата за овој случај во рамките на која Хернади бил испрашан како сведок.

Прикажи повеќе...

Вести

Аукција на малолетни невести во Јужен Судан

Објавено пред

На аукција за малолетни невести во Јужен Судан непознат маж платил 500 крави, три луксузни автомобили, два велосипеди, брод, 10 000 долари и неколку мобилни телефони. Аукцијата била објавена на „Фејбук“ и очекувано предизвика негативни реакции, пренесува агенцијата „Асошиејтед прес“.

Највисоката понуда на аукцијата за 17-годишната девојка ја дал трипати постар маж од неа, што предизвика осуда како во земјата, но и во целиот свет до каде што стигна оваа вест.

Владата на Јужен Судан ја осуди сега веќе нелегалната пракса за договарање бракови со деца, но наведува дека не може да ги регулира културните норми во заедницата, особено во најоддалечените делови на земјата.

Извор: Си-ен-ен

„Мора да гледате на тоа со ‘африкански очи’ како на традиција која датира од пред стотици години“, соопштил портпаролот на Владата.

Од „Фејсбук“ за Си-ен-ен изјавиле дека платформата за наддавање за малолетни невести е отстранета. Таа била објавена на 25 октомври, а отстранета е на 9 ноември.

„Каква било форма на трговија со луѓе, без разлика дали станува збор за објави, страници, реклами или групи се забранети на ‘Фејсбук’. Го отстранивме постот и веднаш ја блокиравме адресата што му припаѓа на човекот кој го објавил тоа на ‘Фејсбук’“, соопштиле од компанијата.

Активистите за заштита на децата се загрижени дека ваквата аукција може да ги инспирира другите семејства да ги користат социјалните мрежи за да добијат повисоки исплати за нивните малолетни деца.

Прикажи повеќе...

Најново

Топ1 час

В петок состанок на телото за помирување

В петок, најверојатно, ќе се одржи состанок на координативното тело за помирување и интеграција. Деталите околу новиот предлог за амнестија...

Бегството на Груевски3 часа

Рот: Правото на азил е гест на хуманост за прогонетите, но не и за пријател на премиерот

Државниот министер за Европа во германското Министерство за надворешни работи, Михаел Рот, упати критики до унгарските власти кои му доделија...

Македонија3 часа

Италијански медиуми: Папата Франциско во мај ќе ја посети Македонија

Папата Франциско во мај следната година ќе ја посети Македонија, објави римокатоличкиот интернет сервис „Религион дигитал“, повикувајќи се на извори...

Свет5 часа

Турција: Не е можно ЦИА да не знае кој дал наредба за убиството на Кашоги

Турција ги обвини САД дека се обидуваат да го игнорираат убиството на новинарот Џамал Кашоги, што се случи во саудискиот...

Бегството на Груевски7 часа

Унгарскиот министер за правда: Унгарија не може да го екстрадира Груевски, тој може да добие патнички документи

Унгарскиот министер за правда, Ласло Трочањи, за телевизијата „Еко“ изјави дека Никола Груевски може да аплицира за патнички документи како...

Македонија7 часа

Сијарто: Унгарските дипломати не го шверцуваа Груевски преку границите, тој имаше документи

Унгарскиот министер за надворешни работи, Петер Сијарто, денеска одржа прес-конференција, на која рече дека Груевски морал да премине преку три...

Македонија8 часа

(Видео) Апостолски: Недозволиво е да се одреди мерка притвор без да биде сослушан обвинетиот

Денеска, го добивме решението за мерката притвор на Сашо Мијалков. Без да се повика на сослушување, недозволиво е на обвинетиот...

Бегството на Груевски8 часа

Директорот на затворот „Скопје“: Мијалков е во ќелија со други затвореници, има право на посети и два часа прошетка

Нема наредба од судот за ексдиректорот на УБК, Сашо Мијалков, да биде спроведен на рочиштето за предметот „Таргет-Тврдина“ поврзан со...

Македонија8 часа

Хан очекува објаснување од Орбан за азилот на Груевски

Еврекомесарот за проширување, Јоханес Хан на Твитер објави дека доколку е потврдена информацијата дека Унгарија одобрила азил за Никола Груевски,...

Свет9 часа

(Видео) Американскиот Сенат преку писмо побара од Трамп втора истрага за Кашоги

ЦИА не успеа со сигурност 100 %, да утврди дали саудискиот престолонаследник го наредил убиство на новинарот Џамал Кашоги, изјави...

Македонија9 часа

МЗД: Да се разреши составот на Комисијата која утврди дискриминација кон Груевски

Со утврдувањето дискриминација кон Никола Груевски, Комисијата за заштита од дискриминација покажа селективно и непрофесионално работење, смета Мрежата за заштита...

Македонија19 часа

СЈО барало притвор за Мијалков поради оперативни информации дека ќе бега

Во решението на кривичниот суд за притворот на ексдиректорот на тајната полиција, Сашо Мијалков, пишува дека мерката му е определена...

Македонија21 час

Адвокатот на Мијалков: Недозволиво е што тој не беше известен за притворот

Недозволиво е судија на претходна постапка или кривичен совет да не ја извести странката, во случајов Сашо Мијалков, дека за...

Македонија23 часа

(Видео) Мијалков спроведен во затворот во Шуто Оризари

Поранешниот шеф на УБК, Сашо Мијалков, вечерва е спроведен во истражниот затвор во Шуто Оризари поради опасност од бегство, велат...

Македонија24 часа

Владата го одби предлог-законот за амнестија предложен од ВМРО-ДПМНЕ

Владата на денешната владина седница донесе негативно мислење за предлог-законот за амнестија за настаните од 27 април. „Владата донесе негативно...

Uncategorized1 ден

Амнестија во текот на судскиот процес, прекин на постапката за тие што не тепале на 27 април?

Кој ќе се спаси од кривична одговорност за инцидентите од 27 април, најверојатно ќе се утврдува според обвинителниот акт, односно...

Македонија1 ден

Влада: Очекуваме Будимпешта да го предаде Груевски во Македонија

Владата соопшти дека официјално покрај протестната нота доставена вчера за улогата на амбасадите на Унгарија во бегството на Груевски од земјата,...

Бегството на Груевски1 ден

Груевски: Добив азил во Унгарија, продолжувам да ја барам правдата

Поранешниот премиер Никола Груевски, на неговиот „Фејсбук“ профил, ги потврди информациите дека добил политички азил во Унгарија. Тој себе си...

Македонија1 ден

Кривична за директор на јавно претпријатие кој незаконски си зел аванси од над 2 милиона денари

Гевгелиската полиција поднесе кривична пријава против 29-годишен директор од Дојран поради сомнение за сторено кривично дело „проневера во службата“. Како...

Бегството на Груевски1 ден

Министерството за правда го испрати барањето за екстрадиција на Никола Груевски

Министерството за правда го испрати барањето за екстрадиција на Никола Груевски до Министерството за правда на Република Унгарија. „Барањето за...

Досие